ابشرو بالخير

[فالح عبدالله الهاجري]

بسم الله الرحمن الرحيم
الاخوه والاخوات لقد ارسلت فاكس لمعالي الوزير قبل عشرة ايام
وكتبت طلبين وكتبت اريد مقابلتك المهم
الطلبين هي
ليه المعاق او المعاقه اذا اشتغلو ينقطع الضمان عنهم
والطلب الثاني
ليه المعاق والمعاقه اذا اشتغلو ووصل راتبهم 3500 او بحدوده
تنقطع الاعانه
بالحرف الواحد كتبت
هل يرضيكم هذا الشئ يامعالي الوزير ايعقل هذا الكلام !!


المهم كلمني فلان عسيري ناسي اسمه اليوم
قال خطابك تحول لعوض الردادي وكيل الوزارة للتأهيل والاعانات
قلت شئ طيب بس انا بعد كلمت الوزير بخصوص الضمان الاجتماعي بعد
قال انت قادر تجي تقابل الوكيل قلت تحت رايه سيدي سمع وطاعه
حاضر مافي مشكله
قال ارسل فاكس واكتب الطلب وتفاصيله
قلت والضمان قال حنا غير قلت يصير خير


طبعا برسل للردادي طلبي وهو المعاق ماتنقطع اعانته لو يوصل راتبه 10الاف
والاجهزة ليه تتأخر طبعا لاقابلته بحاول يوظفني وظيفه ثانيه بعد الدوام لو كان مستشار بالوزارة اهم شئ امور المعاقين تكون سهله وبسيطه

وما ضاع حق وراه مطالب
وانتم ياحركيه الظاهر انكم مافيه حركه ولا فيه حتى بواذر خير
انتم بالعاصمه ولا تفعلون شئ تخدمون اخوانكم المعاقين بالسعودية
الوزارة قريبة منكم ماسر سكوتكم اقول بالعاميه
وش بلاكم ساكتين تحركو اصدرو بيان عن اعمالكم عن الزواج عن برنامج ذريه
الظاهر انكم سراب الصيف

ياسراب الصيف ماتروي ضماي
ماتبل الريق دام انك سراب


الاخوه والاخوات انا منكم وفيكم وكلامي للجميع ولاابي الا الدعوة لي ولوالدي والمسلمين اجمعين بالسر مو مهم جهر

وهذا باب انفتح الحمدلله يارب يستاهل الحمد
وبكره بعده ارسل الفاكس واتابعه ولا يهمكم
اخوكم

 

[فورد]

رد: ابشرو بالخير

جزاك الله خير ورحم الله والدينك

 

[البرنس985]

رد: ابشرو بالخير

كم اقصى مرتب لقطع الاعانه


وهل يوجوز للموظف اخذ من الضمان الاجتماعي

 

[بنت قحطان]

رد: ابشرو بالخير

أخــــــــــــــــوي فــــــــــــالــــــــــــح
الله يـبـشــرك بـالــخــيــر يــا وجـهـة الــخـيـــــــــررررر

الله يجزيك خير الجزاء واسال الله باسمه الاعظم ان يغفر لك ولوالديك ويكتب لك الاجر بعدد من سجد له ويحط عنك الخطايا بعدد من شهد بالوهيته
ويوفقك الى مايحب ويرضى ويجعلك من احبائه واوليائه ومن حفظة كتابه وينير قلبك بنور الايمان..
واساله بوجهه الكريم الفردوس الاعلى لك ولوالدييك ومن تحب وجميع المسلمين..آمين
​

 

[عيون الاماكن]

رد: ابشرو بالخير

ربي يجزاك كل خير يارب
وربي يوفقك ويحفظك يارب
كان الله في عونك يااخي فالح
ربي يرحم المسلمين اجمعين
ويعطيك طولة العمر

 

[مُعان]

رد: ابشرو بالخير

 

[فالح عبدالله الهاجري]

رد: ابشرو بالخير

اقصى حد للراتب يقولو 3500 مافي اكثر
علما ان حقوق الانسان ماده تنص على ان المعاق يعامل على اعاقته ماهو وضعه الاجتماعي

 

[فالح عبدالله الهاجري]

رد: ابشرو بالخير

اشكر الاخوه والاخوات على ردودهم
وابو مطلق ومنصور الغامدي وعلي العنزي يجهزون انفسهم لاجا الموعد
لانهم طلبو مني المقابله وبداية الالف ميل خطوة والله كريم

 

[السميري]

رد: ابشرو بالخير

بيض الله وجهك وجعل ماتقدمه في موازين حسناتك

 

[منصور محمد الغامدي]

رد: ابشرو بالخير

جاهزين ان شاء الله يابو عبدالله 0 وكلمني اول ماتوصل الرياض بالسلامة0

 

[الجبل حائل]

رد: ابشرو بالخير

فــــــــــــالــــــــــــح
الله يـبـشــرك بـالــخــيــر يــا وجـهـة الــخـيـــــر
الله يجزيك خير الجزاء واسال الله باسمه الاعظم ان يغفر لك ولوالديك ويكتب لك الاجر

 

[عالم ثاني]

رد: ابشرو بالخير

الله يعطيك العافيه وصدقني مادام فيك هذا الاصرار والامل بتوصل للي تبغاه
ولاتسمع للي دام يردون هذا مافي امل يصير وهذا مافي امل يصير
كل شي ممكن بس وين العزيمه والاصرااااار
احي فيك روحك وتفاؤلك
كافي ان عندك كل يوم شي تبغي تسويه للمعاقين ..
وشكرررررررررا اخوي فالح

 

[طبع هادي]

رد: ابشرو بالخير

الله يجزاك خير عن كل المعاقين والله انك بطل وعزيمتك قوية.. الله يجيب الخير...

 

[نور]

رد: ابشرو بالخير

الله يوفقك

 

[امال]

رد: ابشرو بالخير

يعطيك العافيه يافالح ايه كذا دامك قائدنا لازم تحمسنا بالامور السنعه ذي الله يقويك عليهم ويحنن قلوبهم على ذا المعاقين الي قطعو قلبي

<< يقالها سليمه الحين

 

[فالح عبدالله الهاجري]

رد: ابشرو بالخير

ارسلت فاكس حسب مايبون وانتظر يقولون تعال المقابله
واشم رايحة بنج بالموضوع
وانتظر وننتظر يقولون تعال

بس لو احد من الرياض يروحلهم بالادارة التأهيل يقولهم وصلكم الفاكس حسب طلبكم
عند فلان عسيري ناسي اسمه

عموما اصبحنا واصبح الملك لله
بتابعها اليوم ونشوف وش صار