.. في غيــابك أبقى أحـبك ..

[بنت قحطان]

[frame="15 98"]
أشيل الهَم عنّك وأداريك
وإنتَ همومي ثقلَهَا ما يهمِّك


لا يا حبيبي .. الزمن لا يخليك
تقسى على قلبي وتسقيه سِمِّك


دنياك هذي , لا تغيِّر مباديك
مهما استطعت الظلم اعدل بحكمك


ما هي غريبة من يذمِّك يماشيك
لكن غريبة يمدحك من يذمِّك !!


ماكل واحد غاب معناه ناسيك
بعض البشر ينساك لو كان يمِّك


أدري تعزني .. الله يعز غاليك
وإن كان لي عندك معزَّه بضمك


في خاطري كم كلمةٍ عن تجافيك
وإن شفت دمعاتي إنزَلَت .. حط كمِّك


اسمك حبيبي ويا كثِرها أساميك
وقلبي يفز .. لاجابوا الناس اسمك


ليتك تحس في ضيقتي يوم أحاكيك
أحرق لك أعصابي .. وما حَس دمِّك


غايب بدون أعذار .. ربِّي يجازيك
عطني سبب مُقنع حبيبي .. وألمك


همِّك , جنونك , ضحكتك , كل ما فيك
صوتك , سكوتك , وأرجع أقول: همِّك


طيشك , عنادك , لما تزعل وأراضيك
ترسم ملامح ضحكتي .. وتمحي رسمك



[ لبيه ] منِّك غير .. لمَّا أناديك
كن الكلام العَذب ... مرساه فمِّك


مهما غلوك قلوب ناسٍ حواليك
أغليك أكثر منِّهُم بس .. لعلمك


أبوك , خالك , إختك , أخوك , ماضيك
ربعك ، جميع الناس , وعيال عمِّك



شايف غلاهم لِك .. أكثر أنا أغليك
واللِّي وِصَل (نِص الغلا) يمكن أمّك


راقت لي

[/frame]​

</I>

 

[الصابرة]

رد: .. في غيــابك أبقى أحـبك ..

ما راق لك شاعرتنا راق لي
كلمات معبرة... وحكم مبطنة ببيت شعر
لا يا حبيبي .. الزمن لا يخليك
تقسى على قلبي وتسقيه سِمِّك
دنياك هذي , لا تغيِّر مباديك
مهما استطعت الظلم اعدل بحكمك

 

[نور]

رد: .. في غيــابك أبقى أحـبك ..

[align=center]
اختيار جميل

راق لي منها

غايب بدون أعذار .. ربِّي يجازيك
عطني سبب مُقنع حبيبي .. وألمك
[/align]

 

[زهرة الياسمين]

رد: .. في غيــابك أبقى أحـبك ..

ابيات اقل مايقال عنها رررائعه
منقول متميز وذوق رائع
كل الشكررر بنت قحطان

 

[بنت قحطان]

رد: .. في غيــابك أبقى أحـبك ..

يعطيكم العافية على المرور الكريم
ولكم مني اجمل تحية

 

[بنت قحطان]

رد: .. في غيــابك أبقى أحـبك ..

ماكل واحد غاب معناه ناسيك
بعض البشر ينساك لو كان يمِّك

بيت رائع جدا اعجبني

يسلموو خيوو على المرور الراااااااائع
يعطيك الف عااااااااااافية
​

 

[خالد المسعود]

رد: .. في غيــابك أبقى أحـبك ..

احساس من انقى السطور
حمل بين طياته العشق
الحنين الحزن
الامل بالمستقبل
الامنيات
هدوء الانثى الجميلة
بحبها وعشقها
راقية انت
فنانة
امنياتي لك

 

[بنت قحطان]

رد: .. في غيــابك أبقى أحـبك ..

احساس من انقى السطور
حمل بين طياته العشق
الحنين الحزن
الامل بالمستقبل
الامنيات
هدوء الانثى الجميلة
بحبها وعشقها
راقية انت
فنانة
امنياتي لك

يسلموو خيووو خالد
على كلماتك التشجعية
لا حرمني الله طلتك
يعطيك الف عاااااافية
​