حـوسـة عـريـس لـيـلة الـعــرس

[الراقي]

منقول بعنف


مو تقولون بعدين
أنا هالمعرس المحتاس
:glare:

يبلغكم ربي الهناء
عرسان و عرايس

نبدي القصة
المنقوووولة

​

اليوم راح أحكي لكم الي صار معي
" لـــيلة العــــــــــرس "

​

و حسب شهود عيان
( لأن فية أشياء ما اتذكرها
بسبب هبوط الضغط الي صار لي يومها

)


طبعاً الليلة الي تسبقها ماقدرت أنام زين
خصوصاً إني تزوجت بالحلم يمكن 4 مرات !
أتزوج ثم اصحى وراجع انام
وأتزوج ثم اصحى ثم ارجع أنام واتزوج.



المهم صحيت الظهر وقمت وصليت
ورجعت للبيت أجهز أغراضي و أتروش
(تقول الوالدة من الربشة مفرش أسنانك بمعجون حلاقة)

​

لما صار العصر طلعت للحلاق وحلقت ورجعت قريب من المغرب
ثم رحت اتروش لكن ها المرة غير

​

تروشت بدورة ميارة الرجال من العجلة أكرمكم الله والي تفتقد لابسط الاشياء
وهو شامبو بيبي جوي "لادموع بعد اليوم

"

وبمساعدة الوالدة تم بحمد الله نقل أغراضي
إلى دورة مياة الرجال.


صلينا المغرب ورجعت البس طبعاً
بعد العشاء أحنا عندنا عادة وهي أنو بعض اهل وأقارب العريس
يتجمعون في بيت العريس
عشان يطلعون معاه للقصر,,


وأنا جالس البس عشان انزلهم و اسلم عليهم
أكتشفت أن المشلح ((اقصر)) مني بشبر

طبعا السبب عرفته بعد أسبوع
( وهو اني غسلتة غسيل عادي موبخار
عشان كذا كمش قماش المشلح)


طبعا صرت احوس بالغرفة وش اسوي وش اسوي
ورحت للوالدة الله يحفظها وخبرتها
هدّتني وقالت بسيطة..
حاول قد ماتقدر تكون جالس طول الوقت
ولما تمشيء سو نفسك رافع المشلح شوي ومدخلة تحت يدك
زي الناس الآكابر

المهم صلينا العشاء ثم نزلت وسلمت على الحظور
بعدين جلست واقاربي يناظروني ويتبسمون
لين صار وجهي علبة الوان

بعدها جاء ابوي وقال يالله نطلع للقصر وركبنا السيارة ..
أنا ورا.. وابوي قدام .. وعمي يسوق السيارة
ورحنا للقصر والناس ورانا


لما قربنا من القصر ​

عندنا عادة الناس تبداء تدق بواري
​

( طاط طيطييط طوووط طط طط

)


​

من هنا أنا
بدأت افقد السيطرة على نفسي



وصلنا القصر ونزلت
ولما نزلت لقيت العالم متجمعين عند الباب
عشان يسلمون علي ويباركون لي ,,


طبعاً ابوي حآآآس بوضعي

​

عشان كذا كان قد مايقدر يحاول يكون جنبي
واول واحد سلم علي كان ابو البنت
سلمت علية وبوست راسة وانا أنتفض!!

​

ثم سلموا علي أعمامها ثم خوالها .. الخ
لييييييييين دخت



وكان مرة زحمة وخنقة
و كان كل واحد يسحبني من جهة عشان يسلم علي
لين وصل دور عيال خالتي

طبعاً اول واحد منهم سلم علي وقال :
ماشاء الله الف مبروك وكل عام وانت بخير


رديت علية وقلت :
الله يبارك فيك يارب

جاء الثاني وعرف اني مرتبك ومهبب
لاني ما أستغربت من كلمة كل "عام وانت بخير"


فقام قالي : عيدك مبارك وكل عام وانت بخير
انا رديت علية وبكل برائة وقلت: تسلم .

.
من العايدين الفايزين يارب


جاء الثالث وخربها و قال : تقبل الله

رديت علية وقلت : من الجميع يارب ..
جزاك الله خير

طبعاً العالم فطست من الضحك

لما شافني أبوي كذا
قام سحبني ودخلني جوات القاعة
وجلست أكمل باقي السلام على الحظور .


طبعاً كنت من الخبة اقوم وأقعد أقوم واقعد والسبب
هو اني من الارتباك ماكنت أدري مين الي سلمت علية و مين الي ما سلمت علية

فكان بمجرد مايمر من جنبي أحد أقوم أحسبة جاي يبغى يسلم علي
ثم أكتشف انة جاي يسلم على الشياب الي جالسين جنبي


المهم فجأة وانا بمعمة أفكاري
قام جميع الحظور مرة وحدة وأتجهو نحوي مباشرة

..
طبعاً أنا ما ادري وش السالفة

قمت واقف أحسبهم
يبغون يودعوني دفعة وحدة!
​

​

​

طلع ابو البنت منادي عليهم للعشاء

ولسوء الحظ كان باب صالة الطعام خلفي ..

حسبي الله علية الي مصمم القاعة
فجعني

المهم جلست شوي ثم قمت
ورحت للقسم الي مخصص للعرسان وطقيت الباب

أنا : طق طق
حارسة الباب : مين ؟

انا من الربكة الي عايش فيها قلت :
بيت فلان (الي هو اسم عائلة زوجتي)
كاااشخ باسمها هههههههههههههه

​

​

الحارسة :
عرس فلان قصدك

أنا : ايوة نسيت ..
أنا العـــــــــــــــــــــــريس :shiny01:

الحارسة وهي تضحك :
ايوة مبين خلاص
الحين بنادي لك امك


جت امي ودخلتني
وعرفت أني مرتبك لدرجة الأرتجاج ,,
قامت وسمت علي بالرحمن الرحيم
وباركت لي ودعت لي


وقالت حبيبي ترا فيه خالاتك
وبعض خالات البنت "متغطيات"
وعروستك وأمها بس

وعطتني وردة عشان اعطيها العروسة
ركزوا الورده لميين !! للعرووسه !!


طبعاً أول مادخلت خالاتي صاروا يزغردون
والي تصور وأعمتني بالفلاشات مبروك مبروك ياعريس
منك المال ومنها العيال وبالرفاه والبنين ان شاء الله ,,


ولما خلصت سلام على خالاتي
رحت عشان اسلم على العروسة بالكوشة ,,
طبعاً كنت مرة مستحي ومرتبك وما اعرف كيف اسلم عليها

و كنت جالس أفكر كيف ؟؟
و خلال غمضة عين اكتشفت أني فوق الكوشة
(شكلي كنت أركض)
ملللحه مستعجل

​

​

​

ومن الربكة عطيت الوردة ام العروسه
وسلمت على العروسة سلام زملاء عمل
(يعني مصافحة باليد )


تقول العروسةأنك قلت لي :
وشلونكم عساكم طيبين وكيف الأهل والأولاد!!!


طبعاً خلال ثواني
حسيت ان السلام غلط فحاولت اتدارك الموقف وأصححه
فاقمت وبوست راسها

(قلت يمكن كذا الصح)

​

قام شماغي ومسك في التاج الي فوق راسها

​

وخذ تخبيص
وكنت شوي وأطيح عليها

,,
وبطلعت الروح فكيتة من راسها



المهم جلست جنبها عشان التصوير
بعد ماخربت تسريحتها وبعد ماخصلوا تصوير


يوم صرنا لوحدنا
قمت وانا بقمة الربكة وحطيت يدي على جبينها
عشان أقول الدعاء ..


طبعا الدعاء الصحيح هو
((اللهم إني أسألك من خيرها وخير ما جبلتها عليه
وأعوذ بك من شرها وشر ما جبلتها عليه ))


أنا قلت (( اللهم أني أسئلك من خيرها في الدنيا والآخرة
واعوذبك من شرها في الدنيا والآخرة ))
ههههههههههههههههههههههههههههههههههههههههههه


طبعا العروس ماقدرت تمسك ضحكتها
فسوت نفسها انها تبغى تروح تجيب سجادة الصلاة
وهي ميتة ضحك

جابت لي السجادة
اخذتها منها وفرشتها على الأرض
ومن الارتباك صليت ركعة وحدة بس !
و رجعت عدتها
​

​

​

طبعا البنت كان وجهها محمر من الضحك !!
وصار عندها مغص حاد يومها بسبب كثرة الضحك !!


و ربنا يعدي لياليكم على خير
و بس و سلامتكم
​

​

 

[بدر بن فهد]

رد: حـوسـة عـريـس لـيـلة الـعــرس

[align=center]
تخيل إني جالس في البيت لوحدي (عزوبي مؤقتا) وماقدرت أتمالك نفسي من الضحك بصوت عالي ودموعي نزلت من كثرة الضحك

الحمد لله إن أم العيال ما جات وشافتني بهذي الحالة وتحسبني تجننت

اصابعي متلخبطة ولا أعرف أكتب من هذي السالفة

المهم ألف شكر أخوي على القصة
[/align]

 

[سفير قحطان]

رد: حـوسـة عـريـس لـيـلة الـعــرس

هههههههههههههههه يعطيك العافيه

 

[الراقي]

رد: حـوسـة عـريـس لـيـلة الـعــرس

[align=center]

تخيل إني جالس في البيت لوحدي (عزوبي مؤقتا)
وماقدرت أتمالك نفسي من الضحك بصوت عالي
ودموعي نزلت من كثرة الضحك


الحمد لله إن أم العيال ما جات وشافتني بهذي الحالة
وتحسبني تجننت


اصابعي متلخبطة ولا أعرف أكتب من هذي السالفة

المهم ألف شكر أخوي على القصة

[/align]

مزعل أم العيال ليه ياأبوالعيال !
روح ردها و كافي عــزوبية كذا


و الله ياأخوك شكل حوستك بيوم فرحك
:lol: بتغطي على حوسة هالعريس :lol:


أيامك كلها مسرة
حياك معرسنا بدر بن فهد
هلا بكم معنا دوم​

 

[الراقي]

رد: حـوسـة عـريـس لـيـلة الـعــرس

الله يعافيك
سفير الذوق

هلا بك سفير قحطان

 

[مايباخ]

رد: حـوسـة عـريـس لـيـلة الـعــرس

[align=center]
أوف كـل هـذا ارتـبـاك الأمـور أبـسـط مـن كـذا يـارجـل << مـا أظـن

الله يـسـعـد قـلـبـك أخـوي الـراقــي
[/align]

 

[الراقي]

رد: حـوسـة عـريـس لـيـلة الـعــرس

بعون الله تذوقها
و تقل لنا أخونا مايباخ

لك مكان محجوز
لبعد ماتعـــــرس

الله يكتب لك الفرح

 

[بدوور]

رد: حـوسـة عـريـس لـيـلة الـعــرس

هههههههههههههههههه أعرف إن العروس اللي تجي مرتبكة
مو العريس والله زمن العجايب

 

[حمزة محمد المقعدي]

رد: حـوسـة عـريـس لـيـلة الـعــرس

هههههههههههههههههههههههه يعطك العافية

 

[لوذان العبد الله]

رد: حـوسـة عـريـس لـيـلة الـعــرس

فك الله ما أخذت أم العريسة معك للبيت

 

[الراقي]

رد: حـوسـة عـريـس لـيـلة الـعــرس

لا ياأخت بدور
إنقلبت الموازين و أختلفت الصورة

الحين عولمة
هههههههههههههههه

حياك الله أسعدني المرور

 

[الراقي]

رد: حـوسـة عـريـس لـيـلة الـعــرس

الله يعافيك ياحمزه
ياهلا و غلا فـيـك

 

[الراقي]

رد: حـوسـة عـريـس لـيـلة الـعــرس

:lol:


الله يسعك أختنا لوذان
الحمدلله ربنا ستر

ألف شكـــــر

 

[الرزق على الله]

رد: حـوسـة عـريـس لـيـلة الـعــرس

هههههههههههههههههههههههههههههههههههههههههههههههههههههههههههههههههههههههههههههههههههههههههههه


بصراحه روعه ميت من الضحك الله يسعدك على الفكاهه

 

[الراقي]

رد: حـوسـة عـريـس لـيـلة الـعــرس

الله يسعد قلبك
و يفرج همنا و همك
الرزق على الله

هلا بك مليون