فضفضة معاقه

[alnour]

السلام عليكم ورحمة الله وبركاته

هذا موضوع لاحدى الفتيات كتبته في احدى المنتديات ونقلته لكم لعلكم تدعون لها
ربما دعا احدكم لها فاستجاب الله دعوته ...

تقول الاخت

مادري ايش اقول لكن الحمدلله علئ كل حال كل ما اكبر احس بهمي يكبر معي واعرف قيمتي
تعرضت لحادثه قبل كم سنوات وتعوقت وعلئ اثرها معد قدرت امشي وقاعده علئ العربيه ع كرسي متحرك
كنت مخطوبه قبل الحادث وبعد الحادث جت ام الولد عندنا وانا داخله الحمام بالصدفه اسمع امي تقولها ها ولدك باقي بياخذها (تقصدني ) قالت لا والله يختي محد يبغاها وهي كذا
انا من سمعتهاا دخلت الحمام وقعدت ابكي ابكي وطلعت ما بيت لهم اني عرفت السالفه
اتزوج هو قبل كم شهر وما حظرت زواجه الله يوفقه ويسعده معاها

احس صرت عبئ وثقل علئ اهلي بطلعاتي معاهم وابويه واخواني يجاملوني يبغوني اطلع معاهم لكن مين بيشيل عربيتي ويشيلني لسياره وينزلني تعبوا معي الله يجزاهم الجنه .. ونا مااخرج من البيت الا نادرا وطبيعتي احب ابتسم واضحك وما احب ابين لناس اني حزينه وخاصه مع الناس اللي احبهم .. اوقات يزورونا اقاربي وافرح ان احد بيجينا ..
مره من المرات امي كلمتني وقالت لي خالتك تقول انصحي بنتك لعد تضحك ولعد تبتسم وتقهقه مع البنات لانهم ما يحبون اللي كذا .. انا تفاجأت منها وجاء ببالي لاني معاقه ما يجوز لي ابتسم واسولف واضحك؟ الله المستعان
المستعان
ومره من المرات مزحت وسولفت مع جدتي الله يحفظها فقعدت تمدح فيني وتقول والله انك زين البنيه لو انك تمشين كان قد تزوجتي من زمان لكن ولاحد يبغا وحده مثلك مريضه ما تمشي .. خنقتني العبره الله يسعدها وهي صادقه وقالتهاا ع نيه
وهي غيرر اللي يقولونهاا لي بطريقه او يلمحون لي بالكلام

وحتئ يوم رجعت اكمل دراستي بالثانوي انا اكبر وحده بالعمر والمفترض اني معلمه لوكملت دراستي وماصار اللي صار اوقات يجوني الطالبات و يقولولي ي حياة الشقئ خلي الدراسه واقعدي ببيتكم
صرت افكر معد اكمل دراستي

احس كل ما اكبر افهم ايش قيمتي ومين انا وايش معنئ اعاقه !
صرت انعزل عن الناس وقل تواصلي معاهم عكس قبل رغم ان الدكتور يوصيني اني اتواصل مع الناس واكون صداقات لكن الحمدلله علئ كل حال ...
انا لا اعتراض ع قضاء الله وقدرة عسئ في ذلك خير
حبيبت افضفض عليكم ودعواتكم لي في هذه الايام المباركه

ايش رايكم في تصرف العريس وامه هل هو طبيعي ام لا ؟؟؟
يقول المثل لاطااح الجمل كثرت سكاكينه
لو انه تزوجهاا ورجع تزوج عليها والا حتى طلقها بعد كم شهر اهون من انه يجرح قلبهاا !!​

 

[ابو فواز]

رد: فضفضة معاقه

وعليكم والسلام ورحمة الله وبركاته
اسال الله ان يفرج همها ويشفيها ويصبرها وياجرها على ما اصابها
ويرزقها من فضله جزاك الله خير اخي alnour بموازين حسناتك ان شاء الله
قصة تقطع القلب والله ،الله يعوضها خير من ما فقدت ويثبتها على السراط المستقم
احترامي وتقديري لك

 

[ميلاَ]

رد: فضفضة معاقه

-




انا كل مالي ويزيد كرهي لخلق الله
هي مسكينة وياربي يفرجها عليها ويحنن قلوب الي حولها اول شي كون انها تحس انها عبئ ع اهلها واخوانها وابوها ذا غلط
والله لاجا الصدق ربي الي كاتب هالشي يصير لها مو هي راحت تبلت ع عمرها وكتب هالشي ع اهلها هم اهلها ملزومين فيها
مايبون يشيلون ويحطون يحسون بتعب يجيبون خدامتين وسواق هي ترتاح وهم يرتاحون , بعدين وش هالتفكير الجاهل ؟
معقوله فيه ناس تلغي حقك بالتعليم انا معاقه من حقي ادرس وادرس واتوضف ويودوني ويجيبوني رضو ولا انرضو وينا فيه
والله لو اننا بزمن افلاطون عشان يعاملون المسكينه كذا
غير ذا البنت بامكانها تثبت عمرها وتوقف بحلوق الي حولها والله يقولون لها لاتضحكين لاتبتسمين تقدر ترد عليهم ليه تسكت وتنكسر ؟
بامكانها تقول ليش عيب والله كيفي ماحد حطكم بوابين عند فمي ان كان ببتسم ولا بضحك بتحاسبوني ؟ واللي يقولها كلمه ترد عليه 10
ليه تنكسر وتسكت ليه وينا فيه انتهى زمن الاحتقار و ان فلان من حقه يعيش وفلان لا
ومو من حقها تتزوج الا من حقها مليون مره بس الافضل انها ماتفكر بهالشي وتتركه مو عشانها هي كذا لا بالعكس
بس لان هي ماتضمن الطرف الثاني ان كان بيجرحها بكلام بتصرفات يتأفأف شي مثل كذا لان في مجتمعنا كثير عقولهم ترللي
ف ابعد عن الشر وغنيله تتزوج وتجيب عله ع قلبها ؟ , الا تعيش لعمرها وتدرس وتشتغل كذا تحس بطعم الكفاح والنجاح


ايش رايكم في تصرف العريس وامه هل هو طبيعي ام لا ؟؟؟

اشوفه طبيعي لان الي حولها كلهم تفكيرهم حمدلله و الشكر ف عادي انه فكرو كذا
يقول المثل لاطااح الجمل كثرت سكاكينه
لو انه تزوجهاا ورجع تزوج عليها والا حتى طلقها بعد كم شهر اهون من انه يجرح قلبهاا !!

بالعكس تركه لها قبل مايتزوجها افضل لان تخيل بكرا تزوجها وعقب فتره جاب ع راسها وحده ثانيه بتطق من القهر
كون تشوف الزوجه الثانيه قدامها ممكن تعاملها يكون سيئ والزوج بعد بتحس بالذل
ويطلقها بعد كم شهر بيقولون ايه غثا ماقدر يتحملها حياتها صعبه ومن هالكلام
تحفظ كرامتها ازين

وشكرا لك اخوي جزاك الله خير
عسى ربي يفرجها عليها ويسعدها ويشفيها ويحقق لها ماتتمنى
ويقويها اكثر ع مواجهه مجتمعها الجاهل

تحياتي لك

 

[سعوديه كوول]

رد: فضفضة معاقه

ميلا انت بطله الله يحميكي قلتي الي بخاطري نحناعايشين مع قتله انسلخو من الانسانيه وخطيبها قلعته الله لايرده اهم شي تكمل دراستهاقسما بالله كانت عاملة النظافه وانا اطلع لفصلي بالدور الثالث تتكلم معايه بقرف وتقلي يابنتي ارحمي نفسك وجلسي ببيتكم بدل الطلوع والزول بهدرجان لا تطيحين وتبلشيناالي يشوفك يقول بتجيبين الجامعه ههههه متخلفه جاهله ايه ايه متخلفه وجاهله لازم نشفق على هذول الناس الي الله حرمهم من الانسانيه ومن كثر مالطشتهم الدنيا صارو يلطشون بخلق الله,,,المهم ماعليها منهم وتضحك وتتمكيج وتخلي الكحله للاذاني كمان بلا وجع قلب,انا رحمتها لانها جديده بالاعاقه حبيبة قلبي الله يعينهاوينزل على قلبها السكينه هذي خمس السنين كفيله تقتلها لو جلست مع ناس هالون حمير

 

[محمد العمري]

رد: فضفضة معاقه

اللي يبغا فعلا يعيش من واقع تجربة (( يخلي كلام الناس في سلة المهملات )) حتى لو كانوا

من اقرب الناس له شي مايفيدني ليه اصلحه شف الشي اللي يفيد واعمله لنفسك لا احد يجي

يتفلسف عليك ويعمل عليك بطل وبالاخير هو عايش يومه وانت حزين ونفسيتك قافله ومنت

طايق احد اسحب سيفون على هالاشكال ،،

 

[صديقة ذوي الإعاقة]

رد: فضفضة معاقه

مجتمعنا ظالم ظالم وانا اقولها من واقع تجربتي بي فتاة ليس لديها اعاقة اصابة لاتؤثر علي وواجباتها اولا لها اي تاثير يقولون لا مانيها. والرجال فية عيوب الدنيا ومن حقة يتزوج سليمة وبنت !


ولو ما لقي من ترضي فية راح برى ديرتة وتزوج والبنت لا تعيش الظلم والاهانة والاستحقار حتي من اقرب الناس لها !



الحل لاتسمع لهم وتكمل تعليمها وتثبت لهم ان عقلها سليم وتستغلة با المفيد وتتركهم والحل التطنيش

 

[صديقة ذوي الإعاقة]

رد: فضفضة معاقه

ميلا وسعودية كول اهنيكم علي قلمكم المبدع

 

[alnour]

رد: فضفضة معاقه

[align=center] بسم الله الرحمن الرحيم
السلام عليكم ورحمة الله وبركاته
لم يتطرق احد الى حل ايجابي تتمكن به من تحقيق ذاتها
هذا هو الواقع ولكن ما هو العمل
الكثير يعاني ولكن لم يجدوا مساعده من احد
التهميش واقع ولكن ماذا انتم فاعلين لهم
يجب التفكير بكيفة مساندة امثالها لتمكينهم[/align]

 

[ميلاَ]

رد: فضفضة معاقه

بسم الله الرحمن الرحيم
السلام عليكم ورحمة الله وبركاته
لم يتطرق احد الى حل ايجابي تتمكن به من تحقيق ذاتها
هذا هو الواقع ولكن ما هو العمل
الكثير يعاني ولكن لم يجدوا مساعده من احد
التهميش واقع ولكن ماذا انتم فاعلين لهم
يجب التفكير بكيفة مساندة امثالها لتمكينهم

يا استاذي احنا مانتكلم من فراغ
كلنا مرت علينا امور مثل كذا وصعوبات مافي معاق ماذاق الي ذاقته البنت
ياما شفنا وسمعنا اشياء تجرح وماتسر وتشكينا وبكينا
وش استفدنا بالاخير , كلامي كل شخص يصقل نفسه بنفسه مايحتاج مساعده من احد
بيبكي اليوم وبكره وبعده وبعد شهر وعقبها يتعلم من نفسه هو بيحقق ذاته ويقوي عمره
مرت علينا مواقف تخلينا نعاف الدنيا و الطلعه وشوفه الناس ووصلت اننا توقفنا عن الدراسه والحياة وكل شي
لكن بالاخير رجعنا للصواب مافي انسان مو من حقه يعيش لكن لايتوقع بتنمد له يد من فراغ وتساعده
اذا ماساعد عمره وكانت عنده الاراده الي يتغلب فيها ع كل هالامور بيضل طول عمره كذا عاجز يتشكى ويبكي وبين اربع جدران

بالاخير الحل بيدهم

 

[صديقة ذوي الإعاقة]

رد: فضفضة معاقه

من خلال معايشتي لصديقاتي من ذوي الاحتياجات الخاصة للي تتزوج يا اما انها موظفة طمعان فيها لاوبعد اعرف وحدة تزوجت اصغر منها لانها موظفة او يبي زوجة ثانية واكثرهم كذا وحدة من اعز صديقاتي تزوجت زوجة 2 بسبب بعد زوجتة تدرس وعند اهلها ورجعت زوجتة الاولي طلق صديقتي با الثلاث !!!


واعرف واحد تزوج وحدة زوجة 2 علشان اعانتها من التاهيل !!!! فا الافضل الوحدة تجلس بيت اهلها معززة مكرمة ولاها الاشكال !!!!

 

[المشتاق للحنان]

رد: فضفضة معاقه

لاتستغربي يااختي في هذا الزمان اصبح كل شي جائز بذات عند العرب والمسلمين لكن الله المستعان والمومن يبتلا بقدر ايمانه والدنيا فانيه والله مع الصابرين


---

 

[ليمار]

رد: فضفضة معاقه

صراحه حنا صرنا في عصر التطور والمجمع هو هوا ماتغيرت نظريته للذوي احتياجات الخاص وأغلبهم مثقفين وهم نفس النظر والتفكيرهم المغلق احس الدول اجنبيه أحسن منا بتفكيرهم للذوي احتياجات خاصه وللاسف حنا دول اسلاميه


---

 

[ناصرالهاجري]

رد: فضفضة معاقه

انا مستعد أتزوجها هي من وين وكم عمرها


Good

 

[ناصرالهاجري]

رد: فضفضة معاقه

احد يعرفها


Good