افيدوني جزاكم الله خير

[ابو المهنا]

السلام عليكم ورحمة الله وربكاته

اخواني الكرام عندي استفسار وارجو من لديه معلومه يفيدني فيها
بنتي شفاها الله ومن يقرأ وكل مسلم عندها إعاقات متعدده شديده وعمرها 3 سنوات وتم قبوله في التأهيل الشامل والحمدلله بس هي تحتاج عنايه طبيه وناس عندها خبره لحاجتها للتغذيه الانبوبيه والسحب المستمر للبلغم والارتجاع الشديد وكثرت نزلات البرد ونزول الاكسجين ونتيجة كل هذا وزنها فقط 6 كجم مع اني موفر لها جميع الاجهزه اللازمه وذهبت لي 6 اخصائي تغذيه في مستشفيات حكوميه وعسكريه وخاصه لرفع وزنها واختيار نوع الغذاء الانبوبي ولكن دون فايده فقط حليب رونالاك ضد الارتجاع (ar) الغذاء الوحيد الي تاخذه
والحمدلله على كل حال
في واحد قلي بنتك لازم تكون تحت اشراف وعنايه طبيه مالك غير دار الرعايه
او اي منشأه طبيه تقبل مثل هالحالات
وانا والله ما اعرف شي عن هالحاجات
افرجو منكم نصيحتي وافادتي عن موضوعي
فوالله انها تقطع قلبي يوم اشوفها بهالحاله وماني عارف اسويلها شي
وسامحوني على الاطاله
وأسأل الله ان يكتب لكم اجر ماستفيدوني فيه وان يشفيها ويشفي كل مبتلا

 

[مي العتيبي]

رد: افيدوني جزاكم الله خير

اسأل الله العظيم رب العرش العظيم أن يشفيها يمكن يجي احد يفيدك لكن انا أفضل رعايه الوالدين لها فالبيت افضل المراكز هذي ماعاد نعرف خيرها من شرها الا اذا كانت تحتاج رعايه طبيه وانت ماتقدر توفرها لهافالبيت في هالحاله لازم ادور افضل المراكز

 

[رحمك الله حمودي]

رد: افيدوني جزاكم الله خير

السلام الأفضل تكون عندك في البيت والغذاء عن طريق الانبوب كل شي تقدر تاخذه عن طريقه سوا شربه او عصير
او موية الأرز وحاولي تتعلمي تركيب الأنبوب وشفط البلغم
انا والدي كان نفس حالت. بنتك من الولاده الي عمر خمس سنوات لكن توفى الله يرحمه
وكنت انا المهتمه فيه ولا حاولت ادخله في دار الرعايه كنت اخاف عليه من عدم الاهتمام فيه
لانه كان الاكسجين عنده ضعيف الرئه تعبانه كثير يتعب ويسخن
الحمد لله على كل شي والله يحفض بنتك من كل شر

 

[ابوعبدالمجيد]

رد: افيدوني جزاكم الله خير

وعليكم السلام ورحمة الله وبركاته
اسأل الله العظيم ان يشفيها عاجلآ غير آجل وان يحفظها لكم، مافيه افضل من رعاية الوالدين لها في البيت.