عضوة جديدة مع استفسارات

[دانه منصور]

السلام عليكم ورحمة الله وبركاته

مساء الخير
اسأل الله الصحة والعافية للجميع

اسمي دانه عمري 20 سنة طالبة جامعية مشخصة من سنتين تقريبا بعد معاناة 5 سنوات بالتصلب العصبي اللي اكتشفت مؤخرا انه اعاقة والحمدلله بتوجيه من الاخصائية الاجتماعية لمركز خدمات ذوي الاحتياجات الخاصة بجامعة الملك سعود قدمت على اعانة وتمت الموافقة الحمدلله وانتظر صرف اول مبلغ

انا ضعت بالمنتدى صراحة عندي كذا سؤال اتمنى الاجابة عليها بروابط لمواضيع او رد الاعضاء

الاول انا كمريضة تصلب عصبي تحديدا ايش اللي مفروض اطالب فيه بالذات ان ماعندي اي فكرة عن حقوق ذوي الاحتياجات الخاصه؟؟!

الثاني هل ينفع اني آخذ اعانة الجامعة واعانة من الضمان؟؟!

وبخصوص البطاقة ايش هي بالضبط؟؟ وكيف اقدر اقدم عليها؟؟ ووين اقدم عليها بالرياض؟؟!

الحمدلله على كل حال الشلل والكفف وغيره من الاعاقات الملحوظه الناس العاديين يشوفونها ويعرفونها وللأسف على قولتهم محد حولك فكيف باعاقة خفية مثل التصلب العصبي وللأسف مرض ماهو معروف ومكتسب يعني مو من الولادة



شاكرة لكم واتمنى قبولي كعضوة جديدة

وشكرا

أختكم/ ابنتكم
دانه

 

[أم الغالين]

رد: عضوة جديدة مع استفسارات

أهلا وسهلا بكى ياحبيبتى أنى أم أحمد أعتبرنى أختك

 

[آهة وصمت]

رد: عضوة جديدة مع استفسارات

اهلا بك اختي بين اخواتك واخوانك
هلابك اتمنى ان تفيدي و تستفيدي ،،،

بالنسبة لمطالبك اختي كما هي مطالب المعاقين ،،
واذا لزمك اي ادوات من احتياجات المعاقين تطلبينها من مركز التأهيل الشامل ،،،

وكذلك البطاقة ..

 

[سفير قحطان]

رد: عضوة جديدة مع استفسارات

مرحبا ومسهلا بك اختي دانه نورتي المنتدى اولا البطاقه الاعاقه تصرف من التاهيل الشامل وكذلك بطاقه تخفيض اركاب وان شاء الله الاخوه والاخوات يفيدونك اكثر بالتوفيق

 

[رجآوي]

رد: عضوة جديدة مع استفسارات

[align=center]



[/align]

 

[مغترب22]

رد: عضوة جديدة مع استفسارات

مرحبا اختي دانه وحياك الله بين اخوانك

الاول انا كمريضة تصلب عصبي تحديدا ايش اللي مفروض اطالب فيه بالذات ان ماعندي اي فكرة عن حقوق ذوي الاحتياجات الخاصه؟؟!

انا ابقولك من تبين تطالبين بحقوقك مافهمت يعني انتي تبين تطالبن او تعرفين وش لك وش عليك اذا تبين اللي لك وعليك مثلنا

المبالغ المادية
اولا الضمان 800 ريال اذا كنت لا تعملين اما انتي طالبه مااظن تصرفلك الا بواسطة
الاعانه تقدمون على التاهيل الشامل وتفحصين عن الدكتور وهو يحط نسبة الاعاقة مثلا انا 75% ويصرف لي 14000 سنويا والا 1165 شهريا
اعانه مكافاة طالب الجامعه على حسب اعاقته برضو يقررها طببيب التاهيل الشامل واظن المكافاءة 3000+990 انا يوم كنت ادرس اخذتها

تقريبا هذي المصادر الماليه اللي تجينا

الحقوق الصحيه
تقدرين تفتحين ملف بالعسكري وتتعالجين هناك بدون امر من اوامر ولي العهد ( نا ماجربتها لانو عندي ملف من قبل هالاوامر )

الحقوق الاخرى
بطاقة من مركز التاهيل الشامل هم بطاقتين تصرف الاولى للمرور والتسهيلات المرورية والثانيه تخفيض بالخطوط والقطار والنقل على مااظن
كرسي او اي جهاز تحتاجينه برضو من مركز التاهيل الشامل صح تبطي بس تجي

يمكن نسيت شي

اما الحقوق اللي لم ترا النور كثيره ونتفائل خير في ابو متعب وابو خالد

الثاني هل ينفع اني آخذ اعانة الجامعة واعانة من الضمان؟؟!

اضن ينقطع الضمان اذا صرتي طالبه ولكن اذا عندك واسطه فاحلال عليك وزيادة الخير خيرين

وبخصوص البطاقة ايش هي بالضبط؟؟ وكيف اقدر اقدم عليها؟؟ ووين اقدم عليها بالرياض؟؟!

اي بطاقة تقصدين

بطاقات المعاق من التاهيل الشامل وقلت لك توروحن لمهم وتفتحون ملف وتكشفون عند الدكتور وبعدها تلبون البطاقات اللي تبون

الحمدلله على كل حال الشلل والكفف وغيره من الاعاقات الملحوظه الناس العاديين يشوفونها ويعرفونها وللأسف على قولتهم محد حولك فكيف باعاقة خفية مثل التصلب العصبي وللأسف مرض ماهو معروف ومكتسب يعني مو من الولادة

اولا ربنا يشفيك ويعافيك

ثانيا حطي ببالك الحديث - مامن داء الا وله دواء الا السام- السام = الموت

العلم الان تطور والعلاجات كل يوم يكتشف شي جديد انا مادري وش التصلب العصبي بس اظن هو ما يسمى ms صح ولا لا

اذا صح انا شفت حالات كثير تحسنت وكانت تتعالج بالخلايا الجذعيه طبعا هالعلاج من 2005 تحت التجربة والان هم تقريبا 70% من الدول تتعالج فيه منها السعوديه بالتخصصي والحرس

اتمنى اني افدتك

 

[فالح عبدالله الهاجري]

رد: عضوة جديدة مع استفسارات

مغترب ماقصرت جزاك الله خير