افادة الله يخليكم عاجلة

[خيالات حالم]

صباح الخير للجميع

عندي كم سوال ارجو الافادة

السوال الاول انا سجلت في الشؤون الاجتماعية من شهر واحد وجت الموافقة في شهر ثلاثة اني احد المستفدين في الشؤون الاجتماعية كيف اسجل من ضمن مشمولين مكتب العمل ماهي الخطوات انا قرات بعض الردود انه لازم الاحوال او مثل كذا ابي الخطوات كاملة تكفون لاني راح استفيد في العمل بعض المميزات وكيف اعرف انها تعدلت وكم من وقت تاخذ

الثاني الثاني قوللي البطاقة الصراف تاخذها بعد شهرين من وين اخذها انا من الرياض ومبلغ الاعانة 4000 ريال هل تنزل كل ستة شهر ولا سنوية واذا بغيت شهرية كيف اعتقد تنقسم على 12 شهر

ثالث شي قوللي ما تحتاج بطاقة معاك لانه اعاقتك قوية انا عندي عيوب النطق شديد و توثر على التواصل اللغوي .


معليش طولت علكيم لكن اكيد القى الافادة عندكم يا عزوتي

 

[خيالات حالم]

رد: افادة الله يخليكم عاجلة

معقولة يا اخوان مافي احد يعرف عن الجواب

ابي منكم الافادة بس عشان اتمكن من تسجلي في مكتب العمل وا ستفيد من مميزات المقدمه لي من جهة العمل اللي انا فيها

 

[احمد الاحمد]

رد: افادة الله يخليكم عاجلة

الله يعينك اخي وصبر جميل

جت الموافقة في شهر ثلاثة اني احد المستفدين في الشؤون الاجتماعية

كيف اسجل من ضمن مشمولين مكتب العمل

ان شاء الله انه مسجل بانك من ضمن المشمولين لمكتب العمل
اضغط على الرابط وحط رقم هويتك وباذن الله من المشمولين
http://mosa.gov.sa/portal/modules/query/mol.php

قوللي البطاقة الصراف تاخذها بعد شهرين من وين اخذها انا من الرياض

اعتقد من نفس المكان اللي قدمت فيه ومن هنا بالرابط تقدر تعرف ان بطاقتك جاهزه لديهم ام لا .
مع اين مكان اخذ البطاقه http://mosa.gov.sa/portal/modules/query/e3nh.php

مبلغ الاعانة 4000 ريال هي تنزل كل سته اشهر

قوللي ما تحتاج بطاقة معاك لانه اعاقتك قوية انا عندي عيوب النطق شديد و توثر على التواصل اللغوي .

هذه مافهمت ممكن توضيح اكثر

 

[خيالات حالم]

رد: افادة الله يخليكم عاجلة

الله يعطيك العافية اخوي انا شفت اسمي في مكتب العمل ما حصلته كاتبين ليس مشمول

من ناحية الاعانة دخلت لموقع الوزارة والحمدالله لقيت اسمي بس الاعانة 4000 وكاتبين مقدر القسط 2000 يعني كل ستة اشهر 2000 صح ولا انا غلطان

اليوم صار تحديث في الموقع لاني في الصبح ادخل ولا حصلت اسمي بس هالحين حصلته


بخصوص البطاقة اقصد بطاقة معاق اللي تكون صورتي فيها قوللي ما تحتاج



في الحالة هذه وش اسوي في مكتب العمل ساعدوني بليز

 

[خيالات حالم]

رد: افادة الله يخليكم عاجلة

شي ثاني كاتبين الاعانة : بدون بطاقة يعني متى تصدر

 

[خيالات حالم]

رد: افادة الله يخليكم عاجلة

وينكم ردوا على استفساراتي تكفون

اخر سوال لي هل يفتحون لي حساب ولا كيف واي بنك تنزل