فرفشوا مع همس الحياه :)

[همس الحياه]

السلام عليكم ورحمة الله وبركاته ..

كيفكم يا الرائعات من مشرفات وبنوتاااات ..

بالنسبة ليا عندي كلام كثيييير وحركركات ( ههههههه ) وأحب أفرفش و أفضفض

وأهرج وكلو ( ماشاء الله عليا ثرثاااره )!!

المهم حبايبي فيه قصص كثييير في جعبتي شيء حتضحكم وشيء حتفطسكم وشيء

ممكن تحزنكم لكن انا اللي بتكلم عنو شيء فات ليش الحزن؟؟؟

اول شيء اعطيكم نبذه عني ::

انا بنوته حبوبه دلوعه احب ادلع نفسي ( احيانا محرومه )!!

مرحه ما ازعل من المزح جااااااده عصبيه نوعا ما ( يعني باختصار شخصية متناقضه ) هههههههه

طبعا اللي قرأت كيف اعبت حتفهمني أكثر واللي ما قرأت خلاص مو لازم المهم تستمتع معايا هنا ..

انا قلت لكم اول تعبي كان وانا بالصف الاول ثانوي طبعا احتاروا الاطباء في مرضي ( البداية كانت ذئبه حمراء ) وبعد كم شهر

أصبت بالجلطة ، المهم ماكان مرض الذئبة معروف هنا بالسعودية زماااااان ، ارسلوا عينه من لحمي للندن

وهناك شخصوا المرض !!

ياحسره لحمي راح وانا مارحت هههههههه

بعدين صاروا الاطباء يجو عندي يسألوا :

إنت متزوجة ، كم عمرك ، واش حسيتي اول ما تعبتي ...الخ اسئله غبية!!

طبعا انا كنت احسب الاسئلة غبيه ، بعد كدا سألت طبيب قلت ليش كل ماجاء واحد سألني انت متزوجه؟

قال لانو يصيب المتزوجات أكثر!!

واكتشفت دحين انو ضحك عليا فيه بناااات كثير مو متزوجات عندهم الذئبة!!

انا مستغربه شكلي صغير صح اول ثانوي بس اللي يشوفني يقول سادس ايتدائي!!

احم احم والحمد لله للآن شكلي نونو الله يحفظني هع،،،

بعدين صرت عندهم خمار للتجارب ( الله يكرمكم ) ادوني حبوب الكورتزون وكل بعد فتره يزودون الجرعه!!

الى ماوصلوها ( 50 حبة في اليوم ) مقسمة ( 25 حبة الفجر الساعه 5 ) و ( 25 حبه العصر الساعه 5 )

طبعا يحضروا الدواء في المستشفى وخلوا الحبوب مرررررررره صغيره!!

تخيلوا يصحوني الفجر من نومي عشان آخد العلاج!!

وانا اصيح وابكي بس مافي فكه ابلعو بالقوه وبعدين لو يقطعوني ما آخده ع مويا ، اخده ع حليب او عصير ( باقي اتشرط)

المهم الحبوب اللي مايعرفها تنفخ وتخلي الواحد شهيتو مفتوحه للاكل!!

يعني اتوقع لو يجيبوا دبيحه كامله آكلها ما اقول لا ههههههههه

واول مابدأ مفعول الدواء يمشي في جسمي وبديت اتختخ سببت هلوسه !!

اقول لكم كيف ..

مره في يوم الجمعه صحيت الساعة 6 الفجر اضحك من قلبي بصوت عااااااالي وصحيت النايمين!!

اختي مرافقه معايا صحيت تقول يا بنت اش فيك!!

وانا اضحك بقوووووى ويدي ع بطني واقول والله مو عارفه مافي شيء يضحكني بس كدا اضحك!!

صحيوا الحريم واللي تقول يوووووه اش دا الازعاج واللي تقول بلاك منتِ تعبانه المهم كل وحده تجيب هرجه!!

بعدها وحده رفعت صوتها تخاصم تقول :

اش قلة الادب واش الضحك وجالسه تسب انا لما سمعتها خلااااص قلبت الموجه صرت اصرخ وابكي بصوت عااااالي!!

هههههه يعني مافي فكه ..

جوا الممرضات التمو عليا امريكيات وفلبينيات ويطبطبوا عليا ويمسكوا يدي ويقولوا اس فيك تعانه؟

وانا ابكي اقول لا !! شويا من وحدي قلبت الموجه جالسه اكركر!!!!

اختي خافت صارت الساعه 8 وانا مره اكركر ومره ابكي!!

راحت ممرضة جابت كرسي متحرك وحطتني فيه وقالت لاختي طلعيها الحديقه اتمشوا شويا خليها تغير جو

بدل الحبسه ، فعلا اخدتني اختي وتلف لف بي وقالت هااااه كيفك دحين؟

قلت الحمدلله احسن خلينا نرجع الغرفه ، ودفتني بالعربيه الى ماوصلنا الغرفه جو الممرضات وسدحوني

ودحين انا عااااااقله وما اتكلم كثير عشان احس اني باضحك لو تكلمت!!

المهم الساعه 11.30 ص قبل صلاة الجمعة وحده مريضه رن التلفون اتفجعت وشفتها

وااااااو تعالوا شوفوا انا عاد ماصدقت اكركر بقووووى وابغى امسك نفسي موقادره ، بس اضحك

الممرضات خافوا عليا نادوا الدكتور المناوب جاء مشمر وكأنه بيضارب رافع اكمام الثوب والغتره

موديها آخر راسه وحالتو حاله ..

جاء قال اش فيك طبعا انا ما احب دا السؤال اللي يسألني كأنه يقول زيدي!!

طالعت فيه وقلت كااااااكككككك طالع مقهوووووور كرر السؤال وكررت الاجابه!!

قامت وحده من الحريم الملاقيف تقول ماندري من يوم اصبحت وهي تضحك!!

وبعدها قام الدكتور الجاهل اخد مخده وجنبني وشخط في اختي قال امسكيها كدا انت اش وظيفتك؟!

طبعا سمعتو رفع صوتو ع اختي صرت ابكي واصرخ بقوووووى فكانت ردة فعله رمى المخده عليا وقال يووووو وطلع!!

صرت انا ابكي واقول لاختي اتصلي ع اهلي بلغيهم انو انا تجننت خلاص انامجنونه!!

قالت اختي لا اقري آية الكرسي بس قلت بسم ( وكركركككككر ) ما قدرت قلت اتصلي دحين!!

اتصلت ع طول ردت امي ( طبعا لسا الجوالات مادخلت السعودية ) قالت اختي امي فين ابويا

ردت امي ابوكِ يجهز رايح يصلي الجمعه خير اش فيه؟

قالت اختي لا ابد بس الدكتور جاء يبغى تحليل ما ادري نعطيه؟!

طبعا اختي ماتبغى تقلق امي ، وبعدين ماعرفت اش تقول لها !!

امي عرفت انو كدب لانو جمعة مافي دكتور ولو تحليل ما بنتصل ، نادت ابويا وجلست جنبو تسمع ..

قالت اختي ع السالفه انو انا مرة اضحك ومرة ابكي ومو عارفه السبب؟

ابويا قال : انا لله وانا اليه راجعون!! امي ع طول صرخت وبكيت بنتي ماااااااتنت

قال ابويا لا بس انجنت!!

قال ابويا لاختي اديها تكلمني وقاعد يقول الووو وينادي باسمي وانا اكركر ( كأني ادغدغ )!!

فقال خلاص خير ان شاء الله ع الزياره واحنا عندكم..

قفل وراح يصلي ، امي ياحياتي عليها اتصلت هي تبكي وانا اكركر ولما سمعتها طولت في البكاء

بكيت زيها ( ماشاء الله مشاركة وجدانيه ) هع هع

قبل وقت الزياره اختي جهزتني وقالت هااااااه خليك عاقله لا تتكلمي كثير عشان ماتضحكي ولو حسيتي

انك بتضحكي امسكي نفسك عشان خاطر امي!!

هزيت راسي وقلت ان شاء الله ، طبعا جو وسلمو عليا وكل ما كلموني ارد بكلمة بس عشان ما اضحك ..

يعني يقول ابويا كيفك يابنتي عساك احسن ارد : بخير!!

وامي تتكلم واختي اللي ترد اذا كان الجواب طويل ههههههههه

بعدين اسمع لهم عاااااقله واول مره يطولوا جو بداية الزياره وادن المغرب قال ابويا لامي بروح اصلي

وانت صلي هنا عند بنتك واجي آخدك ونروح البيت قالت امي خلاص ..

المهم راح ابويا يصلي وامي جلست تصلي عندي ، ابويا لما رجع خبط في الكرسي وعورو..

انا بس شفت الموقف قسمابالله ماقدرت امسك نفسي خلااااااااص طلعت اللي في قلبي

صار ابويا يطالع فيا ويقول يابنت صلي ع النبي اذكري الله يابنت .. رفع صوتو عليا بعدها قلبت الموجه!!

بنفس الصوت ابكي .. امي صارت تبكي معايا .. المهم وهو خارج قال لاختي بكره السبت ضروري تكلمي

الدكتور وتعرضوها ع دكتور نفساني!!

قالت : ان شاء الله .. جاء بكره شافني دكتور وكان مسيحي وهو رايح قالت اختي دكتور لو سمحت حولها ع دكتور نفساني!!

تخيلوا شمق ومشي وطنشها ولا عبرها .. صرت انا ابكي بصوت عالي واقول خلاص انا مجنونه خرجوني

اختي هدت عليا وقالت طنشيه دحين يجي الدكتور المصري واكلمو ..

المهم جاء المصري ومعاه ممرضه وكانوا يسحبوا مني تحليل دم قبل الفطور وبعدو ..

كشف عليا وجلس يتريق معايا وقال ماشاء الله اليوم انت زي الفل ..

قلت دكتور لو سمحت اعرضني ع دكتور نفساني!!

وكان الدكتور قمة في الذوق والاخلاق .. قال لا سلمتك بعد الشر عنك عاوزاه ليش؟

قلت دكتور انا اضحك ومافي سبب يضحكني وابكي ومافي سبب يبكيني!!

قال بس كدا ولا يهمك يا ستي انت تمام وزي الفل بس دا الدواء عشان زاد عليك سبب لك كدا

ماتخفيش احنا نخفف الجرعه لك!!

والله بس قال كدا انا ع طول قمت بصوت عالي اكركر من الفرحه ..

المشكله الآدمي جايب ممرضه عشان تسحب عينة دم وانا اكركر ، فقال الدكتور ايه دا انت بتدينا عينه من الضحك

وصار يضحك معايا ، انا زدت ابغى اسكت مررررررره موقادره اختي طبعا متغطيه مسكتني من فخدي

وتضرب وتقرص وتقول اسكتي عيب ، وانا ارد ما اقدر واكركر

الدكتور شاف اختي قال لالالالالالالالالالا سيبيها تضحك زي ماهي عاوزه خلاص حنخفف الدواء!!

ونادى يمكن اربع ممرضات عشان يمسكو يدي من كثر الضحك جسمي صار يهتز واخدوا العينه ومشيوا ..

عاد انا فرحانه اتصلنا ع اهلي وبشرناهم قالوا الحمدلله .. الكل ارتاااااح ..

وللقصة بقيه كيف استمر مفعول الضحك معايا وانا طالبه والاحراج اللي يقابلني خصوصا وانا مؤدبه ومسالمه!!

بعد كدا لما اصبحت معلمه اش كانوا يقولوا عليا الطالبات!!

يلا في امان الله تصبحوا ع خير ..

اتمنى كل وحده تمر تسطر تعليق حتى لو وحش عادي اتقبل والصفحه دي ليا ولكم ..

سلملم ،،،،،،​

 

[صمتي غير]

رد: فرفشوا مع همس الحياه

شوقتينا ياليت ماتتاخرين بالرد ووونعرف ايش صاار لك بعدها
اتفاعلت معك

 

[كلمات]

رد: فرفشوا مع همس الحياه

ادعوربي يسبغ عليك الصحه والعافيه اخيتي

 

[ام ميهاف]

رد: فرفشوا مع همس الحياه

السلام عليكم
الله يسعدك ويشفيك ويعافيك
والله حماس:w00t:
تصدقي انت كل ما تقولي انك ضحكت وانا اضحك معاك لدرجة أني اكتب الرد واضحك:lol: ما ادري هذا من النوم اللي فيني ولاايش:sleep2:
الله يخليك لكل من يغليك
:blushing:

 

[صمتي غير]

رد: فرفشوا مع همس الحياه

وووووينك همووسه

 

[ام الهنوف]

رد: فرفشوا مع همس الحياه

ننتظرك وكلنا شوق أختي '' همس ''
راق لي المكوث هنا
دمت بخير وفرح وسرور
​

 

[همس الحياه]

رد: فرفشوا مع همس الحياه

شوقتينا ياليت ماتتاخرين بالرد ووونعرف ايش صاار لك بعدها
اتفاعلت معك

ادعوربي يسبغ عليك الصحه والعافيه اخيتي

السلام عليكم
الله يسعدك ويشفيك ويعافيك
والله حماس:w00t:
تصدقي انت كل ما تقولي انك ضحكت وانا اضحك معاك لدرجة أني اكتب الرد واضحك:lol: ما ادري هذا من النوم اللي فيني ولاايش:sleep2:
الله يخليك لكل من يغليك
:blushing:

وووووينك همووسه

ننتظرك وكلنا شوق أختي '' همس ''
راق لي المكوث هنا
دمت بخير وفرح وسرور
​

يا حياتي الله يسعد قلوبكم مثل ما اسعدتوني بردودكم ..

الله يسلمكم ان شاء الله .. وبصراحه انا نقلت قصتي لدكة البنات للسوالف وسعة الصدر ..

لكن عشان عيونكم شوفوا دا الرابط ::

http://m3aq.net/vb/showpost.php?p=363055&postcount=35



​

 

[عقد الياسمين]

رد: فرفشوا مع همس الحياه

انابخير وصرت بخيراكثر لما شفت صفحتك ياهموسه

 

[عقد الياسمين]

رد: فرفشوا مع همس الحياه

هموسه قريت موضوعك الي كتبتي بيه عنك ايام دراستك وعجبتني اخلاقك

 

[عقد الياسمين]

رد: فرفشوا مع همس الحياه

اخبارك هموسه اذا قريت لك مشاركه بالمنتدى استانس صدقيني وقلت هموسه جاءت ابغى اسولف معها واذا ماسولفت معها وجودها همس الحياه يونسني وفجاءه تختفي بعدماتكتبي مشاركتك بس عن جد اشتقت وصدقيني اني عذرتك وانتي قلتي لي عذرك واذا ماقلتي لي عذرك اناعذرتك ياحلى همس بالكون

 

[همس الحياه]

رد: فرفشوا مع همس الحياه

[align=center]

ياعمري عليك ياعشوقه والله انت راااائعه ..

حبيبتي انا كلو نقلتو للدكة وبعدين لما فتحت موضوع مانريده من حسوسه اتكلمت ع دا الشيء !!

واصلا موجود بقسم تطورات وابداعت دوي الاعاقه

وانا كاتبه العنوان همس وقصة كفاح لو قريتيها حتلقيها اغلبها مكرره ..

[/align]

 

[عقد الياسمين]

رد: فرفشوا مع همس الحياه

همس انامتواجده بصفحتك اناوياكي مكتوب يتصفح الموضوع حاليا همس الحياه وعاشقة رضى الله

 

[همس الحياه]

رد: فرفشوا مع همس الحياه

[align=center]

هلا حبيبي حياك .. الشبكة فصلت عشان كدا ماقدرت اسجل خرووووج ..

الله يسعدلي قلبك .. وينور دربك .. اهو انا انتظرك ..
[/align]

 

[عقد الياسمين]

رد: فرفشوا مع همس الحياه

انا كمان يا همس انتظرك ردي اذاكنتي فاضيه ابغى اسالك عن مكانك السري بالمنتدى

 

[عقد الياسمين]

رد: فرفشوا مع همس الحياه

همس اشوف مشاركتك بالمنتدى وبعدها على طول ادوراسمك مع المتواجدين ومالقاه وارجع واقرااسم اسم ومالقى اسمك قولي لي وين مكانك السري الي تتخبي بيه

 

[همس الحياه]

رد: فرفشوا مع همس الحياه

[align=center]

صباحك عسل ياعسل .. ههههه اسعد الله قلبك يا الغالية ..

انا ماليا اي مكان سري استخبى فيه ..

طيب تقدري تتواصلي معي وتأخدي ايميلي ان احببتي ..

شوفي تحت عن طريق الاتصال ينا .. ارسلي رساله للادارة قولي لهم انك تبغي ايميلي ..

وان شاء الله نتواصل عن طريق الايميل ..

دمتي بحب وسعاده
[/align]

 

[عقد الياسمين]

رد: فرفشوا مع همس الحياه

همس طلبت الاداره ايميك قبل دقايق

 

[همس الحياه]

رد: فرفشوا مع همس الحياه

[align=center]

خلاص حبيبي ولا يهمك دحين ان شاء الله اطلب منهم يدوك ايميلي .. ابشري ..
[/align]

 

[عقد الياسمين]

رد: فرفشوا مع همس الحياه

هموسه ماارسلوا لي ايميلك

 

[عقد الياسمين]

رد: فرفشوا مع همس الحياه

هموسه وصلني ايميلك وارسلت لك دعوه