احد يفهمني ماني فاهم فالتحديث الي معاه ضمان وتاهيل

[اعاني]

السلام عليكم انا مسجل لضمان وتاهيل ومادري هذي الخطوه خاصه للتأهيل او مع الضمان
ثانيا اذا اعاقتي نفسيه اكتئاب هل لازم اطلع الخطاب واعطيه الدكتور الصحه النفسيه او اقدر اروح له على طول بدون خطاب وبنسبه للتقرير يكتبه على طول ولا يطول وهل استلمها ام هم يرسلونه للوزاره؟؟

 

[شمالي عرعر]

رد: احد يفهمني ماني فاهم فالتحديث الي معاه ضمان وتاهيل

السلام عليكم راح افيدك حسب تجربتي ولكن عليك تنتظر وتشوف اراء وتجارب الاخرين اكرر انا افيدك حسب تجربتي !!
اول شي تدخل وتطبع خطاب لاي مستشفى حسب المدينه الي انت بها وانصحك تختار المركزي تروح للعيادات وتفتح ملف او تحجز موعد مع الدكتور حقك ان كان لك ملف مسبقا
وبعد ماتروح للدكتور يكشف عليك ويختم لك بالورقه انك مريض وتعاني من كذا وكذا
وبعد ما تاخذ الورقه او التقرير
تصوره بالجوال وتخليه بالكمبيوتر او الاب توب وترفقه وترسله لهم عن طريق موقعهم وتعبي البيانات المطلوبه اسمك الكامل واسم ابوك الخ
وانا عقدتني حالة الاسره اتوقع المقصود بها حالة امك و ابوك انا حطيت متزوج
واذا تبي العلم الاكيد اسال واحد اسمه ابوعبدالمجيد بالخاص ويرد عليك ولا يهون الباقين كلهم فيهم الخير والبركه

 

[اعاني]

رد: احد يفهمني ماني فاهم فالتحديث الي معاه ضمان وتاهيل

خطاب لمين انا اقدر اروح للدكتور على طول هل لازم خطاب؟ثانيا هل يطول التقرير او يعطيني إياه بنفس الوقت

 

[اعاني]

رد: احد يفهمني ماني فاهم فالتحديث الي معاه ضمان وتاهيل

انا اتعالج بمستشفى الامل اعطي الخطاب مين ولله لحسه مخ مني فاهم شي

 

[ناديه العمير]

رد: احد يفهمني ماني فاهم فالتحديث الي معاه ضمان وتاهيل

السلام عليكم ورحمة الله وبركاته

لو سمحتو مين جاه مثلي انه لايطلب تقرير

السؤال: هل عادي : تحت الاجراء 0
تمت 0
ملاحظه 0
لو سمحتو يرد علي من طُلب منه مثل ماطُلب مني

واشكر كُل من رد علي
ولهُ دعوه في الوتر بإذن الله
الله يشفينا جميعاً إنهُ سميعٌ مُجيب

ودُمتم سالمين [emoji255]


iPhone السعودية لذوي الاعاقة

 

[ضوء القمر]

رد: احد يفهمني ماني فاهم فالتحديث الي معاه ضمان وتاهيل

خطاب لمين انا اقدر اروح للدكتور على طول هل لازم خطاب؟ثانيا هل يطول التقرير او يعطيني إياه بنفس الوقت

مايحتاج خطاب واذا عندك تقرير قديم وده للدكتور خله يحط تاريخ جديد ويختم عليه وتالي تودية المكتب حق التقارير وبعد يومين او ثلاثة ترجع تستلمه وخلصصص

بالتوفيق

 

[ضوء القمر]

رد: احد يفهمني ماني فاهم فالتحديث الي معاه ضمان وتاهيل

السلام عليكم ورحمة الله وبركاته

لو سمحتو مين جاه مثلي انه لايطلب تقرير

السؤال: هل عادي : تحت الاجراء 0
تمت 0
ملاحظه 0
لو سمحتو يرد علي من طُلب منه مثل ماطُلب مني

واشكر كُل من رد علي
ولهُ دعوه في الوتر بإذن الله
الله يشفينا جميعاً إنهُ سميعٌ مُجيب

ودُمتم سالمين [emoji255]


iphone السعودية لذوي الاعاقة

وعليكم السلام والرحمة

أنت متأكد انك حطيت رقم السجل والباسورد

إرجع للموقع وشيك مره ثانية

اي تصير بعض الإعاقات بدون تقرير واذا ماطلب منك خلاص مايحتاج

انت ارجع وشف شيقول لك

بس ع العموم اذا ماطلب منك المفروض تعبي بيانات ولي الأمر ووضع الأسرة وكذا وكذا وبعد ماتخلص وترسله تجيك رسالة انه تمت بنجاح

وبعدها يحطون لك تحت الإجراء1 وبعد كم يوم تجيك رسالة انك خلصت وكذا يعني

بالتوفيق

 

[اعاني]

رد: احد يفهمني ماني فاهم فالتحديث الي معاه ضمان وتاهيل

مايحتاج خطاب واذا عندك تقرير قديم وده للدكتور خله يحط تاريخ جديد ويختم عليه وتالي تودية المكتب حق التقارير وبعد يومين او ثلاثة ترجع تستلمه وخلصصص

بالتوفيق

ايوا عندي تقرير اكثر من ست شهور بس ليه اوديه للتقارير ايش يسوون فيه اذا بيحط تاريخ جديد مومفروض اني اخذه؟ثانيا لما ابرفعه على الموقع الصوره بجوال؟

 

[اعاني]

رد: احد يفهمني ماني فاهم فالتحديث الي معاه ضمان وتاهيل

ياليت ردك ياضو القمر

 

[ضوء القمر]

رد: احد يفهمني ماني فاهم فالتحديث الي معاه ضمان وتاهيل

ايوا عندي تقرير اكثر من ست شهور بس ليه اوديه للتقارير ايش يسوون فيه اذا بيحط تاريخ جديد مومفروض اني اخذه؟ثانيا لما ابرفعه على الموقع الصوره بجوال؟

من شروط التقرير انه ماأخذ ست شهور من تاريخ إصدارة يعني ماينفع اذا كان 7شهور مثلا لانهم حاطين هالشرط

اذا تبي تجدده مثل ماقلت لك فوق وبالنسبة للتصوير عادي ختى بالجوال ينرفع بس قللي من جودة الصورة اذا ماانرفع لان حاطين تقريبا 2قيقا المهم مايكون الملف كبير وبسسس

 

[ام زياد الرفيعي]

رد: احد يفهمني ماني فاهم فالتحديث الي معاه ضمان وتاهيل

التقرير من صفحة مكتوبة من الجهتين ينرفع ولا لا

 

[ضوء القمر]

رد: احد يفهمني ماني فاهم فالتحديث الي معاه ضمان وتاهيل

التقرير من صفحة مكتوبة من الجهتين ينرفع ولا لا

من جهة وحدة واصلا مافي شي ينكب ورا مو مثل بطاقة الأحوال مثلا

بالتوفيق

 

[ام زياد الرفيعي]

رد: احد يفهمني ماني فاهم فالتحديث الي معاه ضمان وتاهيل

تقريرنا حنا خذيناه من التاهيل الصفحه الاولى اسم المعاق وكشف الطبيب العام والجهه الثانية كشف الطبيب المختص وختم المستشفى وكل ماصورنا جهة الختم مايكون فيها اسم المعاق وش السواة الحين.

 

[اعاني]

رد: احد يفهمني ماني فاهم فالتحديث الي معاه ضمان وتاهيل

ضو القمر
يعني بس يشيلون ورقه التاريخ ويحطون تاريخ جديد؟؟طيب استلمها فنفس الوقت ولا يطول

 

[ضوء القمر]

رد: احد يفهمني ماني فاهم فالتحديث الي معاه ضمان وتاهيل

تقريرنا حنا خذيناه من التاهيل الصفحه الاولى اسم المعاق وكشف الطبيب العام والجهه الثانية كشف الطبيب المختص وختم المستشفى وكل ماصورنا جهة الختم مايكون فيها اسم المعاق وش السواة الحين.

أول مره أشوف تقرير من جهتين

ع العموم روحي مكان اللي سويتي التقرير وحاولي يحطون الكلام في صفحة وحدة والله يعينك

 

[اعاني]

رد: احد يفهمني ماني فاهم فالتحديث الي معاه ضمان وتاهيل

ضو القمر
يعني بس يشيلون ورقه التاريخ ويحطون تاريخ جديد؟؟طيب استلمها فنفس الوقت ولا يطول

 

[مهر]

رد: احد يفهمني ماني فاهم فالتحديث الي معاه ضمان وتاهيل

انا عندي تقرير قديم عندي وتشوهات خلقيه بالقدمين مذالولادة..وبالموقع ماطلب مني ارفاق تقرير بس حجز موعد للوحدات المساندة رحت للتاهيل كشفت علي الدكتورة وطلبت صورة من تقريري القديم وصورة من الهوية وقالت لي انتظري رد الوزارة

 

[ضوء القمر]

رد: احد يفهمني ماني فاهم فالتحديث الي معاه ضمان وتاهيل

ضو القمر
يعني بس يشيلون ورقه التاريخ ويحطون تاريخ جديد؟؟طيب استلمها فنفس الوقت ولا يطول

لا لازم تنتظر يمكن يوم او يومين على حسب الزحمه عندهم

اذا وديته لهم بيقولون لك تعال بعدين وهما بيرتبونه لك وبيحطون تاريخ جديد بس انت تعرف لازم ختم مدير المستشفى ومدير القسم وختم الطبيب المعالج وختم وزارة الصحة


يعني ان طول مابياخذ أسبوع بالكثير

بالتوفيق

 

[ضوء القمر]

رد: احد يفهمني ماني فاهم فالتحديث الي معاه ضمان وتاهيل

انا عندي تقرير قديم عندي وتشوهات خلقيه بالقدمين مذالولادة..وبالموقع ماطلب مني ارفاق تقرير بس حجز موعد للوحدات المساندة رحت للتاهيل كشفت علي الدكتورة وطلبت صورة من تقريري القديم وصورة من الهوية وقالت لي انتظري رد الوزارة

اي انتظر لين تجيك الرسالة او يأكدون لك اذا دخلتي الموقع اذا كتبوا لك تمت 1 يعني خلاص او اذا بتروح التأهيل تستفسر بكيفك

 

[ام زياد الرفيعي]

رد: احد يفهمني ماني فاهم فالتحديث الي معاه ضمان وتاهيل

اللهم لك الحمد اليوم رفعنا تقرير ولدي الي من صفحتين وقبلته الوزارة مكتوب بالموقع تمت بالقبول الله يسهل على الجميع ان شاء الله.