أبيات رائعة صح لسان كاتبها

[محمد العمري]

‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​فكر بعقلك لاتغمض جفونك
واخذ النصيحه جعل ربي يخليك

لاشفت ناسٍ باللقى يمدحونك
أعرف ترى هرج القفا مايسليك

من يمدحك قدام عينك يخونك
ومن يمدحك بقفاك بالقلب شاريك

أحرص على اللي ضاق صدره بدونك
وأترك صديقٍ بالسعه دوم باغيك

بعض الصداقه لمصالح يبونك
وأليا خذا المطلوب ماعاد يبغيك

عليك في ربع السعد ينفعونك
لو واحدٍ منهم عن الناس يغنيك

لاصحت ضايق! رددو لك ياعونك
ولاغبت عنهم أرسلوا من يناديك

يرتاح لاشاف الفرح في عيونك
ويضيق لاشاف الحزن في حكاويك

أحدٍ على سر الصداقه يصونك
وأحدٍ على سر الصداقه حكى فيك

ربع الرخا لاضقت صعبه يجونك
وربع الشدايد واحدٍ بس يكفيك.

 

[إحسـاسي]

رد: أبيات رائعة صح لسان كاتبها

جدآ راااائعه

صح لسـان قايلهـا.. وسلمت يد نـاقلها..

قصيده من واااقع الحياة التي نعيشهــا للأسف

إلآ من رحم الله...!

شكري وتقديري لك ؛؛​

 

[ابو فواز]

رد: أبيات رائعة صح لسان كاتبها

لاصحت ضايق! رددو لك ياعونك
ولاغبت عنهم أرسلوا من يناديك

يرتاح لاشاف الفرح في عيونك
ويضيق لاشاف الحزن في حكاويك

أحدٍ على سر الصداقه يصونك
وأحدٍ على سر الصداقه حكى فيك

ربع الرخا لاضقت صعبه يجونك
وربع الشدايد واحدٍ بس يكفيك.

القصيدة من اولها الى أخرها جميله جدا
اعجبتني اختيار رائع الله يعطيك العافيه اخي محمد
لك احترامي وتقديري