ابيكم بسالفه اقلطواا

[اخت هيووف]

السلام عليكم

اولا اشكركم لانكم فتحتوا موضوعي
ثانيا انا جديده على المنتدى هذا

مممممم حابه اقولكم حاجه انا ماشاركت بهالمنتدى الا عندي سوال واحد واستحي اسال اي احد هالسوال new8انا بنت عمري 22 ادرس بالجامعه وتخصصي تربيه خاصه طبعا سليمه مافيني الاالعافيه اكل واشرب وانام الحمد الله وعندي صديقات كثااار بس انا خواتى معاقات سمعيا يعني صم وبكم ودايم اعاتب امي بانها غلطانه وماهتمت فيهم ولا بالسماعات رغم انها مدرسه وتعرف طبعا بتقولون احنا وشدخلنا..... بقولكم السالفه


انا مشكلتي مااسمع الا من اذن وحده بس والثانيه ابداا !!!بتقولون وشدراك انك فقدتي السمع فيه لاني رحت وفحصت وقالى الدكتور انتبهي لثانيه مالك امل وابتسم new8واستحي اسال امي لان جوابها معروف مافيك الاالعافيه لاتهوجسين واجد واخاف تتحس ويضيق صدرها ...
هل معني هذا انى انا من فئات التربيه الخاصه ولا لا صراحه استحيت اسال الدكتورات والاساتذه هالسؤال!!

بس بسالكم انتم هل انا معاقه سمعيا ولا لا يعني زي خواتي المفروض استلم بطاقه صراف علشان اجيب لي سماعه اذن ويمكن ادويه ولا لا؟؟ رغم اني اسمع من الثانيه زين الحمد الله جاوبني بصراحه هل لي علاج للمعلوميه من طلعت لدنيا وانا كذا


وااااااااسفه طولت ادري بربرت واااجد بس انا كنت افضفض لكم

 

[قاهر اليأس]

رد: ابيكم بسالفه اقلطواا

هلا وسهلا اختنا هيوف حياك الله .. ان شاء الله يدخل واحد من الاخوان ويفيدك وانا برايى تروحين انتى بنفسك تقدمين وتشوفين وش يقولون لك

 

[الاثير]

رد: ابيكم بسالفه اقلطواا

بسم الله عليك اختي على قولت امك وهي صاقه مافيك غير العافيه لاتهوجسي ونا انصحك اسئلي الدكتور ما فيها شي اسئل الله لك العافيه والتوفيق

 

[عيسى محمد]

رد: ابيكم بسالفه اقلطواا

ياهلابك ومليون ترحيب اختي هيوف
نحن سعدا بـ انظمامك لكوكبة النجوم
الصاطعه في سماء الشبكه السعوديه

نعم اختي لازم تروحين لتأهيل الشامل
وعند الاخصائيه قولي لها انا ما اسمع
في اذني كذا وكذا المهم اشرحي لها
وقولي ابي سماعه واعانه وهم رايحين
يعطونك تحويل لاقرب مستشفى وبعد
التقرير يرفعون اوراقك للوزاره وموفقه خير ان شاءالله

 

[عبدالهادي الشمري]

رد: ابيكم بسالفه اقلطواا

الاعاقه اعاقة العقل اما غيره ماهي اعاقه تسمى حاله خاصه
اما موضوع استحيائك بصراحه مو في محله الوضع اقل من عادي وش فيها كثير ناس يصير عنده مشكله بالسمع والامر طبيعي جدا
وبخصوص الاعاتة فيه ناس يتحسس او يخجل ومايحب حد يعرف انه له اعانه هذا شي خاص ولاإرادي طبعا
وفي ناس لا عادي جدا وهو بالاصل عادي ومافيها شي
اسال الله ان يشفي خواتك ومافيه شي صعب على الله

 

[أم البدر]

رد: ابيكم بسالفه اقلطواا

بصراحه ماني لاقيه اي سبب على خجلك من السؤال هذا حق من حقوقك من الحكومه ليه تفرطين فيها وعلى فكره انتي المفروض لك اعانتين من الجامعه من غير المكافاه ومن التاهيل كمان - يالله من بكره جيبي معاك تقرير طبي او روحي للتاهيل ويعطونك خطاب للمستشفى ولازم يكون حكومي -وخليك دائما متابعه المنتدى عشان تتعرفين حقوقك والله يسهلها عليك -

 

[عيسى حياتو]

رد: ابيكم بسالفه اقلطواا

زبدة الكلام وانا اخوك ان فيك صم في اذن وحده ، صح
اذا كان صح فأعتقد ولست متأكد واتمنى اهل العلم في هذا المجال بفتونك ان لك اعانه 4000 سنويا

 

[أميرة الحزن]

رد: ابيكم بسالفه اقلطواا

[align=center]
نفس حالة اختي عندها وحده من اذانيها ماتسمع فيها متزوجة وفي احسن حال لكن انها قالت لزوجها وشايفة الامرعاديالله يحفظها بالعكس هي دايم تقول ابغى اقدم اذا لها حق من حقوقها مامنه حيا اوخجل الله يشفينا جميع ويكتب لنا اللي فيه الخير ترانا حنا قايمين بنفوسنا والله يكتب لنا اللي فيه الخير
[/align]

 

[اخت هيووف]

رد: ابيكم بسالفه اقلطواا

اشكر كل اللي ردوا على الله يعافيكم :d
مممم
الله يخلي لك اختك اميره الاحزان ماشاء الله عليها

 

[هدوء الفجر]

رد: ابيكم بسالفه اقلطواا

هلا اختي
الله يشفيك ويشفي كل خواتك ويسهل اموركِ
روحي لـ مركز التأهيل هم الي راح يفيدونك بكل شيء
وهذا مافي شيء ولاتخجلي
ربي يوفقك