همس وقصة كفاح ..

[همس الحياه]

السلام عليكم ورحمة الله ..
يا هلا ومرحبا فيا .. ههههه ..
( مرررررره واثقه من نفسي ويحقلي )
اخواني واخواتي بالنسبه انا لا شيء عندكم فكلما قرأت عن بعض من كتب عن حالته وكيف انه تحدى الاعاقه وبقوى اشوف نفسي ولا شيء!!
ومع اني سبق وان ذكرت مابي ما يمنع اذكرها هنا لعلها تكن دافع لبعض اخواتنا ممن يضنن ان الاعاقه نهاية المطااااااااف!!
حبيبتي اجعلي من اعاقتك سبب لتحولك وابداعك!!
إصنعي من اللاشيء شيء!!
لا تغلقي الابواب وتقولي نهاية المطاف!!
وتذكري ما ابتلاكِ الله إلا لانه يحبك ..
بسم الله ابدأ ..
طبعًا انا بنت اتولدت سليمه مافيا شيء:thumbup1:، وقدر الله لي وانا توي بالصف الأول ثانوي أن حسدوني طالبتين بالصف الثالث ثانوي .:tongue_smilie:
طبعًا حسدوني ع مشيتي لانها كانت سريعه والحمدلله ..
وبعدها بفتره بسيطه أصبت بـ ( جلطة في المخ ) تأثرت الناحيه اليمنى من الجسم!!
سبحان الله وقتها تغيرت حالتي تمنيت الموت :w00t: لاني اصبحت عاله ع اهلي لازم احد يقومني ويوديني الله يكرمكم الحمام او ينقلني عشان اتفرج او اهرج معاهم!!
المهم كنت كل يوم ادعو ع نفسي بالموت!!
وفي مرة وانا متنومه في المستشفى قالت لي اخصائية العلاج الطبيعي ركزي كل تفكيرك في الجزئيه اللي نبغاك تحركينها
ولا تقولي ما اقدر ، قولي اقدر وتحدي نفسك!!:icon_razz:
عاد انا وااااو اموت ع التحدي والعنااااد ..new17
المهم قالت ارفعي يدك وركزي وحاولي ما تتوتري وتشدي اعصابك ، قمت انا ركزت وفي نفسي اقول انا اقدر وشويا شويا اشجع نفسي الى ما حركتها من وحدها شيء بسييييط!!
وااااو الا هي تصفق ومعاها المترجمة وفرحانين تقول برافو برافو ساطره ( امريكيه )
حماااااااس تشجيع وتصفيق :thumbup: عاد محد قدي وقعدنا ع دا الموال وبعدها خرجت عند اهلي واعمل علاجي في البيت!!
مره ماكان احد من اهلي عندي وابغى اروح والعكاز بعيد عني وانا في وسط الصاله واسمع اخواتي فرحانين وانا قاعده انادي تعالوا قوموني وما في فايده ، المهم حبيت ع ركبي زي الاطفال الى ما وصلت للجدر سندت عليه وشويا شويا وقفت وحاسه بخووووووف اول مره اوقف لحالي واشوف الارض بعيييييده لما وقفت!!
المهم رحت عند اخواتي وامي اقول باركولي وقفت لحالي وبدون عكاز ..:41:
يااااي ما اشوفهم الا فرحانين ويصفقوا ويقولوا والله انتِ بطله واللي راح البقاله يجري جاب لبان واللي بسكوت وعصير وخرابيط كلو عشان وقفت لحالي ههههههه ما يدروا ان البركه بعد الله في الجدار!!:6:
المهم صرت اعتمد اجلس في وسط الغرفه او الصاله واحاول اوقف بدون جدر اسند ع يدي وشويا شويا مساعده بسيطه من اهلي اوقف ومشيت اموري تمام والحمد لله وسبت العكازواعتمدت ع نفسي في الوقوف والمشي وكلو..
طبعِا بسبب الجلطه تركت الدراسه سنتين ولما كان احد يكلمني ع المدرسه اتنرفز واعصب واقول :
لا ما راح اكمل صاحباتي بالصف الثالث ثانوي وانا اولى وعمري في حياتي مارسبت!!
لا احد يكلمني ع المدرسه ( فيا غرور مو طبيعي ):winky:
بعدها بفتره طفشت من وضعي في البيت خصوصًا كل اخواتي يروحوا وانا وحدي زي الجنيه ( بسم الله عليا ) لا شغلا ولا مشغلا والتلفزيون الحمدلله ما احبو
اصبت بحالة طفشششششش مو طبيعي ، رحت عند ابويا وقلت يا ابويا ابغى اكمل دراستي!!
وااااااو قد يه فرح ابويا وعلى طول جاب ورقه من الرئاسة (سابقًا ) اني طالبة منازل وراح ع السوق اشترى قماش مريول ووداه الخياط عشان يخيطو!!:lol:
والله في يوم الا المريول جهاز ورحت ع المدرسه واستلمت كتب والمعلمات مو مصدقين اني رجعت وطلبت الاذن من الادارة اني اخضر ووافقت الادارة بعد جهد جهيد!!
المهم يا حبايبي انا كنت اكتب باليمين وبعد الجلطه طبعًا ما اقدر في اقل من شهر عودت يدي اليسار ع مسكة القلم وع الكتابه وبسم الله بدأت همس حياتها اليسرى بتفاؤل ..:5:
وكان شيء جدًا رائع حكاية التحويل من يد ليد هههههه
المعلمات اللي يعرفوني من اول كانوا يقولوا ماشاء الله عليك تغلبتي ع نفسك المهم الحمدلله شوية تشجيع مع شوية دعم نخلطهم مع اراده تعطينا ( لا يأس مع الحياه ):shiny01:
كملت الثانوي والحمدلله وكملت الجامعه واصبحت معلمه في قريه مدة تقريبا 5 سنوات الى ان انتهى عقدي رجعت لاهلي لكن الله كريم
واحمد ربي ع العافيه لانو انا دحين امشي واروح والعب زي ما ابغى ما ناقصني شيء غير اني ما اقدر اجري زي اول وان شاء الله يجي يوم اللي اشوف نفسي اسابق الريح ..:blush:
هذه قصتي مع اعاقتي والله لم تكن اعاقه بل افاقه اكتشفت انو عندي طموح وشجاعه وقوه وتحمل ..
ان شاء الله استمتعتوا فيها
ههههههههه اللي يبغى قصص ومغامرت يجي عندي
ويبشر باللي يرضيه
استودعكم الله الذي لا تضيع ودائعه​

 

[الرهيبه]

همس وقصة كفاح ..

همس الحياة ماشاء الله لاقوة الا بالله فعلا اراده قويه ومثل يحتذى به

انتي انسانه قويه واراده فذه

الله يقويك ويعطيك كل ماتمنيتي

ياليت كل انسان عنده قوة الاراده عشان يقدر ياقلم نفسه مع الظروف

لااعرف ماذا اقول لكي غير ربي يوفقك ويسعدك

مع خالص شكري وتقديري

 

[همس الحياه]

رد: التعريف بالقسم ..."’’

رد: التعريف بالقسم ..."’’

[align=center]
وااااااااو الله يسعدك يارب
عندي حق يوم اقول رهيبه حتى في ردك
شكرا عزيزتي وربي يقويك انتِ كمان
ويحقق لك كل ما تتمني ،،[/align]

 

[عزوووووز]

رد: همس وقصة كفاح ..

ماشاء الله تبارك الرحمن

اسجل اعجابي بقصتك اختي العزيره لما فيها من قوه وشجاعه واسرار وتحدي
وانا انسان افرح عندما ارى هذه القصص الرائعه من الاخوان والاخوات المعاقين المتحدين للاعاقة


اسأل الله العلي القدير ان يشفيك ويحقق احلامك وامانيك
اتمنى لك دوام التوفيق والنجاح في حياتك



تقديري واحترامي لك

 

[صمتي غير]

رد: همس وقصة كفاح ..

سبحاان الله اشووف نفسي بقصتك لكن فيه اختلاف بسيط
يمكن انا اللى صار لى انه الاعاقه سببت عرج بسيط بس الحمدلله اعتمد على نفسي من بعد الله

همس اهنيئك على المقااومه والاراده يارب على طوول فعلا لو ابععدنا عن تفكييرنا انه مافي شي صعب ومانقدر نتجاوزه عشان صرنا معاقين
راح نتعب وماوصلنا

وكيف يكون للمستحيل معنى ولنا رب يقول كن فيكوون

 

[همس الحياه]

رد: همس وقصة كفاح ..

ماشاء الله تبارك الرحمن

اسجل اعجابي بقصتك اختي العزيره لما فيها من قوه وشجاعه واسرار وتحدي
وانا انسان افرح عندما ارى هذه القصص الرائعه من الاخوان والاخوات المعاقين المتحدين للاعاقة


اسأل الله العلي القدير ان يشفيك ويحقق احلامك وامانيك
اتمنى لك دوام التوفيق والنجاح في حياتك



تقديري واحترامي لك

اخي عزوز اشكر مرورك الطيب
والله من بعد ما قرأت لك مذكرات معاق كان نفسي
اعمل مثلك بس خفت تقول أقلدك ههههه
لكن انا والله جنبك ولا شيء ماشاء الله عليك
الله يقويك ويعطيك الصحه
دمت في حفظ الكريم​

 

[همس الحياه]

رد: همس وقصة كفاح ..

سبحاان الله اشووف نفسي بقصتك لكن فيه اختلاف بسيط
يمكن انا اللى صار لى انه الاعاقه سببت عرج بسيط بس الحمدلله اعتمد على نفسي من بعد الله

همس اهنيئك على المقااومه والاراده يارب على طوول فعلا لو ابععدنا عن تفكييرنا انه مافي شي صعب ومانقدر نتجاوزه عشان صرنا معاقين
راح نتعب وماوصلنا

وكيف يكون للمستحيل معنى ولنا رب يقول كن فيكوون

اختي صمتي غير
اسعدتني بردك وبالفعل الانسان لازم في الاول والاخير
يعتمد ع ربه لانه الله هو النافع والضار بس نحنا نستعجل
ونريد حياتنا كلها ورديه !!:w00t:
والله يريد لنا الخير ..
دمتِ عزيزتي كما تحبي .. استودعك الله​

 

[همس الحياه]

رد: همس وقصة كفاح ..

[align=center]


الى كل من مر من هُنـا ..
إلى كل بني آدم .. وبنت حواء
خذوا حبة فقط !!
هاااااااااااه ولا تتهاوشون :icon_eh2: حذرتكم !!
وبالعاااافيه عليكم :41: هههههههه[/align]

 

[الرهيبه]

رد: همس وقصة كفاح ..

وانت يابنت ادم وحواء يالبخيله ماكله الكرتون كله وجايبه لنا كم حبه بالكرتون

وتقولين لاتتهاوشوا وش ذا ماهقيته منك البخل خابره اهلك كرام انتي من عليه طلعتي بخيله ههههههههههههههههههههه

اقول لايكثر جيبي لنا كرتون كامل ووزعيه لاتصير علوووووم هالحين ههههههههههههههههههههه وحنا مانتهاوش يالبخيله


ربي يسعدك ويوفقك اسعتينا ياكل الغلى بسوالفك وهرجك اللي يونس دمتي كما تمنيتي

تقبلي شكري وتقديري

 

[همس الحياه]

رد: همس وقصة كفاح ..

[align=center]
الرهيبه رهيبه !!
سبق وقلت لك حتى في ردكِ رهيبه ..
بسم الله ما شاء الله
يا قلبو يفداك الكرتون واللي في الكرتون
دام قلتي كذا اجيب المصنع اللي صانعوا واقدمه لك ..
بس هااااااه لا تقولي عني بخ بخ مره ثانيه ههههههههههه
الله يسلم قلبك دمتِ بود ،،
اسعدني مرورك وتعليقك [/align]

 

[صبريه]

رد: همس وقصة كفاح ..

لله يشفيك وعافيك ويارب يسر عند آمى امل وصبر يارب ياذا الجلال ولاكرم تشفي امى و تعافيه

 

[همس الحياه]

رد: همس وقصة كفاح ..

لله يشفيك وعافيك ويارب يسر عند آمى امل وصبر يارب ياذا الجلال ولاكرم تشفي امى و تعافيه

مشكوره اختي ع المرور والدعوات الطيبه
الله يشفي امك ويقومها لكم بالعافيه ..

​

 

[أماني القرني]

رد: همس وقصة كفاح ..

[align=center]
ماشاء الله ياهمس كل اللي مريتي فيه وباقي متفائلة وماشاء الله متعلمه وجامعية لا لا جد انبسطت لما قريت قصتك الله يوفقك ويساعدك ويعوضك خير أسجل اعجابي بك
[/align]

 

[أماني القرني]

رد: همس وقصة كفاح ..

هههه حمستوني انتو وذا القسم ودي اكتب بس وش اكتب :001_tongue:

 

[احمد زايد]

رد: همس وقصة كفاح ..

ماشاء الله لا حول ولا قوة الا بالله
بارك الله فيك وفي قوتك وعزيمتك اختي الكريمه
فعلا انت مثال للتحدي
ونحن دائما نكرر لا اعاقه مع الاراده والاعاقه اعاقة العقل لا اعاقة الجسم
كرري من قول الحمد لله الذي فضلني على كثير من خلقه
وايضا اللهم اجرني في مصيبتي واخلفني خيرا منها

 

[همس الحياه]

رد: همس وقصة كفاح ..

السلام عليكم ورحمة الله وبركاته ،،
أسعد الله جميع أوقاتكم بالخير والمسرات ، عذرًا أحبتي فانتم متنفسي الوحيد بعد الله ..
حاولت أن أكتم وأوهم نفسي بأني إنسانه تستحق التميز والتقدير لكن لم أستطع!!
أعرف أن الملل سيصبكم والهم والغم لكن اسأل الله العظيم رب العرش الكريم أن يحّرم الجنه
ع من حرمني وكان سبب في قطع رزقي!!!
صحيح المرض ابتلاء من الله وقد تغلبت عليه والحمد لله .. ولكن هناك شيء لم استطع التغلب
عليه لانه ليس في يدي ولا املكه ..!!
هل عرفتموه انه الظلم .. نعم الظلم
ومثل ما قلت لكم مشكلتي ومرضي استطعت بقوه واراده من رب العباد ان اتغلب عليها ولله
الحمد ، ولكن ما الظلم الذي واجهني ؟
اليكم بقية قصة الكفاح التي لم يحالفها النجاح ..
معاناتي في القطاع الخاص ..
طبعا اول ما تخرجت بدأت ابحث في المدراس الأهليه عشان الخبره ، ومقدمه ع الديوان ، وبالفعل اتصلت
عليا مدرسه تريدني ان ادرس مادة المكتبة والبحث للصف الأول ثانوي ( نفس تخصيصي ) وكانوا اول سنة يفتحوا ثانوي ، وكانت الفصول فصلين فقط يعني جدولي حصتين المهم الحمدلله مشيت امري تماااام وتعرفوا المدارس الاهليه كيف يستغلوا المعلمات آخر استغلال..
المهم الحمدلله عملت الشغل الاداري اللي هو تصنيف وفهرسة الكتب وتسجيل كل ما يرد للمكتبه ، الى ان جاء اليوم الذي تمنيت اني ما اتولدت!!
طبعا المشرفه كانت كبيره في السن وشديده زي ما سمعت فكانوا جميعهن يقلن الله يعينك ع موجهتك صعبه وما يرضيها شيء!!
طبعا الحمدلله واثقه من نفسي شغلي تمام وكامل والحصص تمكنت من الشرح وتبسيط المعلومات للطالبات .
وصادف يوم دخلت عليا الموجهه وانا في المكتبه اكمل شغلي وما عندي حصص .
جابت الاستماره اللي عبيت بياناتي فيها وكانت ناقصه بعض الشيء سلمت عليا وقالت انا المشرفه عليك رحبت فيها ثم جلسنا انا وهي نتحدث وتسألني عن تخرجي ولماذا دخلت التخصص ، ثم اعطتني
الاستماره وقالت بياناتك ناقصه اكمليها..
اخذت الأستماره وفيا توتر مو طبيعي وشد في اعصابي وبدأت اكمل بياناتي ، ومن التوتر وضعت يدي اليمنى ع رجلي وبدأت باليسرى اكمل وسبحان الله في هذه الاثناء نزل عليا خوف وقلق
من الادميه التي أمامي ، ثم لاحظت الشد اللي صار في يدي اليمنى وقالت سلامات اش فيها يدك؟
بصراحه ما حبيت اجاوب لاني اعرف الغطرسه حقت الموجهات فقلت لا ابد ما فيها شيء !!
وطالعت في يدي اليسرى قالت لا يدك اليمين .
قالت الله يسلمك عادي بس جاتني جلطه!!
وياليتني ما قلت لها أخذت القلم من يدي عشان اوقف كتابه وسوت نفسها متعاطفه معايا
وقالت يا بنتي جلطه وانتِ صغيره ، قلت الحمدلله ع كل حال هذا قدري بدأت تسأل كيف ؟ ومتى؟
قلت لها عين والحمدلله انا دحين احسن واكملت دراستي وشوفيني قدامك!!
وبعد كذا تكررت زياراتها لي وفي الزياره القبل الاخيره قالت انا لازم احضر واقيمك قلت
مرحبا بك اي وقت انا مستعده قالت وريني دفتر التحضير .
وريتها وكان كامل التوزيع المنهج والاهداف وفيه كم درس اللي شرحته للطالبات .
فتحت ع صفحة توزيع المنهج وقالت :
انتِ ما تضمني الطالبات حيغيبوا في رمضان وتتأخري في المنهج لكن اجمعي لهم دا الدرس مع دا ..!!
قلت طيب واخدت المرسمه واشرت امامها وكتبت جمع!!
طبعا هو درس واحد لكن موزع على حصتين من الرئاسه ، والمعلمات كانوا لما تغيب الوحده تجمع لنا درسين في درس وما تآخد حصه اضافيه ، وبما اني مو تربوي ما كنت ادري ان الطريقه دي خطأ..!!
المهم جات عشان تقيمني في الدرس اللي قالت اجمعيه ومع انو طويل حاولت اختصر وابسط وبعد الحصه ما انتهت
خرجت ع المكتبه وانا خلفها وبااااين الزعل ع وجها..!!
قالت اش هذا انت شتتي اذهان الطالبات كيف تشرحين درسين في حصة وحده؟!
قلت انتِ يا استاذه .... قلتِ قالت لا انا ما قلت!!!!!!!
والله العظيم كانت حتطلع من فمي كنت حأقول كذااااااابه بس ما ادري كيف ربي سلمني؟
انا لو فقدت اعصابي او انظلمت ممكن اقول اي شيء!!
المهم خلاص غصه في حلقي وما احب احد يبتلي عليا مسكت دفتر التحضير وقلت انتِ قلتِ وانا
كتبت هنا قدامك جمع فاكره؟
قالت انا مالي ومال اللي كتبتيه انا قصدي اعطيهم حصه اضافيه واشرحي لهم الدرس الثاني!!
قلت انتِ ما فهمتيني كدا انت ِ قلت جمع وما وضحتي ، وبعدين المعلمات يلا يحصلون حصص
وتبغيني اخذ حصة اضافيه!!
طبعا نزلت للاداره ومالكت المدرسه وقالت :
المعلمة هذه غير صالحه للتدريس لانها ( معاااااااااقه )
وخلوني طبعا اكرف عندهم ترم كامل وبعدها اعطوني ملفي قلت ليش؟
قالوا الموجهه ما تبغاكِ في المدرسه !!
المهم رحت اشتكيت ع مدير التعليم ولقيتها الله لا يسامحها رافعه خطاب لمدير التعليم الاهلي وكاتبه
اني معاقه!!
طبعا ابويا لما راح يكلم المدير وراه الخطاب وشاف الكلام اللي كاتباه ، طلب ابويا صوره لكن المدير رفض وقال ممنوع!!
ع طول اشتكينها في الجريده وفي ادارة التعليم وفي كل مكان كيف تقول معاقه والمستشفى نفسو ما قالوا؟
تثبت كلامها وتجيب تقرير يثبت صحة كلامها المهم لما عرفت رجعت وسحبت الورقه من المدير والغت كلمة معاقه
وبقي الكلام مثل ما هو ، ولما رجع ابويا للمدير وراها الكلام المكتوب صُدم ابويا وقال فين جملة غير صالحه للتدريس
لانها معاقه قال هذا الكلام مكتوب قدامك ما في اي شيء من اللي بتقولو!!!
خرج ابويا وكلو حقد ع المدير اللي يسمع كلام الحريم وما نصفني ، بعد كدا نادوني القسم النسوي يحققوا معايا
وطلبوا اشيل ملفات الصادر والوارد طبعا كبيره في حجمها شلتها ونقلتها ومشيت قدامهن ، قالوا بسم الله ماشاء الله كيف يا ابله .... تقولي معاقه؟
قالت : انا ما قلت ( طبعا كل الكلام قدامي ) المهم جلست تتكلم وبعدها سألوني وخرجت من عندهم وانا عارفه
انهم اكيد بيجاملوا صديقتهم قلت حسبي الله عليك من موجهه الله ياحذ حقي منك!!
طبعا مو في وجها لاني لا املك الشجاعه بيقولوا قليلة ادب!!
وخرجت ومن يومها انقطعت عن التدريس ودرست دبلوم حاسب الى ان جاء اليوم الذي اصبحت
معلمة حاسب في قطاع حكومي لكن تعاقد ..
اكمل معاناتي ان شاء الله في القطاع الحكومي في وقت لاحق ..
استودعكم الله الذي لا تضيع ودائعه ،،

 

[أماني القرني]

رد: همس وقصة كفاح ..

السلام عليكم ورحمة الله وبركاته ،،

أسعد الله جميع أوقاتكم بالخير والمسرات ، عذرًا أحبتي فانتم متنفسي الوحيد بعد الله ..

حاولت أن أكتم وأوهم نفسي بأني إنسانه تستحق التميز والتقدير لكن لم أستطع!!
أعرف أن الملل سيصبكم والهم والغم لكن اسأل الله العظيم رب العرش الكريم أن يحّرم الجنه
ع من حرمني وكان سبب في قطع رزقي!!!
صحيح المرض ابتلاء من الله وقد تغلبت عليه والحمد لله .. ولكن هناك شيء لم استطع التغلب
عليه لانه ليس في يدي ولا املكه ..!!
هل عرفتموه انه الظلم .. نعم الظلم
ومثل ما قلت لكم مشكلتي ومرضي استطعت بقوه واراده من رب العباد ان اتغلب عليها ولله
الحمد ، ولكن ما الظلم الذي واجهني ؟
اليكم بقية قصة الكفاح التي لم يحالفها النجاح ..
معاناتي في القطاع الخاص ..
طبعا اول ما تخرجت بدأت ابحث في المدراس الأهليه عشان الخبره ، ومقدمه ع الديوان ، وبالفعل اتصلت
عليا مدرسه تريدني ان ادرس مادة المكتبة والبحث للصف الأول ثانوي ( نفس تخصيصي ) وكانوا اول سنة يفتحوا ثانوي ، وكانت الفصول فصلين فقط يعني جدولي حصتين المهم الحمدلله مشيت امري تماااام وتعرفوا المدارس الاهليه كيف يستغلوا المعلمات آخر استغلال..
المهم الحمدلله عملت الشغل الاداري اللي هو تصنيف وفهرسة الكتب وتسجيل كل ما يرد للمكتبه ، الى ان جاء اليوم الذي تمنيت اني ما اتولدت!!
طبعا المشرفه كانت كبيره في السن وشديده زي ما سمعت فكانوا جميعهن يقلن الله يعينك ع موجهتك صعبه وما يرضيها شيء!!
طبعا الحمدلله واثقه من نفسي شغلي تمام وكامل والحصص تمكنت من الشرح وتبسيط المعلومات للطالبات .
وصادف يوم دخلت عليا الموجهه وانا في المكتبه اكمل شغلي وما عندي حصص .
جابت الاستماره اللي عبيت بياناتي فيها وكانت ناقصه بعض الشيء سلمت عليا وقالت انا المشرفه عليك رحبت فيها ثم جلسنا انا وهي نتحدث وتسألني عن تخرجي ولماذا دخلت التخصص ، ثم اعطتني
الاستماره وقالت بياناتك ناقصه اكمليها..
اخذت الأستماره وفيا توتر مو طبيعي وشد في اعصابي وبدأت اكمل بياناتي ، ومن التوتر وضعت يدي اليمنى ع رجلي وبدأت باليسرى اكمل وسبحان الله في هذه الاثناء نزل عليا خوف وقلق
من الادميه التي أمامي ، ثم لاحظت الشد اللي صار في يدي اليمنى وقالت سلامات اش فيها يدك؟
بصراحه ما حبيت اجاوب لاني اعرف الغطرسه حقت الموجهات فقلت لا ابد ما فيها شيء !!
وطالعت في يدي اليسرى قالت لا يدك اليمين .
قالت الله يسلمك عادي بس جاتني جلطه!!
وياليتني ما قلت لها أخذت القلم من يدي عشان اوقف كتابه وسوت نفسها متعاطفه معايا
وقالت يا بنتي جلطه وانتِ صغيره ، قلت الحمدلله ع كل حال هذا قدري بدأت تسأل كيف ؟ ومتى؟
قلت لها عين والحمدلله انا دحين احسن واكملت دراستي وشوفيني قدامك!!
وبعد كذا تكررت زياراتها لي وفي الزياره القبل الاخيره قالت انا لازم احضر واقيمك قلت
مرحبا بك اي وقت انا مستعده قالت وريني دفتر التحضير .
وريتها وكان كامل التوزيع المنهج والاهداف وفيه كم درس اللي شرحته للطالبات .
فتحت ع صفحة توزيع المنهج وقالت :
انتِ ما تضمني الطالبات حيغيبوا في رمضان وتتأخري في المنهج لكن اجمعي لهم دا الدرس مع دا ..!!
قلت طيب واخدت المرسمه واشرت امامها وكتبت جمع!!
طبعا هو درس واحد لكن موزع على حصتين من الرئاسه ، والمعلمات كانوا لما تغيب الوحده تجمع لنا درسين في درس وما تآخد حصه اضافيه ، وبما اني مو تربوي ما كنت ادري ان الطريقه دي خطأ..!!
المهم جات عشان تقيمني في الدرس اللي قالت اجمعيه ومع انو طويل حاولت اختصر وابسط وبعد الحصه ما انتهت
خرجت ع المكتبه وانا خلفها وبااااين الزعل ع وجها..!!
قالت اش هذا انت شتتي اذهان الطالبات كيف تشرحين درسين في حصة وحده؟!
قلت انتِ يا استاذه .... قلتِ قالت لا انا ما قلت!!!!!!!
والله العظيم كانت حتطلع من فمي كنت حأقول كذااااااابه بس ما ادري كيف ربي سلمني؟
انا لو فقدت اعصابي او انظلمت ممكن اقول اي شيء!!
المهم خلاص غصه في حلقي وما احب احد يبتلي عليا مسكت دفتر التحضير وقلت انتِ قلتِ وانا
كتبت هنا قدامك جمع فاكره؟
قالت انا مالي ومال اللي كتبتيه انا قصدي اعطيهم حصه اضافيه واشرحي لهم الدرس الثاني!!
قلت انتِ ما فهمتيني كدا انت ِ قلت جمع وما وضحتي ، وبعدين المعلمات يلا يحصلون حصص
وتبغيني اخذ حصة اضافيه!!
طبعا نزلت للاداره ومالكت المدرسه وقالت :
المعلمة هذه غير صالحه للتدريس لانها ( معاااااااااقه )
وخلوني طبعا اكرف عندهم ترم كامل وبعدها اعطوني ملفي قلت ليش؟
قالوا الموجهه ما تبغاكِ في المدرسه !!
المهم رحت اشتكيت ع مدير التعليم ولقيتها الله لا يسامحها رافعه خطاب لمدير التعليم الاهلي وكاتبه
اني معاقه!!
طبعا ابويا لما راح يكلم المدير وراه الخطاب وشاف الكلام اللي كاتباه ، طلب ابويا صوره لكن المدير رفض وقال ممنوع!!
ع طول اشتكينها في الجريده وفي ادارة التعليم وفي كل مكان كيف تقول معاقه والمستشفى نفسو ما قالوا؟
تثبت كلامها وتجيب تقرير يثبت صحة كلامها المهم لما عرفت رجعت وسحبت الورقه من المدير والغت كلمة معاقه
وبقي الكلام مثل ما هو ، ولما رجع ابويا للمدير وراها الكلام المكتوب صُدم ابويا وقال فين جملة غير صالحه للتدريس
لانها معاقه قال هذا الكلام مكتوب قدامك ما في اي شيء من اللي بتقولو!!!
خرج ابويا وكلو حقد ع المدير اللي يسمع كلام الحريم وما نصفني ، بعد كدا نادوني القسم النسوي يحققوا معايا
وطلبوا اشيل ملفات الصادر والوارد طبعا كبيره في حجمها شلتها ونقلتها ومشيت قدامهن ، قالوا بسم الله ماشاء الله كيف يا ابله .... تقولي معاقه؟
قالت : انا ما قلت ( طبعا كل الكلام قدامي ) المهم جلست تتكلم وبعدها سألوني وخرجت من عندهم وانا عارفه
انهم اكيد بيجاملوا صديقتهم قلت حسبي الله عليك من موجهه الله ياحذ حقي منك!!
طبعا مو في وجها لاني لا املك الشجاعه بيقولوا قليلة ادب!!
وخرجت ومن يومها انقطعت عن التدريس ودرست دبلوم حاسب الى ان جاء اليوم الذي اصبحت
معلمة حاسب في قطاع حكومي لكن تعاقد ..
اكمل معاناتي ان شاء الله في القطاع الحكومي في وقت لاحق ..
استودعكم الله الذي لا تضيع ودائعه ،،​

الله ينتقم منها ويبتليها في أعز من تحب مصدقتك لأني تعرضت أثناء الجامعه لموقف شبيه بموقفك من دكتورة في التربية الخاصة > لاحظي دكتورة بالتربية الخاصة > رح اذكر اسمها في ما بعد ان قدرت اهم شي الحمدالله انك الحين متوظفه عسى الله يوفقك وعسى الله لا يسامح كل ظالم


​

 

[همس الحياه]

رد: همس وقصة كفاح ..

معاناتي في القطاع الحكومي :
كما ذكرت سابقًا بعد المدرسة الأهلية والمشاكل اللي حصلت ليا قررت أن أدرس دبلوم حاسب واشتري جهاز
كي أملأ وقت فراغي .. لم أفكر في النت أو المسن ولا أريد معرفة اي شيء عنه من كثر المشاكل اللي باسمع عنها ..!
كل الذي اردته اتعلم الكتابه عن طريق الوورد كذلك عمل عروض بوربوينت فقط ..!!
المهم درست الدبلوم وكان فقط وورد واكسل واكسس وبوربوينت وتعليم طباعه فقط ..!!
اخذت الشهاده وحمدت ربي لاني تعلمت شيء جديد محد يعرفو ، وفي نفس السنه اللي حصلت ع الشهاده
صادف ان دخلوا منهج الحاسب الآلي للطالبات فكانت اول سنه يطبق ويحتاجوا معلمات بالهبل..!!
اتصلت صاحبتي عليا وقالت بما انك عندك دبلوم حاسب ومعترف فيه ليش ما تجي عندنا في القريه وتقدمي اوراقك عسى الله يفتح عليك!!
سمعت النصيحه وذهبت للقريه وبالفعل تم التعاقد معي معلمة حاسب في ذلك الوقت ..
فوجدت المدرسه مجهزه بالحاسبات وماشاء الله كامله ومكمله ، بعد كذا بدأت مع الطالبات ولكن لحظت خوفهم مع حياؤهم لانهم لا يعرفن حتى مسك الماوس ولا يعرفن تشغيل واطفاء الحاسب!!
لم استغرب الامر لاني انا كنت لا اعرف له ، بعد كذا بدأت اولى الخطوات وحاولت انتزع اخوف منهن واول ما علمتهن كيفية تشغيله وإغلاقه بعد كذا بدأنا في الدروس وطلبت من ادارة المدرسه ان تسمح بفتح جمعية في حصة النشاط للحاسب كي اعزز من ثقة الطالبات بأنفسهن ..
الفكره راقت لمديرة المدرسه وع طول تم افتتاح الجمعيه وكنت المشرفه عليها واخترت الطالبات السيئات في الجمعيه وبدأت ادربهن ..
وكذا امري مشيت تمام وعبيت للمعلمات اسمائهن في برنامج معارف وكذلك الطالبات وبدأ الجد وقت الامتحانات وكل يوم مشرفه ومراجعه ورصد وتصحيح والحمد لله ربي اعانني وانتهت السنه ع خير ..
بعدها طلبوني كي يتعاقدوا معي فرفضت وقلت عقد بتخصصي مكتبه اجي لكن حاسب ما عندي استطاعه ..
فجلست سنه في البيت اقضيها بين دورات متفرقه للغه الانجليزيه ايضا كنت احضر للمعلمات حضور ودي بيني وبينهم لمادة المكتبه .. وكذلك انتهت السنه بسلاااام ..
معاناتي الآخيره ..
نزل تعميم ينص ع القراءه للجميع ولابد من تفعيل دور المكتبة المدرسية وتشجيع الطالبات ع القراءة فرجعت صاحبتي اتصلت عليا وقالت تعالي بسرعه محتاجين تخصصك ، بالفعل سافرت للقريه مره اخرى ولكن لتدريس ماده المكتبه وفي عقدي مكتوب التخصص مكتبه ومواد التدريس مكتبه + عربي !!
فكنت ادرس المكتبه والمطالعه للمرحله الثانويه ..
وبصراحه مو مدح في نفسي انجزت في المكتبه وصنفت وفهرست الكتب وكنت اعمل مسابقات واعلن عنها وبالجوائز وقد استمر تجديد عقدي 4 سنوات متتاليه ..
الحمدلله الطالبات أحببن مادة المكتبه بالاضافه احببن الترد عليها فقد رصدت جائزه لاكثر متردده تقرأ كذلك اكثر مستعيره وكلو اناقشهم وكانت الامور ماشيا تمام ولله الحمد ..
وعند انتهائي من المكتبه وتوضيبها والصاق الملصقات ووضع ارقام التصنيف ع الدولايب ققررت ان اعمل احتفال بسيط بهذه المناسبه ويكون الحاضرات مديرة المدرسه بالاضافه الى مساعدة الثانوي ومعلمة النشاط والمشرفه التعليميه ( وللامانه كانت مررره ذوق ) ومعجبه ومنبهره بالإنجاز الذي عملتو في المكتبه ..
طبعا الحفله كانت يوم النشاط وقت الجمعيه فكانوا الطالبات فقط عندهم فكره اما المديره واللي معاها لم يعرفوا .. وكان لازم ان اعطِ المشرفه خبر قبلها باسبوع اتصلت عليها واخبرتها ( لان المشوار بين المدرس وادارة الاشراف 45 دقيقه ) ترجيتها ان تحضر وتشاركنا الفرحه ووعدتني بانها ستحاول حتى لو تنزل مخصوص تحضر الاحتفال وتذهب ..
وبالفعل نزلت مع سواقها الخاص وجلسنا ساعتين والكل الحمدلله مدح ما قمت به ، فقد عملت عرض بوربوينت لمكتبة المدرسة بعد التجديد واصور بالجوال وعملتها عرض وحركات ودخلت عليها اناشيد من قناة المجد ( انشودة المكتبه - مدرستي - قلمي ممحاتي والدفتر ) عن جد كان العرض رااااائع بحسب قول المشرفه ومديرة المدرسة والحاضرات ..
طلبتني المشرفه نسخه من العرض لها ونسخه لمدير التعليم ..
وبالفعل ارسلت المطلوب الى ادارة التعليم بكذا احسست انو ما احد انجز مثل ما انجزت
وهذا رأي المشرفه والمديره وكل من شاهد العرض ..
مرحلة التحول في حياتي والسقوط في الهاويه :
بعد ما اثبت وجودي في المدرسه وبالفعل كنت اتوقع تثبيتي لما قمت به من جهود جباره .. في السنه اللي بعدها تعاقدوا معي ع بند الساعات طبعا الراتب كان اكثر من البند الاول ( بند محو الاميه )
ولكن كُتب في عقدي اني معلمة لغه عربيه ولم يذكروا المكتبه وعندما اعترضت اجابوني لانو مافي شيء اسمو مكتبه فحتدرسي المكتبه بالاضافه الى مادة النصوص للصف الاول المتوسط..!!
ذُهلت من غبائهم وقلت ان تخصص مكتبه وليس عربي قالوا مشي الى ما تجي معلمة!!
بدأت وشلت هم النصوص بصراحه شيء مو تخصصي لايمكن ابدع فيه فكنت اكتفي بالكتاب المدرسي وبعض المراجع التي تساعدني في شرح الماده ، وكنت اذهب لمعلمتهم السابقه لكي تزودني بمعلومات ..
لاني احسست انها امانه ولا بد ان اؤدي المطلوب!!!
الحمد جلست شهرين ونصف وانا ع هذا الحال واموري تمام لكن حصلت مفاجأه :

تأتي الرياح بما لا تشتهي السفن !!

طبعا بما اني معلمه مغتربه واسبوعيا انزل لاهلي ، صحوت يوم الثلاثاء قبل الفجر بنصف ساعه كالعاده رتبت وضعي وافطرت وانتظرت الى ان اذن الفجر اتصلت ع امي اسلم عليها واصحيهم للصلاه وعشان تصحي اخواتي للمدارس ..
تفاجأت انها تقول ابوك جاك وقلت ليش الاتفاق انو يجي اليوم المساء مو الفجر قالت بريح عشان تداومي بكره الاربعاء وتسأذني وتجي عندنا قلت خلاص ان شاء الله ..
صليت الفجر وتوي سلمت الا جاني مغص شدييد مع صداااع فجأه !!
حاولت أقرأ ع نفسي لكن ما خف شيء!!
فقررت اني اغيب عن المدرسه وعمري ما غبت وجلست في القريه غيابي اخليه غند اهلي استخسر اضيع يوم غياب بدون ما انزل لاهلي فقلت خلاص اتوكل على الله وانام حق ساعه ولو شفت نفسي احسن ادبر سياره واروح ع المدرسه ..
سبحان الله نزل عليا نوم مو طبيعي صحيت ع الجوال وحده من المعلمات تقول اشفيك سلامات قلت والله صداع ومغص مو عارفه كيف؟
قالت طيب اسمعي في احد يوديك ادارة التعليم الآن بسرعه قلت ايوا ابويا ان شاء الله جاي
قالت انتبهي في حركة الغاء عقود بسرعه روحي غيري مسمى تخصصك من عربي الى مكتبه قلت ان شاء الله ..
اتصلت ع ابويا وسألتو فينك قال 10 دقايق باذن الله وانا عندك لكن نزلي ليا مفتاح البيت نسيت مفتاحي!!
قلت انا مارحت اليوم تعبانه تعال البيت ع طول وبسرعه غيرت واول ما وصل قلت له ع السالفه قال يلا اوديك ع ادارة التعليم عشان تغيري المسمى!!
وصلت للاداره وقلت لهم قالوا ما يتغير واحنا ارسلنا للمدرسه اللي انتِ فيها انو خلاص اليوم لك آخر يوم بالمدرسه!!
واااااااااااو ماشفتوا المناحه اللي عملتها عند ابويا في السياره والله بكاء زي الاطفاااال وافتكر جهودي اللي ضاعت وما اكرموني بالتثبيت بل بالعكس طرده قمه في الروعه!!
طبعا كلمت في المساء المديره وقالت والله ما كانا بنقول لك نبغاك تسمي الخبر منهم صعبه علينا وقلت طيب ابغى اروح ألملم أغراضي ووسائلي التعليميه قالت عابال ما توصلي حيكون البواب سبقك وفتح المدرسه وفعلا رحت وكان ابويا جايب شغالة اهلي معاه ولمت معايا كل شيء وصعب عليا اني اقابل المعلمات واودعهم وجينا ع جده فجر الاربعاء وصلت عند امي والناس في الصلاه ووجهي مفقع من كثر البكاء ..
المهم اتصلت ع جوال مدير التعليم وسألتو واكلموا بكل احترام ولما شفت كلامه في نوع من البرود واللامبالاه قلت انا لو اعرف اني حادرس شهرين وبعدها تطردوني والله ما فكرت اجي..
اصلا لو عندي شغاله واباطردها ما طردتها بذا الاسلوب الوقح لكن ما اقول الا حسبي الله عليكم ياللي في ادارة تعليم ..... خاف قال مو احنا الرياض قلت انتو ولا الرياض حسبي الله ونعم الوكيل ،،
وقفلت الخط ..
وبالفعل توي عرفت انو من الرياض منزلين تعميم له 10 سنوات انو مالو داعي لمعلمة مكتبة بإمكان معلمة اللغة العربية تسد الفراااااااغ !!
حسبي الله عليهم اللي وضعوا هذا التعميم واللي وقعوا بالموافقه كأن رواتبنا من جيوبهم ، اللهم اسمعني فيهم ما يكرهون واقطع ارزاقهم وذكرهم من الارض ولو ماتوا اللهم احرمهم جنتك
لا تقولوا حرام عليك .. بصراحه احس انو محد انظلم مثل ما انظلمت !!
ارسلت العديد من البرقيات لوزير التربيه والتعليم وفاكس لنوره الفايز وفاكس للاماره وبرقيه للملك ولكن دون فائده اللي من تحت هم الظلمه
كتبت معاناتي في الجرائد كلمت محامي كلو دون فائده والحمدلله ..
اخيرًا ..
احمد ربي انو جاء خبر الغاء عقدي وانا في البيت لو جاء وانا في المدرسه ممكن اقل شيء تجيني جلطه ثانيه من اثر الصدمه هذا لو ما جاتني سكته ..
الشيء الثاني والله حاولت ادرج عرض البور لكن يقول ما يتحمل فالملف كبير جدا ..

اللهم انصرني ع كل من ظلمني وهضم حقوقي
هذه كانت نهاية همس الحياه
والسلام عليكم ورحمة الله وبركاته

 

[بيشوو]

رد: همس وقصة كفاح ..

عزيزتي همس تستحقين التصفيييق
و كل الاحترام والاعجاب
تستحقين الشكر ع ماكتبتي هنا~
متصفح مليئ بالقوه استمري بكفاحك وقوه ارادتك
ابقى شامخه
قويه
متحديه

مالحقت اقراءه كله بس لي عوده
بنسه للملف المتنتديات بشكل عام ماتقبل ترفع يلي حجمها كبير
بمكانك تحميله باي مركز تحميل ووضعه هنا عندك فور شيرد
حملي فيه وحطيه هون

موفقه للخير​

 

[همس الحياه]

رد: همس وقصة كفاح ..

[align=center]
ماشاء الله ياهمس كل اللي مريتي فيه وباقي متفائلة وماشاء الله متعلمه وجامعية لا لا جد انبسطت لما قريت قصتك الله يوفقك ويساعدك ويعوضك خير أسجل اعجابي بك
[/align]

الله يسلمك عزيزتي بس بأقولك حاجه انتِ ما قرأتِ بقية القصه
لو اكملتيها ستجدين سؤال يطرح نفسه :
ما فائدة الشهاده بدون وظيفه؟
تسلمي يا قلبي سجلي اعجابك في تغلبي ع المرض لكن غيرو لا
فقد حطموا كل امآلي واحلامي الله لا يوفقهم ،،
​