هل اقدر اسقط عني قرض من البنك التسليف بحكم اني معاق

[المهلهل]

سلام عليكم اخواني
انا من ذوي الاحتياجات الخاصه اخذت قرض من بنك التسليف وكذالك قمت بكفاله اخوي المعاق واخذ ايضا اهو قرض من البنك التسليف

هل اقدر اسقط عني باقي التسديد مع العلم اني سددت حوالي 3 سنوات



افيدوني… .

 

[ضوء القمر]

رد: هل اقدر اسقط عني قرض من البنك التسليف بحكم اني معاق

اي تقدر بس يبي لك تسوي خطاب للملك وترسله للديوان والديوان يحوله للمالية والمالية لبنك التسليف وكل اللي عليك تسويه تثبت بالصور انك معاق وراتبك قليل وانك ساكن بالأجار وهكذا يعني غير قادر على السداد

انا سويتها على ايام الملك عبدالله وماشاء الله عليهم خلال شهر جاني الرد من بنك التسليف بس هالأيام مدري شيصير يتأخرون او مايتخرون الله أعلم

بالتوفيق أخوي العزيز

 

[ضوء القمر]

رد: هل اقدر اسقط عني قرض من البنك التسليف بحكم اني معاق

انا رسلت الخطاب عن طريق البريد الممتاز بخمسين ريال وخلال يومين وصلهم الخطاب او المعروض للديوان الملكي

 

[ع م ط]

رد: هل اقدر اسقط عني قرض من البنك التسليف بحكم اني معاق

لو سمحت ياضوء القمر كيف صيغة الخطاب


---

 

[حموده]

رد: هل اقدر اسقط عني قرض من البنك التسليف بحكم اني معاق

ولكن تابع مع وزارة المالية وخذا رقم الخطاب لجل يوقف عنك الاستقطاع ولكن الوقت هذا مدري كيف


iPhone السعودية لذوي الاعاقة

 

[حموده]

رد: هل اقدر اسقط عني قرض من البنك التسليف بحكم اني معاق

والخطاب ارفق ما يثبت عليك وارفق صورة لعقد الايجار للمنزل وتعريف او البطاقة انك من ذوي الاحتياجات الخاصة وصورة من الهوية وسلامتك


iPhone السعودية لذوي الاعاقة

 

[ضوء القمر]

رد: هل اقدر اسقط عني قرض من البنك التسليف بحكم اني معاق

لو سمحت ياضوء القمر كيف صيغة الخطاب


---

تكتب اول شي بسم الله الرحمن الرحيم
الى خادم الحرمين الشريفين الملك سلمان حفظه الله

أقدم خطابي هذا والذي أشرح فيه عدم مقدرتي بسداد باقي اقساط بنك التسليف مع العلم إني متزوج وعندي أولاد وعمري اكتب عمرك وانا من ذوي الإحتياجات الخاصة وأسكن في شقة أجار بمبلغ خمسة عشر ألف ريال سنوياً وراتبي ثلاثة الاف ريال ومع المعيشة وظروفي الخاصة وغلاء الأسعار نطلب منكم ياخادم الحرمين الشريفين بمساعدتي وإكمال باقي القسط مع العلم إني سددت أربع سنوات من الاقساط والله يحفظكم ويطيل في عمركم

الإسم :

رقم الهوية

رقم الجوال

العنوان

التوقيع

ترفق مع الخطاب صورة من البطاقة وصورة من عقد الاجار واذا متزوج كرت العايلة وصورة من بطاقة المعاقين


وبالتوفيق أخوي العزيز

 

[سعوديه كوول]

رد: هل اقدر اسقط عني قرض من البنك التسليف بحكم اني معاق

كم قيمه القرض ؟؟وتتوقعون يعفون من القرض العقاري ؟؟ارسلت اكثر من مره ومحد رد عليه

 

[ضوء القمر]

رد: هل اقدر اسقط عني قرض من البنك التسليف بحكم اني معاق

كم قيمه القرض ؟؟وتتوقعون يعفون من القرض العقاري ؟؟ارسلت اكثر من مره ومحد رد عليه

أتوقع يعفون اذا ظروفه ماتسمح السداد وهو معاق وظروف خاصه بس لازم يدرسون الوضع
اذا يعفون عن الميت فمن الأولى اللي عايش وظروفه خاصه ومايقدر يكمل السداد او متعثر

الأكيد واللي انا مجربه هو البريد الممتاز ثاني يوم يوصل ويعلمونك اسم اللي استلم الخطاب والمكتب ويعطونك تلفونهم بعد لان فلوسك تخدمك هذي المشكلة للاسف

 

[ع م ط]

رد: هل اقدر اسقط عني قرض من البنك التسليف بحكم اني معاق

يعطيك العافيه وجزاك الله خير ياضوء القمر


---

 

[صالح العوامي]

رد: هل اقدر اسقط عني قرض من البنك التسليف بحكم اني معاق

موضوع مميز استفدنا

 

[يحيى الدوسري]

رد: هل اقدر اسقط عني قرض من البنك التسليف بحكم اني معاق

السلام عليكم انا رسالة معروض قبل 8 شهور عفاء من قرض الزواج ولم يتم الاعفاء الى الان ؟

 

[ضوء القمر]

رد: هل اقدر اسقط عني قرض من البنك التسليف بحكم اني معاق

السلام عليكم انا رسالة معروض قبل 8 شهور عفاء من قرض الزواج ولم يتم الاعفاء الى الان ؟

الله يعين

على ايام ملك القلوب حتى شهر ماتأخذ بس ربك كريم وتفرج ان شاء الله تعالى

 

[بنت العنزيه]

رد: هل اقدر اسقط عني قرض من البنك التسليف بحكم اني معاق

السلام عليكم
يا ناس اخوي اصم وله باقي شهر الزواج وهومتضايق حيل مشان المال مايكفي وقدم الخطاب الى الجمعيه ولا صار شي مرا تاخير من شهر ٧ وقدم القرض ولَم ينجح بسبب الصم وايش دخل الصم ،،اخوي موظف راتبه زين بس يبيله البيت ايجار مع زوجته المشكلة مايكفي المال
مرا حوسه اخوي باقي الشهر عليه الزواج
الان نسكن انا وأختي مطلقه مع ولدها واخوي اصم البيت ايجار نحن ندفع ايجار البيت
لكن المشكلة الشهر ١٠ ضروري لازم ننتقل البيت انا وأختي وولدها فقط اما البيت الثاني اخوي اصم مع الزوجته قريب زواجه الشهر ١١
تكفون ساعدوني والله احنا مرا حوسه المال


أرسلت بواسطة iPhone بإستخدام السعودية لذوي الاعاقة

 

[امل سلمان]

رد: هل اقدر اسقط عني قرض من البنك التسليف بحكم اني معاق

أتوقع يعفون اذا ظروفه ماتسمح السداد وهو معاق وظروف خاصه بس لازم يدرسون الوضع
اذا يعفون عن الميت فمن الأولى اللي عايش وظروفه خاصه ومايقدر يكمل السداد او متعثر

الأكيد واللي انا مجربه هو البريد الممتاز ثاني يوم يوصل ويعلمونك اسم اللي استلم الخطاب والمكتب ويعطونك تلفونهم بعد لان فلوسك تخدمك هذي المشكلة للاسف

طيب الله يعافيك ايش شروطهم اذا حابه اقدم على قرض للمشروع خااص لي