هل يستحق الضمان

[ابوسمارا]

ابني لديه اعاقه تخلف بسيط وصعوبه في النطق ويستلم من الشؤون مكافأة مقدارها ٨٣٣
عمره الان ٢١ سنه
هل يستحق الضمان الاجتماعي


---

 

[صالح العوامي]

رد: هل يستحق الضمان

نعم يستحق واذا كان مو مسجل تامينات تمام تروحو مكتب الضمان ويعطوكم ورقة موجهة للمستشفى عشان تسوو تقارير بالعربي

 

[ابوسمارا]

رد: هل يستحق الضمان

يعني اذا كان مسجل في التأمينات ما يستحق الضمان ؟


---

 

[نجمة مسافر]

رد: هل يستحق الضمان

الله يشفيه ويعافيه
أي واحد بيقدم على الضمان وهو مسجل في التأمينات ما يقبله الضمان لأن الضمان للعاجزين عن العمل
التأمينات في عرف الضمان دليل على القدره على العمل حتى ولو كانت سعوده والشخص ما يروح للدوام

 

[ابوسمارا]

رد: هل يستحق الضمان

جزاكم الله خير جميعا


---

 

[صالح العوامي]

رد: هل يستحق الضمان

اعرف ناس مسجلين تاهيل وضمان وتامينات

 

[نجمة مسافر]

رد: هل يستحق الضمان

صالح العوامي
الضمان صحيح يصير هالشي بس بعد ما سجلوا في الضمان سجلوا في التأمينات يعني كان وضعفهم في البدايه سليم وهذي اكتشافها من موظفين الضمان وارد كثير وخصوصاً وقت التقديم على المقطوعه أو التحديث
الجمع بين التأمينات والضمان مخالفه صريحه والشغله شغلة وقت وكثير أسقطوهم وبعضهم إنحط على القائمه السوداء حتى من دون ما يقدمون على المقطوعه أو يحدثون وأتوقع إن مستفيدين الضمان بعد الاتفاقيه مع شركة ((( سمه ))) بيتم تصفيتهم وبينعرف أسهل من أول هم مسجلين تأمينات أو لا
مافي أحلى من المشي دغري من دون لف ودوران والواحد إذا مستغني عن الضمان وهو زكاه فالواجب إنه يحتاط وما يدخل على نفسه وأهل بيته مال ما يستحقه مع إن فيه ناس أحوج منه لهالزكاه ولو تركه لهم يكون أفضل وما أقول غير الله المستعان
التأهيل مسموح فيه بالتأمينات بشرط الراتب ما يزيد عن 4000 ريال فإذا زاد عن كذا وراح يقدم على التأهيل يكتشفون الموظفين في المركز هالشي من البدايه لأنهم يطلبون من الموظف تعريف بالراتب وما يقبلونه
فإذا سجل في التأهيل وبعدين حصل على راتب يزيد عن الي هم محددينه بتمشي أموره بس بعدين بيسقطونه بمجرد ما يسوون تحديث وممكن ينطلب التحديث في أي وقت وبصوره مفاجئه مثل ما حصل مع بعض مستفيدين الضمان

 

[صالح العوامي]

رد: هل يستحق الضمان

وهذا قصدي بالطبط انا ما سجلت ضمان وماشكلي باسجل والي مسجلين ضمان وتامينات وتاهيل الله يوفقهم يمكن بعدين الضمان يعرف الله اعلم والله يوفق الجميع واشكرك على المعلومات وفي معاقين محتاجين اكثر من مسالة فلوس ودراهم انا مثلا احتاج اجهزة للنظر ياليت اذا في جمعيات تقدم هل الاجهزة احد يفيدنا فانا احب القراء بس ما اشوف الا باليميني وفوقها مكبره استخدمها بس في افضل وموفقين جميعا

 

[نجمة مسافر]

رد: هل يستحق الضمان

الله يشفيك ويعافيك
شوف جمعية إبصار الخيريه يمكن يكون عندهم حل لمشكلتك
هذا موقعهم الإلكتروني
http://www.ebsarfoundation.org/
وهذي تفاصيل نشاطهم وعنوانهم على موقع الخير الشامل التابع لوزارة الشئون الإجتماعيه
http://www.gg.org.sa/donor/viewcharityorganization?organizationId=539
وموفق خير بإذن الله

 

[صالح العوامي]

رد: هل يستحق الضمان

شكرا جزيلا اخي ماقصرت

 

[ابوكريم]

رد: هل يستحق الضمان

الاي يستحق الضمان حتي لو مسجل في التأمينات انا استلم ضمان ومسجل بتامينات

 

[نجمة مسافر]

رد: هل يستحق الضمان

العفو يابو مهدي وربي يسهل أمرك
......................................................
أبو كريم
رح الضمان وقل لهم إني مشمول ومسجل بالتأمينات وشف وش بيقولون
الضمان يقبل بالتأمينات في حالة المقطوعه لغير المشمولين بالضمان وبشروط
الخلاصه يا الطيب ((( المشمول ممنوع عليه يسجل في التأمينات ))) والي يكتشفونه يسقطونه

 

[فيصل عبدالله الظفيري]

رد: هل يستحق الضمان

انااستحق ضمان ورفعوا اوراقي وقال الموظف بعدشهرتعال وجيتهم بعدشهرقال انت مسجل بالتامينات مرفضوا


---

 

[فيصل عبدالله الظفيري]

رد: هل يستحق الضمان

ابوكريم والله لو. يسون بحث كان تسقط من الضمان لاتقول لاحدانتبه


---

 

[نجمة مسافر]

رد: هل يستحق الضمان

الحمدلله جاء من يأكد هالشي وعن تجربه مشكور فيصل الظفيري
مقصدنا من الي نكتبه التنبيه وهذي أنظمتهم ومافي مثل الضمان في تطبيق الأنظمه متى ما حصلت المخالفه وتم إكتشافها

 

[نجمة مسافر]

رد: هل يستحق الضمان

حبيت أنبهكم على مسأله حتى مايصير عندكم لبس بخصوص التأمينات وتظنون إنها ممنوعه في الضمان في كل الأحوال
ردودي الماضيه كانت عن التأمينات والشخص أو الشخصه موظفين سواء في البيت سعوده أو يروحون الشغل
الي أنا ذكرته يختلف عن راتب التقاعد من مؤسسة التأمينات فهذا مسموح به لأن الوظيفه مهيب موجوده بشرط ما يتعدا هالراتب الحد المانع للصرف وعلى حسب عدد الأفراد وفيه جدول حاطينه الضمان ومذكوره فيه ذا الأشياء
يعني الي يقول أنا جامع بين الضمان والتأمينات وهو يقصد راتب التقاعد فما في مشكه أما غير كذا فممنوع والي يكتشفونه بعد ما سجل في الضمان يسقطونه والي مقدم على الضمان ما يقبلونه وهذا يشمل الجميع رجال ونساء
التأمينات والشخص موظف مسموح بها في المقطوعه لغير المشمولين بالضمان مع الإنتباه للحد المانع للصرف