دعوة لتعارف لكل والد طفل معاق فكرياً

[نون]

الحقيقة انا احب ان اتعرف على كل اب او ام طفل معاق فكريا لكي نتشاور في كل ما يهم اطفالنا ذوي الاعاقة الفكرية, نبحث ونتشاور في مجال تعليمهم وحقوقهم والاساليب والطرق الافضل لتعامل معهم.....ومن خلال هذا المنتدى الرائع نتواصل.

 

[ام المعاقتين]

رد: دعوة لتعارف لكل والد طفل معاق فكرياً

اناام لطفله داون وطفله شلل دماغي واصليني علي الايميل

 

[واثق الخطوة]

رد: دعوة لتعارف لكل والد طفل معاق فكرياً

اناام لطفله داون وطفله شلل دماغي واصليني علي الايميل

قوانين المنتدى تمنع التواصل عن طريق الايميل ..
ويكون طرح المواضيع للنقاش
وتبادل المعلومات والتجارب بالقسم المخصص.
لكي تعم الفائده للجميع ..​

 

[نون]

رد: دعوة لتعارف لكل والد طفل معاق فكرياً

اناام لطفله داون وطفله شلل دماغي واصليني علي الايميل

حياك الله اختي الكريمة,
انا لدي طفل عمره 4 سنوات تقريبا لديه تعدد عوق( فكري-حركي-نطق) لكن الحمد لله في تحسن مستمر
وانا متخصص في مجال التربيةالخاصة"الاعاقة الفكرية".

والهدف ان نتواصل من خلال هذا المنتدى ونفيد ونستفيد من بعضنا البعض, بما يخص اطفالنا,
ونتناقش مثلا في افضل الطرق لتعليمهم,وطرق التواصل معهم, وتعديل سلوكهم الى الافضل والحصول على حقوقهم المادية والمعنويه....او على الاقل نتشارك همومنا وندعم بعضنا البعض.

 

[نون]

رد: دعوة لتعارف لكل والد طفل معاق فكرياً

اناام لطفله داون وطفله شلل دماغي واصليني علي الايميل

قلبي معك انا لم انتبه ان لديك طفلتين من ذوي الاحتياجات الخاصة.الله يقويك ويجعلهم سبب في دخولك الجنه.

ياليت اختي تكلمينا اكثر عن حالتهم وطريقة تعاملك معاهم ونصايح توجهينها لنا قد يستفيد منها الكثيراو معلومات انتي ترغبين بالحصول عليها.

 

[نون]

رد: دعوة لتعارف لكل والد طفل معاق فكرياً

شكلي بغير العنون وكتب " زياده في الاعانة"
او اكتب العنون " الحصول على سيارة....ولا ارض

 

[ام خالد]

رد: دعوة لتعارف لكل والد طفل معاق فكرياً

السلام عليكم

شكرا لك لطرحك الكريم



انا ام لطفلين معاقين حركيا وعقليا
لا يستطيعون عمل شئ ابدا

يستطيعون فقط الابتسام
لنا ولهم الله ..

انت تدري ..ولدي خالد عمره 18 سنه لو يجلس يوم كامل من غير شرب او اكل مايعرف يطلب
انا اتابعه غذائه بالساعة ..

البنت دعاء عمرها قارب على 7 سنوات .. لاتعرف الا الابتسامه الجميله .

قولي بماذا تفيديني ؟؟

انا دائمة التحدث لهم

كيف الحال ؟؟ ايش تبغى......ياللا فطور ..يلا غدا وهكذا ..

انا اتكلم اتكلم ...وهم يبتسمون يبتسمون؟؟
........
......

 

[ام خالد]

رد: دعوة لتعارف لكل والد طفل معاق فكرياً

شكلي بغير العنون وكتب " زياده في الاعانة"
او اكتب العنون " الحصول على سيارة....ولا ارض

إنت الحين كاتب او عارض فكرة رائدة للاهالي :41:

لا تتخلى عنها

اكتب ماهو لازم احد يشارك معك الان

هذا عالم النت عالم مفتوح للحاضر وللمستقبل

اذا مالقيت احد يتابعك الان بتلقى بعد كم شهر او كم سنة :confused1:

لا تستسلم

اكتب مافي خاطرك لتعم الفائدة لو بالقراءة فقط من غير مشاركة احد

إلى أن يسخر الله لك من يساندك ويتابعك

اسأل الله لك الاجر والمثوبة على كل ماتكتب

...........

 

[نون]

رد: دعوة لتعارف لكل والد طفل معاق فكرياً

إنت الحين كاتب او عارض فكرة رائدة للاهالي :41:

لا تتخلى عنها

اكتب ماهو لازم احد يشارك معك الان

هذا عالم النت عالم مفتوح للحاضر وللمستقبل

اذا مالقيت احد يتابعك الان بتلقى بعد كم شهر او كم سنة :confused1:

لا تستسلم

اكتب مافي خاطرك لتعم الفائدة لو بالقراءة فقط من غير مشاركة احد

إلى أن يسخر الله لك من يساندك ويتابعك

اسأل الله لك الاجر والمثوبة على كل ماتكتب

...........

يعطيك العافية, وشكرا لدعمك, وانا لن استسلم ان شاء الله وافكر ان اجمع اكبرعدد ممكن من اولياء امور ذوي الاعاقة الفكرية لكي نؤسس في المسقبل القريب جمعية خاصة بنا ندافع عن حقوق ابنائنا.

 

[نون]

رد: دعوة لتعارف لكل والد طفل معاق فكرياً

السلام عليكم

شكرا لك لطرحك الكريم



انا ام لطفلين معاقين حركيا وعقليا
لا يستطيعون عمل شئ ابدا

يستطيعون فقط الابتسام
لنا ولهم الله ..

انت تدري ..ولدي خالد عمره 18 سنه لو يجلس يوم كامل من غير شرب او اكل مايعرف يطلب
انا اتابعه غذائه بالساعة ..

البنت دعاء عمرها قارب على 7 سنوات .. لاتعرف الا الابتسامه الجميله .

قولي بماذا تفيديني ؟؟

انا دائمة التحدث لهم

كيف الحال ؟؟ ايش تبغى......ياللا فطور ..يلا غدا وهكذا ..

انا اتكلم اتكلم ...وهم يبتسمون يبتسمون؟؟
........
......

اختي الكريمة كيف تم شخيصهم انهم معاقين فكريا؟
( طبعا بنستخدم مصطلح معاق فكري لانه هو الصحيح بدل الاسماء القديمة معاق عقلي وتخلف عقلي ....).
يعني وضحي خطوات التشخيص..هل كان طبيب او اخصائي نفسي هل بالمشتشفى او بشؤون الاجتماعية؟
هل تم مساعده له وهو صغير او لها من قبل اي جهه مثل مراكز تدخل مبكر.
يعني فقط تكلمي عن:
1- كيف تم تشخيصه بالاعاقة الفكرية.
2- هل كان هناك تدخل مبكر بتعليمة او تدريبه على النطق مثلا او اي تدخل كان من قل اي جهه حكومية او خاصة؟

 

[حموده]

رد: دعوة لتعارف لكل والد طفل معاق فكرياً

أسال الله الشفاء العاجل لك مريض

 

[ام خالد]

رد: دعوة لتعارف لكل والد طفل معاق فكرياً

اختي الكريمة كيف تم شخيصهم انهم معاقين فكري ؟

من مراجعات في المستشفى العسكري والتخصصي ومركز عبد اللطيف

1- كيف تم تشخيصه بالاعاقة الفكرية ؟؟
مرض وراثي لم يتم تشخيصه الا انه تلف في جميع مراكز الاحساس والاعصاب وكل شي في المخ

2- هل كان هناك تدخل مبكر بتعليمة او تدريبه على النطق مثلا او اي تدخل كان من قل اي جهه حكومية او خاصة؟

الولد عمره 18 سنه لم يتم ادخاله اي مركز تدخل مبكر وهذه غلطة عمري
احاول اصلح غلطتي بإني ادخل اخته الصغيرة مركز رعاية نهاري من الساعة 7والنصف الى 12
لكنها حتى الان لاتجيد مسك الاشياء
ولا الكلام
ولا التعبير عن الشعور بالجوع او العطش

مثل ماقلت لك انا اللي اكلمهم هم يضحكون ينبسطون اني اسولف معهم وانتبه لهم
ويعرفون اني امهم
خالد اذا حس بالالم او مريض اول مايشوفني يبكي ..يعني الحقيني ..واحاول اهديه او اوديه الى المستشفى

البنت الصغيرة تحب اخواتها جدا وبس تضحك اول مايجون من المدارس
.........

 

[عبد الله محمد]

رد: دعوة لتعارف لكل والد طفل معاق فكرياً

اما انا اخت معاق عبد الله ..
(معاق عقلي وشديد الحركه لايعرف مايضره ) لولا امي كان ............. الله يعين امي ..


هو اصغر اخواني اهتمت امي فيه كثثييييير اللحين ماتقدر كبرت بالسن ..انا بعيده عنها وماله غيري ..جبنا خادمه

وماقدرت عليه ..اما ابوي مو حاس فيه عايش حياته ..اللحين هو بحاله لا يعلمه غير الله من بعد امي مافي احد يعتني فيه ..ا(الله يعطيه طولت العمر)

اليوم رحنا تاهيل المجمعه قالوا مانقدر ناخذه كثير الحركه ...

تدرووون اللحين كيف حاله بعد امي (مربوط بحبل) ايه شيء محزن جدآ ...

نبي احد يساعده ....نرجووووووكم نبي مكان يعتني فيه ....


أنا ابكي وانا اكتب الكلام .....املي بالله كبير ...

 

[نون]

رد: دعوة لتعارف لكل والد طفل معاق فكرياً

اختي الكريمة كيف تم شخيصهم انهم معاقين فكري ؟

من مراجعات في المستشفى العسكري والتخصصي ومركز عبد اللطيف
( طيب ما عطوك نصائح او توصيات كيف تتعاملين معه او اسماءمراكز ممكن ترعاه بفتره صباحيه او طوال اليوم ؟) وشرحو لك حالة ابنك بتفصيل؟
1- كيف تم تشخيصه بالاعاقة الفكرية ؟؟
مرض وراثي لم يتم تشخيصه الا انه تلف في جميع مراكز الاحساس والاعصاب وكل شي في المخ
. اختي ابنك قد يكون تفكيرة سليم ولكن المشكله حركية فقط جسمية يعني تلف في الاعصاب المسؤولة عن الحركة مثل حركةاللسان المسؤول طبعا عن ترجمة التفكير الى لغة مسموعة.او قد يكون عنده صمم ويستوعب بطريقة اشاراة معينه....ياليت كلميني اكثر عن تفاعلة معاك يعني يصدر صوت او يبكي مثلا اذا بعدي عنه؟ اي ملاحضات عليه صوت حركة

2- هل كان هناك تدخل مبكر بتعليمة او تدريبه على النطق مثلا او اي تدخل كان من قل اي جهه حكومية او خاصة؟

الولد عمره 18 سنه لم يتم ادخاله اي مركز تدخل مبكر وهذه غلطة عمري
احاول اصلح غلطتي
غلطت عمرك !!! لا بالعكس العذر معاك ولا هي غلطتك وخصوصا انه او حالة تم عليك اذا فيه احد غلطان فهم كثير غيرك انتي طبعا وهو كل طبيب او اخصائي او مسؤال عن ذوي الاحتياجات الخاصة لم يستطيع تنبيهك ومساعدتك لوضعه بالمكان المناسب...وبالمناسبه ليس كل الحلات ينفع معها التدخل المبكر احيانا يكون حنان الام وجو الاسرة افضل من برامج تدخل مبكر او مراكز عقيمة
بإني ادخل اخته الصغيرة مركز رعاية نهاري من الساعة 7والنصف الى 12
لكنها حتى الان لاتجيد مسك الاشياء
ولا الكلام
ولا التعبير عن الشعور بالجوع او العطش
وش اسم المركز الي مدخلته بنتك؟ وش انطباعك عنه؟
( عشان ممكن احد هنا يفيدك عن مركز افضل مر بتجربتك ونستفيد من بعض انا تختار لابنائنا المراكز المناسبة) بشكل عام اي علاج نطق ولا علاج طبيعي او اكاديمي لازم يكون بمساعدة الوالدين وتبذلين اجهد اكبر معاه اكثر منهم لانك انتي اكثر انسانه تفهمة وهم شي انه بيتقبلمنك اكثر....يعني تابعي معهم وطلبي استشارتهم وطبقي بالبيت
.
مثل ماقلت لك انا اللي اكلمهم هم يضحكون ينبسطون اني اسولف معهم وانتبه لهم
ويعرفون اني امهم
خالد اذا حس بالالم او مريض اول مايشوفني يبكي ..يعني الحقيني ..واحاول اهديه او اوديه الى المستشفى.
طيب فعلا يطلع مريض بكل الحلات؟ ممكن يكون مشتاق لك ومو عارف يعبر؟ والبكاء وسيلة الوحيده عن التعبير " مثل الاطفال الصغار".

البنت الصغيرة تحب اخواتها جدا وبس تضحك اول مايجون من المدارس .
حاولي تخلين اخوانها يلعبون معاها ودربيهم على تعليمها ويكرون الي تسوينه لان الاطفال يقبلون من بعض اكثر ويتعلمون اكثر.
.........

الله يخليهم لك.. ولا تفكرين ابدا انك قصرتي معهم ابدا يكفي حبك وعطفك عليهم....غيرك من الامهات وهم قليل ان شاء الله "ناطله عيالها بمراكز تاهيل ولا تدري عتهم ."

 

[نون]

رد: دعوة لتعارف لكل والد طفل معاق فكرياً

اما انا اخت معاق عبد الله ..
(معاق عقلي وشديد الحركه لايعرف مايضره ) لولا امي كان ............. الله يعين امي ..


هو اصغر اخواني اهتمت امي فيه كثثييييير اللحين ماتقدر كبرت بالسن ..انا بعيده عنها وماله غيري ..جبنا خادمه

وماقدرت عليه ..اما ابوي مو حاس فيه عايش حياته ..اللحين هو بحاله لا يعلمه غير الله من بعد امي مافي احد يعتني فيه ..ا(الله يعطيه طولت العمر)

اليوم رحنا تاهيل المجمعه قالوا مانقدر ناخذه كثير الحركه ...
( يعني ما شالله عليهم يبون واحد عاقل ما يزعجهم اجل على ايش ياخذون راتب ودعم من الدوله يفتحون نادي رياضي او منتجع سياحي ) ... اذا يبون ناس عاديين.
ارفعي خطاب لمدير التاهيل الشامل " الشؤون الاجتماعية بالرياض المركز الرئيسي.
او احد يروح بنفسه.....او ارفعوا برقيه لخادم الحرمين الشريفين. وتصلو جريدة الرياض لاني بصراحه شفت او قريت حالات عرضتها جريدة الرياض وبعدها بفتره وصل توجيه من المسؤولين.
تدرووون اللحين كيف حاله بعد امي (مربوط بحبل) ايه شيء محزن جدآ ...
الله يعينكم ويصبركم وتنفرج قريب ان شاء الله
نبي احد يساعده ....نرجووووووكم نبي مكان يعتني فيه ....


أنا ابكي وانا اكتب الكلام .....املي بالله كبير ...

الله يعينكم ويقويكم...وتاكدي ان الله بيعوضك معاه ومع امك بدنيا والاخرة.
ياليت اختي تقولين حالته بتفصيل...يعني يمكن يكون عنده مرض عقلي؟ او مرض نفسي؟
او ظطراب حركة وتشتت انتباه؟ ياليت تقول من شخصة اي مركز او مستشفى؟
"" عشان كلنا نبحث عن المكان المناسب له "" ونعرف مين نخاطب !!!
يا اخون الي مر بنفس الحالة يفيدنا ؟ والله يكتب له الاجر....لان الدال على الخير كفاعلة

 

[نون]

رد: دعوة لتعارف لكل والد طفل معاق فكرياً

أسال الله الشفاء العاجل لك مريض

جزاك الله خير اخوي وشكرا على مرورك لكن نبي تفاعلك معنا.... ويكفى ان نساند بعضنا البعض معنويا حتى لو لم نستطع تقديم العون المطلوب.

 

[ام خالد]

رد: دعوة لتعارف لكل والد طفل معاق فكرياً

اخي نون جزاك الله خيرا

للاسف مااحد وجهني لاي مركز

يقولون خليه في البيت احسن ؟؟ هذا الكلام قبل 18 سنه تخيل
نفس الكلام قالوا لبنتي الصغيرة خليها في البيت احسن
العقول نفس العقول ماتغيرت
لولا ان الله انعمنا علينا بالنت وبإمهات فاضلات يدلونك على مراكز كان خليت بنتي في البيت زي اخوها

اسم مركز بنتي " مركز ايثار للرعاية النهارية " وهو مركز جيد جدا وبنتي تحسنت كثير من حيث
الادراك لما حولها.

.........

 

[ام خالد]

رد: دعوة لتعارف لكل والد طفل معاق فكرياً

اخت عبدالله ..الله يعينكم

ماحاولتوا تجيبون خادم ممرض ذكر افضل من الخادمة للولد

لو من غير تأشيرة من داخل البلد " ممرض اجنبي بس عربي قد ينفعكم بإذن الله"

 

[عبد الله محمد]

رد: دعوة لتعارف لكل والد طفل معاق فكرياً

ام خالد مشكوووره ..بس البيت صغير صعبه خادم ..

نون ...>> من جد فرحت يوم لقيت احد حاس فينا ..
بالنسبه للخطاب صعبه يبي احد يراكض فيها وحنا مو قادرين ..


هو بدايت طفولته كان عنده حركه وتشتتت بالانتباه كن نحس انه متخلف لانه مايعرف وش اللي يضره كم مره انكب عليه ماء حار راجعناه بمستشفى الحرس الوطني بالرياض كان العلاج اللي يعطونه مايناسبه اما يسوي له تشنج او يحصل عنده قيء ..ع هالحاله مالقينا العلاج المناسب لحالته ..

بعد 7 سنوات بانت عليه التخلف العقلي مايقدر ينفع نفسه مايحس بنفسه اذا احتاج لدوره المياه (الله يعزكم )
ماخلينا مستشفى خاص الا ورحنا له ..

كان عندنا امل ان نلقى من يعتني فيه (التاهيل الشامل )بس تحطمنا بعد الكلام اللي سمعناه ..

هل مستشفى (شهار )بالطائف يقبله ...وسمعت انه بواسطه صدق هالكلام ..

ســــــــاعـــــــــــدونــــــــــــــا ..

نون الله يسعدك ويسر امورك والله يشفي ابنك ...لانك فرحتنا بتجوبك معنا ...

يمكن النت ينقطع وماقدر اتفاعل معكم .. اقدر اضع رقمي اذا لقيت احد يساعدنا ..

 

[نون]

رد: دعوة لتعارف لكل والد طفل معاق فكرياً

ام خالد مشكوووره ..بس البيت صغير صعبه خادم ..( يمكن بساعدة اهل الخير يبنى ملحق صغير غرفة ودورة مياه خارج المنزل...وتجيبون مرافق معه يكون مسلم مصري او هندي ويكونون عارفين حالته قبل تسقدمونهم).
....طبعا هذا اخر حل.
نون ...>> من جد فرحت يوم لقيت احد حاس فينا ..
بالنسبه للخطاب صعبه يبي احد يراكض فيها وحنا مو قادرين ..
دوم الفرح ان شالله ...
الخطاب ممكن اي احد يقرب لكم بالرياض, والي بقلبهم رحمة كثيران شاء الله,,وذا مره ما فيه مجال يمكن الاستعانة بمكتب تعقيب" وحسب علمي ان بعض مكاتب التعقيب تاخذ وكالة عن الشخص وتراجع له".وتوفر الوقت واحينا مكاتب التعقيب لهم علاقات ما يقدر يوصلها الشخص العادي.

هو بدايت طفولته كان عنده حركه وتشتتت بالانتباه كن نحس انه متخلف لانه مايعرف وش اللي يضره كم مره انكب عليه ماء حار راجعناه بمستشفى الحرس الوطني بالرياض كان العلاج اللي يعطونه مايناسبه اما يسوي له تشنج او يحصل عنده قيء ..ع هالحاله مالقينا العلاج المناسب لحالته ..
حسبي الله ونعم الوكيل...انا ولدي كانوا يعطونه علاج صرع وعطل كل حواسه...ولو ما قلت لدكتور وقفة كان وضعه الحين صعب. لان بعض الادوية توقف حواس الطفل وتفصله عن العالم الخارجي.. والسنوات الاولى من العمر "السنوا ت الحرجة" اذا الانسان ما تعلم الامهارات الاساسية مثل النطق والكلام صعب بل مستحيل يتعلمها وهو كبير.
ايضا انا اعرف شخص حكى لي معناة اخوة مع مستشفى الحرس انه كان عنده اضطراب بسيط ومع علاجهم اصبح وضعه صعب....لكن ما نقول الا حسبي الله ونعم الوكيل

بعد 7 سنوات بانت عليه التخلف العقلي مايقدر ينفع نفسه مايحس بنفسه اذا احتاج لدوره المياه (الله يعزكم ).
ايه بالفترة هذي يكون لازم يدرب على العناية بالذات " يعني تدريب على الحمام على تغير الملابس الاكل بدون مساعده.....
طيب الحين هو يقدر يعتمد على نفسه بقضاءء الحاجة؟
لانه للاسف الشديد اغلب المراكز تشترط هذا الشرط ان الشخص يكون معتمد على نفسه في الاشيا البسيطه...لكن قد يكون الوضع تغير الان" يعني كلامي قد يكون غير دقيق في هذة النقطة"
ماخلينا مستشفى خاص الا ورحنا له ..
ايه عاد المستشفيات الخاصة ما يقولون لا ما نعرف الا بعد ما يلهفون مبلغ وقدرة...وبعدين يقولن ما نقدر.
كان عندنا امل ان نلقى من يعتني فيه (التاهيل الشامل )بس تحطمنا بعد الكلام اللي سمعناه ..
ان شاء الله الامل بالله موجود.....ونا متاكد لو وصل صوله لاحد المسؤلين من ثاني يوم بيقبلونه.
هل مستشفى (شهار )بالطائف يقبله ...وسمعت انه بواسطه صدق هالكلام ..
اكيد الواسطه عندنا بكل مكان.....لكن هناك فرق بين المرض العقلي والمرض النفسي و الاعاقة العقلية...ليس هنا مجال لطرح الفرق بينها..لكن اتوقع ان كل جهه تقبل حسب اختصاصاها اولا وبعدين يجي دور الواسطه.

ســــــــاعـــــــــــدونــــــــــــــا ..

نون الله يسعدك ويسر امورك والله يشفي ابنك ...لانك فرحتنا بتجوبك معنا ...
الله يجزاك خير

يمكن النت ينقطع وماقدر اتفاعل معكم .. اقدر اضع رقمي اذا لقيت احد يساعدنا ..

ما توقع سياسة المنتدى تقبل وضع رقم هواتف بالمشاركات لكن ممكن تتواصلين مع ادارة المنتدى.