هل اختي تستحق اعانه

[قمر]

السلام عليكم ورحمة الله وبركاته
اختي عمرها 36 هل تستحق اعانه من الضمان

لان الي مو متزوجه يقولون لها اعانه هل هذا الخبر صحيح

والا بس الارمله والمطلقه هم الي لهم الحق


ودمتم بود

 

[قمر]

رد: هل اختي تستحق اعانه

ولارد

 

[نجمة مسافر]

رد: هل اختي تستحق اعانه

وعليكم السلام ورحمة الله وبركاته
ابشري بالرد ولا يصير خاطرك إلا طيب :thumbup:
ابسألك إختك تابعه لأحد مشمول أمك أو ابوك ؟

 

[قمر]

رد: هل اختي تستحق اعانه

فديت قلبك نجمه انتي المفروض المشرفه والمراقبه

انتي الي تستاهلين ربي يوفقك ويسعدك ي نجمة لامعه

لا ي غاليه

 

[نجمة مسافر]

رد: هل اختي تستحق اعانه

أول شي صباح الخير على احلى قمر
الحين تطيرين للإداره وتقولين لهم يخلوني مشرفه ما دام الحديد حامي :winky:
انا في خدمة الجميع واتشرف بهالشي من دون اشراف
ثاني شي شوفي جعل ربي يرضى عليك ويسعدك
مو كل وحده تحب تتقدم للضمان يقبلونها
في البدايه يشوفون عمرها لأنهم ما يقبلون إلا من 18 وطالع باستثناء الايتام
فإذا كانت غير متزوجه فما يقبلونها إلا ان كانت من ذوات الاحتياج الخاص أو مريضه بمرض يعجزها عن العمل او كانت يتيمه
العائله المشموله بالضمان أو يسمونها الأسره الضمانيه تبقى البنت الغير متزوجه تابعه لها
يعني تبقى تبع والدها أو تبع امها إذا مطلقه او ارمله أو تبع اخوانها إذا أيتام حتى يسقطونها من التبعيه والضمان بسبب الزواج او الحصول على وظيفه فإذا ما حصل الاثنين وصار عمرها 35 ممكن تنفصل عنهم وتستخرج بطاقة احوال وتكون لها بطاقة ضمان خاصه فيها
الله يحفظكم لبعض

 

[قمر]

رد: هل اختي تستحق اعانه

مساك سعاده ي الغاليه


مشكوره ي عمري تستاهلين كل خير ي قلبي والله رايتك بيضاء

وتفاعلك بالمنتدى جدااا رااائع ناس قبل مايكونون مشرفين تفاعلهم مررره قوي


والا حطوهم مشرفين مدري مراقبين تكاسلوا حيييل بس بالاسم مشرفين او مراقبين


العضو احسن منهم يتفاعل بالردود وهم ميييييييييييح

اما انتي نجمه بالقمه اسم على مسمى ربي يسعدك وينولك كل اللي تتمنين يارب

 

[نجمة مسافر]

رد: هل اختي تستحق اعانه

ياعمري عليك وعلى قلبك الطيب تسلمين والله والعفو
مافي أحد يتقدم لمهمة الإشراف إلا وحاس في نفسه إنه قد المسئوليه ونحسبهم كذلك ويستاهلون كل خير
إحنا ما ندري عن أحوال الناس ومعذورين الله يعطيهم العافيه وصعبه نكلف الناس فوق طاقتهم وعندهم ظروف خاصه ما نعلمها لكن تعلمها الاداره وممكن تكون السبب الرئيسي في عدم تواجدهم
بالتأكيد وجودهم مهم لكن وسعي صدرك وكل شخص يساهم بلي يقدر عليه وتأكدي ان الأعضاء ما راح يقصروا مادام عندهم رد يفيدون به غيرهم
بعض الأعضاء ما عنده رد لكن مجرد تواجده ومشاركته في الموضوع تعطي لصاحب الاستفسار شعور ان أحد مهتم فيه وهذا مجهوده الي يقدر عليه ومشكورين