هام جدا لجميع ذوي الاحتياجات الخاصة موضوع التوظيف الأحد 15/1/2012 م

[همس القطان]

هام جدا لجميع ذوي الاحتياجات الخاصة موضوع التوظيف الأحد 15/1/2012 م

[align=center]
تحية طيبة للجميع...

اخواني اخواتي من ذوي الاحتياجات الخاصة

انا ملاحظة من طلع حافز وهو مشغل الشعب كله ومشغلنا, لكن في شي أهم بالنسبة لنا من حافز

حافز حتى لو عطونا كلها سنة ويوقف لكن الاهم من حافز هو موضوع (الوظــــــفـــــة) ...

أنا أقدم دعوة للجميع بأننا نجتمع جميعا ونطالب بحقوقنا بالتوظيف أكثر من أي وقت ثاني لمتى

السكوت وبالخصوص الوظايف الحكومية أنا برأيي إنها انسب لنا من القطاع الخاص من اكثر من

ناحية يا جماعة عندي سؤاااال جد محتاج جواب س/ يقلون علينا ذوي احتياجات خاصة طيب وين

احتياجاتنا مين فكر يوفرها لنا ؟؟؟

من فكر يتعامل معنا على اننا بشر مثل غيرنا نحس وعندنا قدرات واشياء كثير نقدر عليها؟؟؟

مثلا:
ديوان الخدمة المدنية:

حنا آخر ناس ممكن يحسب لهم حساب بيقلون وظفوو كم وحدة احتساجات خاصة باقول لهم نصهم

ولا ثلاث ارباعهم اذا مو كلهم واسطات ثلاث سنوات وانا اقدم ماجاني ولا شي وغيري له اكثر الى

متى؟؟؟

حافز : يوم استبعدنا من الاعانة بسبب غير مقنع مين تكلم بحقنا غيرنا جمعية حقوق الانسان

تكلمت بحق اللي اعمارهم فوق 35 ليه يستبعدو لكن محد قال الاحتياجات الخاصة ليه يستبعدو

والسبب لان حقوقنا بين التهميش والاهمال؟؟؟

وامثال كثير اكيد انتم كلك عايشينها وشايفينها بالحياة كل يوم والثاني احتفال ولا مهرجان ولا يوم

عالمي للمعاق طيب اللي مشغل نفسه بهذا كله مافكر هالمعاق على قولتهم له احتياجات انسان

عادي مثلهم اقل حقوقه انه محتاج وظيفة محتاج دخل ثابت يعيشه عيشة كريمة ولا يحتاج لحد

للاسف من يومي اسمع سوينا وسوينا للمعاقين وين اللي سووه الله ماشفناه بالعقل عرفناه

وين ؟؟ وين(الأراضي, السيارات, الوظايف, كل شي نحتاجه ) وين؟؟؟ ألف علامة استفهام لو اننا

اجتمعنا من زمان وطالبنا بكل حقوقنا ماصار هذا حالنا سكوتنا يفسر عندهم على اننا راضين

بالوضع اللي حنا فيه وهذا اكبر غلط ابو متعب ملك الانسانية مايقصر وحنا في بلد خير ونعمة لكن

الناس اللي تحته يا ويلهم من الله هم وكل من ضيع حقوقنا انا صرت اتمنى لو كنت ولد مو بنت حتى

اقدر اروح واجي اطالب بكل مكان لكن لاي بنت قاعدة ااحاول بالاتصالات والنت وبكل اللي اقدر

عليه يا شباب لازم كلنا نتفق خلينا نكتب خطاب فيه كل احتياجاتنا وكل واحد يقول رايه يترتب

الخطاب ويرسل باسم جميع ذوي الاحتياجات الخاصة كل واحد وامكانياته نبي نوصله لكل مكان

وعلى قولهم (ربعن تعاونوا ماذلوا) لا بد نتعاون حتى نوصل والكل اللي يدور وظيفة وغيره

موضوع ديوان الخدمة المفروض يفتح المجال ويوظف كل اللي عندهم شهادات وتؤهلهم للوظيفة

الحكومية سواء بالديوان ولا غيره والله حنا في عالم عجيب كيف حكمو علينا بالعجز وعدم القدرة

وهم حتى ماعطونا فرصة ور جربو هل نقدر ولا لا قمة الظلم لذلك والله والله يا شباب اذا حنا نفسنا

ماسعينا وبقينا نطالب لحد ماناخذ حقوقنا عمر ماحد بيفكر فينا ولا بيفكر كيف يجيب حقوقنا الهمة

الهمة يا شباب ويد الله مع الجماعة وربي يسهل لنا كل امورنا يا رب...

شعاري بالحياة دايما مقولة للعالمة هلن كلر (أعجوبة المعاقين) أن الحياة مغامرة جريئة أو لا شيء.

وانا اذا ماتحديت الظروف وكل شي لجل احصل على حقوقي بحياتي واثبت نفسي وقتها بتكون الحياة مالها قيمة ...

تحياتي :أختكم همس القطان.
[/align]

 

[همس الحياه]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

[align=center]

سلمت يدك اختي همس .. وصح لسانك ..

الله يرفع قدرك وشأنك ..

بالنسبة للوظيفه انا تخصصي مكتبات ولهم اكثر من 10 سنوات حرمونا من التعيين !!

طبعًا الكلام دا مثبت رسمي مو للمعاقين فقط حتى الاسوياء ..

وياما تكلمت وبرقيات للملك ولوزير التربية وللديوان ومافي فايده

حتى فاكسات وشكاوي بالجرائد .. ولا احد طل في اوراقي ..

وامس كلمت واحد في الديوان يقول اشتكوا بشكل جماعي !!

انا سويت اللي عليا والباقي ع ربنا .. مو يأس لكن واثقه بالفرج ..

وما اقول الا الله يحرم الجنه ع من كان سبب في توقف تعيين خريجات المكتبات ..

لو حتعملوا شيء انا معاكم كلمي الاداره وخدي ايميلي .. ويد الله مع الجماعة ..

[/align]

 

[اسير الكرسي]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

هلا اختي همس تسلم ويعطيك الف عافيه على الطرح تسلم واحنا معك وش المطلوب منا واحنا جاهزين والله انا متقاعد وحالتي زي الزفت الله يعين على الدنيا هذه

 

[الاثير]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

لافض فوك

 

[سعود]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

نعم يجب علينا المطالبه بشكل جماعي
حيث ان اليد الواحده لا تصفق
ارجو من جميع ذوي الاحتياجات الخاصة بالمملكة ان يتكاتفو ويطابلو بحقوقهم المسلوبه

 

[غاردينيا]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

[align=center]
كلامك حلو ياهمس

استغرب انه لسى فيه شمعات أمل مُضيئة

كل شيء في البلد صار مُحبط ..

لكن يعين الله

[/align]

 

[يوسف محمود]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

انا مصرى من ذوى الا عاقه ولكن قادر على الحركه والمشى والعمل بكالريوس تجاره قسم محاسبه ابحث عن عمل ارجو الاهتمام​

 

[همس القطان]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

اخواني اخواتي

والله انا اشكر لكم جميعا تفاعلكم واهتمامكم وردكم

انا ان شاء الله قاعدة اشوف طريقة كيف نقدم شي جماعي وراح اعطيكم خبر باي تطورات معي

وان شاء الله امورنا ميسرة وربي معنا

 

[عبدالعزيز الحمر]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

[align=center]للاسف ذوي الاعاقة لا يستطيعون الالتحاق بالقطاع العسكري ولا سلك التعليم ولا الكادر الفني الصحي ولا سائقي نقل عام ولا سيارات الاجرة
ولا بالاعمال التي تحتاج لمجهود بدني شاق ومعظم الاعمال تحتاج الى ان يكون الموظف لائقا طبيا
وحتى اذا وجدت وظيفه حكومية تناسب المعاق تجدها بدون منزلق واحد الزملاء يعمل بجهه دورات المياة " اعزكم الله" في الدور العلوي
لا قوة للمعاقين ولا ناصر الا الله
[/align]

 

[يوسف محمود]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

لنا الله

 

[ابوعزة]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

السلام عليكم ورحمة الله وبركاتة

انا اقترح عليكم اخوتي الكرام ان يكوون لنا تجمع اسبوعي وناخذه بعين الاعتبار لبتر الحواجز اللتي تواحهنا ومناقشت حقوقنا ومنها نتقي ببعضنى البعض ونتعرف على بعض اكتر من المنتدى

والله الموفق

 

[عربيه]

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

رد: هام جدا لجميع ذوي الاحتياجات الخاصة موضوع التوظيف الأحد 15/1/2012 م

ماذا نفعل كي نحصل على حقوقنا جزاكم الله خير

 

[همس القطان]

رد: هام جدا لجميع ذوي الاحتياجات الخاصة موضوع التوظيف الأحد

من يومين أنا رحت حتى اراجع ديوان الخدمة واسالهم ليه ماجاني توظيف الى الان لي 4 سنوات وين المشكلة قالت لي الكل كذا وماعطتني شي ممفيد قالت انتظري وان شاء الله يجيكم وظايف الله يرزقكم ...
بنفس اليوم رحت لادارة التعليم حتى اتاكد بخصوص السالفة الجديدة اللي طلعو لنا فيها اختبار قدرات للي تبغى تقدم على وظيفة تعليمية وعلى اساس ان الاحتياجات الخاصة معفيين من هذا الشي وسمعت من بعض البنات انه لازم تراجع ادارة التعليم حتى يبلغونا بالمطلوب لو فيه اي اجراءات بخصوص هذا الشي لكن للاسف اللي اكتشفته انهم مو دارين وش السالفة وكل وحدة تحولني على غيرها وكل مكان يرسلني لقسم ثاني من الصبح لين الظهر وانا مشاوير بالاخر وحدة منهم تكرمت علي قالت عطيني اسمك ورقمك وراح اشوف لك الموضوع وارد لك خبر يوم السبت وانا اليوم انتظر وربي يسهل ...

 

[دارين]

رد: هام جدا لجميع ذوي الاحتياجات الخاصة موضوع التوظيف الأحد

موفق ي همس وياليت تخبرينا وش يصير عليك

 

[همس القطان]

رد: هام جدا لجميع ذوي الاحتياجات الخاصة موضوع التوظيف الأحد

قالو اننا معفيين من اختبار القدرات عقب مامشورونا الحين طلعنا بسالفة جديده يبون تربويات الموقع مايقبل غير التربويات.

 

[سعوديه كوول]

رد: هام جدا لجميع ذوي الاحتياجات الخاصة موضوع التوظيف الأحد

انا اقلكم شغله اكتشفتها مجددا الحكايه انو فيه فعلا سيارات واراضي ووو...الخ ولكن لما تجيكم كلمه معاق مو يقصدو معاقين المملكه كلهم لالا يقصدو معاقين الرياض فقط يعني جمعيات ومساعدات ودورات ووظائف محترمه وبرواتب لاباس فيها مستشفيات نوادي تجمعات اسواق....الخ كللللها بالرياض بس واللي يعرف احد بالوزاره يابخته وياهناه يدورون احد يساعدونه يعني بالمختصر معااااق؟؟مالك عيشه الا بالرياض استاجر ولاتهجول ولا كل هواء بشوارعها وكباريها مالهم دخل المهم تلقى وظيفه ومقابلها الف باب اجار وتاثيث ونقل مدارس وغربله فبلاش هذا كله واجلس على التاهيل وكثر خير الحكومه على كذا


عادي قسمه ظالمه ولكن محد حولنا محد مساعدنا ناخذ بحقوقنا
بكل مكان اكتفى كل واحد بتامين نفسه وخلاص ولا لوكان فيه وعي وثقافه واحترام وتكافؤ فرص كان مالحال كذا يعني ماينفع لا تجمع ولا خطابات روح لداود الشريان ويضبطلك وظيفه ارضى واسكت والحال بيستمر على هالشي سنع نفسك والباقي ماعليك منهم
والكلام بالقطاع الحكومي يرفع الضغط عندي مليون ماابيهم يوظفوني ابيهم يعترفون بالاساس اني انسانه وعندي شهاده ومايستكثرون الحق هذا عليه بعددددين نتكلم عن الوظيفه

 

[هوى امل]

رد: هام جدا لجميع ذوي الاحتياجات الخاصة موضوع التوظيف الأحد

شكرا خواتي العزيزات كفيتوا ووفيتوا بالشرح والمطالبه سيروا وحنا معكم باي مطالبات تنفع لنا ومن حقنا والله معنا

 

[همس القطان]

رد: هام جدا لجميع ذوي الاحتياجات الخاصة موضوع التوظيف الأحد

كلامك صحيح سعوديه ذوي الاحتياجات الخاصه الي بنجد اكثر ناس يحصلون على حقوق وتعليم وتوظيف لكن نحن بكل مكان سنظل نبحث ونطالب بحقوقنا نحن لم نطلب المستحيل بل حق من ابسط حقوقنا ومازلنا عالهامش بالنسبة لهم لكن راح ابقى اطالب لن اسكت ولن استسلم لاخر حياتي لأننا لو سكتنا راح نبقى طول العمرنعيش بالاعانات وشهاداتنا ماراح نستفيد منها..

 

[امل اللة]

رد: هام جدا لجميع ذوي الاحتياجات الخاصة موضوع التوظيف الأحد

يارب يسير الامور لجميع الخلق

 

[ليمار]

رد: هام جدا لجميع ذوي الاحتياجات الخاصة موضوع التوظيف الأحد

نطالب بوزاره خاصه للذوي احتاجات خاص توفر متطلباتنا من ناحيه الوظيفه


---