فاتورة الكهرباء ..

[سمر القمر]

السلام عليكم ورحمة الله وبركاته
بغيت اسأل عن فاتورة الكهرباء وهي من ضمن شروط التقديم للضان ..ولكن هل هي شرط اجباري ام اختياري ؟؟ يعني لو مابغيت يدفعون جزء من فاتورة الكهرياء ..اقدر ؟
والسؤال الثاني ..انا قدمت اوراقي ع الضمان ..متى استلم بطاقة البنك ؟ وهل مدة الاستلام وحده ماتتغير او تتفاوت ؟

 

[قاهر اليأس]

رد: فاتورة الكهرباء ..

والله يا اختى بالنسبه للفاتوره كونك انتى بنت ما عندى علم .. بس انتى ليه تسألين وانتى وافقو عليك خلاص . يعنى انتهى الموضوع .. اما عن استلام بطاقتك من الضمان اذا انتى جديده اقل من شهرين تقريبا شهر واسبوعين . واذا استلمتيها يحطون لك رقم سرى وماتشتغل معم الا بعد خمس ايام من استلامها يعنى مو تروحين عند الصرافه كل شوى تجربينها ترى تروح عليك تبلعها الصرافه خمس ايام وتشتغل بالكثير .. مبروك وموفقه

 

[سمر القمر]

رد: فاتورة الكهرباء ..

بصراحه اسأل لانو عندي من اللي ياخذ لفلوس مني كل شهر new8
ولمن سلمت اوراقي قال لي فاتورة الكهرباء مو الحين نستلمها ..نستلمها لمن تجي وتاخذي بطاقة الصراف
ابي اتأكد من موضوع الفاتوره ذي الله يجزاكم خير لان انا بنت زي ماقلت واذا ابوي صار معه خبر اني استلم وانو في مساعده بالفواتير بتروح علي :icon_sad:

 

[سامي]

رد: فاتورة الكهرباء ..

ما ادري متى يفهمون الوضع بعض الاباء ويفكرون اشوي ويقولون هذا من حق ابنائي ، استغفر الله ربي واتوب اليه وفي كثير من الاباء يستغلون ابنائهم وياخذون اعاناتهم من الضمان والتاهيل وكل هذا بحجة انهم يصرفون عليهم ولو تجي للحقيقة في كثير من الاباء مايعروفون ابنائهم حتى في احتياجاتهم الضروريه

 

[هوى امل]

رد: فاتورة الكهرباء ..

هلا اختي ..لا مو ضروري تجيبين الفاتوره .. هم قالوا لك كذا علشان يسوون لك دعم فاتوره اي خصم ..بس اذا ماتبين هذا راجع لك و غير الزامي ..تحياتي

 

[سمر القمر]

رد: فاتورة الكهرباء ..

صح مثل ماقلت اخوي سامي ..مادري لى متى !! ما اقول إلا الله يهديهم يارب
وجزاك الله الف خير اختي هوى امل بشرتيني الله يبشرك **

 

[صالح العوامي]

رد: فاتورة الكهرباء ..

الفاتوره تكفي لو لازم سند التسديد معاها؟

 

[ويبقى الامل]

رد: فاتورة الكهرباء ..

فاتورة الكهرباء تطلب من المستفيد والبرنامج اختياري وغير الزامي بالانظمام لتسديد جزء من الفاتورة وهي 79 ريال للفرد ويشترطوا ان تسدد اخر فاتورة واحظارها للتاكد وان تكون الفاتورة بااسم المستفيد فقط ولاتسلم مساعدة الكهرباء نقدا وانما تسدد من قبل الضمان ويظهر ذلك في فاتورة الكهرباء تحت مسمي دعم ضماني

 

[صالح العوامي]

رد: فاتورة الكهرباء ..

اها شكرا

 

[ويبقى الامل]

رد: فاتورة الكهرباء ..

العفو وحاضر لأي استفسار

 

[صالح العوامي]

رد: فاتورة الكهرباء ..

اوك