فارس عوض '' ../ عطني من القلب [ ربآهـ ]

[حلوة عذاريب]

فارس عوض عطني من القلب ربآه
على هذيك اللي ذبحتنا بحلاها

سمعني مش ممكن وسمعني الله
لغت حضور اللي مشو من وراها

فتنه وتمشي بكل ثقه ويل ويلاه
ماكن في الدنيا يا فارس سواها

شفت اللي ماشي وهو عارف مزاياه
تمشي بثقه تدري ان ربي عطاها

كأنها اللي اختارت جمالا تمناه
كأنها اللي اختارت حسنها وحلاها

تدري اللي يلمحها يردد يا محلاه
تدري انها حلوه وعارفه مستواها

مشت وعدت حاورت سجلت آه
في قلوب كل اللي تمنو رضاها

اقسم بربي كأنها تلعب مباراه
تحكيم والجمهور كله معاها

عليها قلب الله مقساه مقساه
لبؤه تمشي والثعالب وراها

ماتلتفت ماتبتسم وشو معناه
مغروره دلوعه يا فارس بلاها

ماهمها سلطان او مال او جاه
وماهمها إللي بسنة الله بغاها

بطرانه ماهمها إللي عاش بمعاناه
وهي السبب لكن اقولك فداها

والله يحق لها تمادى وتخشاه
كل من يحاول تبتسم له شفاها

ماغازلت ما أغرت بعضة شفاه
ماحطت صبعها بفمها حشاها

تستاهل أني أحترمها والله
تستاهل الدعوه لها من وراها
​

الله يحقق كل ما هي تمناه
والله يخليها لكل اللي يباها

تسلم ايدين اللي على العز رباه
والله يوفقها ويسدد خطاها

​

 

[تتباشير]

رد: فارس عوض '' ../ عطني من القلب [ ربآهـ ]

ابياات راائعه عزيزتي

مشكوره على طرحهاا

دمتي بسعاده

 

[حلوة عذاريب]

رد: فارس عوض '' ../ عطني من القلب [ ربآهـ ]

[align=center]اسعدني مرورتس رشيدية
لا عدمت طلتس

[/align]

 

[عيسى محمد]

رد: فارس عوض '' ../ عطني من القلب [ ربآهـ ]

الغاده

صح السان القائل وسلمت انامل الناقل
حضور ونقل مميز عافاك الرحمن
لاعدمناك ولا عدمنا جديدك العطر

تحيييييياتي لكي

 

[حلوة عذاريب]

رد: فارس عوض '' ../ عطني من القلب [ ربآهـ ]

[align=center]صح بدنك أبو سلطان
ولا هنت ع المرور

[/align]