بخصوص التحديثات

[البدران]

السلام عليكم،،
مساء الخير جميعا
انا عندي اعانه ماليه بمبلغ ٨٣٣ ريال (صرع مستعصي)
وحبيت استفسر عن التحديث هل هو سنوي او بعد كم سنه
وهل يوجد طريقه لمعرفة هل احتاج تحديث او لا عن طريق الموقع
وشكرا لكم

 

[السهيان]

رد: بخصوص التحديثات

التحديثات كل 3 سنوات الاعاقات المتوسطة وكل 5 سنوات الاعاقات الشديدة بالنسبة للتحديث ادخل على الموقع الخدمات الإلكترونية ثم تقييم الإعاقة مكتوب تاريخ اخر تقييم للإعاقة ثم احسب 3 سنوات وتعرف اذا عندك تحديث أم لا والحالة الثانية يرسلون لك على جوالك اذا عندك تحديث قبلها بثلاث اشهر والحالة الثالثة اذا توقفت الاعانة او سجل المدفوعات يعطيك اخر اعانة استلمتها

 

[سامي]

رد: بخصوص التحديثات

حتى انا جاتني الرسالة وانا مصاب بالانيميا المنجلي ( تكسر دم )
لكن للاسف مدري وشو الطريقى ناس تقول ادخل على الموقع واخذ خطاب للمشفى وناس تقول رح لمركز التأهيل يعطونك خطاب للمشفى وانا من الاحياء ياليت الي عمل تحديث يخبرني شو الطريقة و الخطوات

 

[صانع الاحلام]

رد: بخصوص التحديثات

حتى انا جاتني الرسالة وانا مصاب بالانيميا المنجلي ( تكسر دم )
لكن للاسف مدري وشو الطريقى ناس تقول ادخل على الموقع واخذ خطاب للمشفى وناس تقول رح لمركز التأهيل يعطونك خطاب للمشفى وانا من الاحياء ياليت الي عمل تحديث يخبرني شو الطريقة و الخطوات

تدخل حساب بالموقع هنا

https://eservices.mlsd.gov.sa/#/login/

1

تختار الخدمات الكترونية

2

تحتار ايقونه خدمه تقييم الاعاقه ثم تكمل الدخول

3

تختار التالي ثم لا يوجد تقرير عشان تطبع خطاب تحويل

او تسوي عن طريق مكتبه خدمات طلابيه يطبع لك الخطاب ملون 2 ريال

وتوديه المشفى اللي تتعالج فيها

 

[صانع الاحلام]

رد: بخصوص التحديثات

السلام عليكم،،
مساء الخير جميعا
انا عندي اعانه ماليه بمبلغ ٨٣٣ ريال (صرع مستعصي)
وحبيت استفسر عن التحديث هل هو سنوي او بعد كم سنه
وهل يوجد طريقه لمعرفة هل احتاج تحديث او لا عن طريق الموقع
وشكرا لكم

لاتنسى يضيف لك بالتقرير الجديد اسماء علاجات الصرع

توصلك رساله على جوالك بطلب تحديث

او من طلباتي احسب تاريخ تحديث السابق للان 3 سنوات

 

[ضوء القمر]

رد: بخصوص التحديثات

حتى انا جاتني الرسالة وانا مصاب بالانيميا المنجلي ( تكسر دم )
لكن للاسف مدري وشو الطريقى ناس تقول ادخل على الموقع واخذ خطاب للمشفى وناس تقول رح لمركز التأهيل يعطونك خطاب للمشفى وانا من الاحياء ياليت الي عمل تحديث يخبرني شو الطريقة و الخطوات

شف طال عمرك
انا نفسك تكسر دم

كل اللي عليك اذا ماعندك تقرير جديد تروح للتأهيل الشامل وتقول لهم جاتني رسالة تحديث ومره وحدة ود معاك صورة شخصية لك 4×6 عشان بيعطونك خطاب او إستمارة الفحص وتقول لهم اي مستشفى تبي يفحصونك أختار اللي تتعالج فيه او اي مستشفى يناسبك او قريب منك

وبعد ماتودي الاستمارة للمستشفى بيسالك الموظف اذا مسوي تحليل للنسبة واذا من زمان مسويها خلاص بيعطيك ورقة تروح للممرض وتسحب عينة دم وبعد اسبوع ترجع لهم وبيعطونك الاستمارة وفيها كل شي ومختومه وانت اذا تعرف ترفقها في الموقع واذا ماتعرف الله لايهينك أقرب مكتبه يضيفونها لك

واذا تم قبولها بتجيك رسالة

عاد انت قبل ماتطلع من المكتبه او اذا انت رفقتها بنفسك تروح لطلباتي وتتاكد اذا تحت الإجراء بيكتبون لك 1 يعني تم الارسال بنجاح ومايطولون عليك بالرد اذا قبلوها تجيك رسالة انك مقبول واذا تاخرت هالرسالة حاول تسجل دخول وتشوف ايش الملاحظات اذا فيها شي غلط بيكتبون لك

موفق