حساب ابني البنكي

[ام سا]

ياجماعه تكفووون الي عنده خبره يفيدني انا ولدي توحدي عمره 11سنه ولمن طلبو مننا تحديث ابوه طلع حساب باسم الولد وانا مطلقه وكانت الصرافه عندي وولدي عندي انا مسؤوله عنه وعندي صك حضانه قبل شهرين ابوه سحب الصرافه ومااقدر اطلع حساب ثاني له لان ابوه الولي عليه مو انا والراتب ينزل على ابوه اذا فيه حل ينزل الراتب على حسابي لان البنوك كلها رفضت تطلع حساب بااسمه وهو قاصر من دون مايكون ابوه موجود

 

[ضوء القمر]

رد: حساب ابني البنكي

هذا الشي خاص بينكم تفاهموا واذا مافي فايدة أشتكي عليه

أحسن حل تخلين أحد يكلمه مثلا امه او ابوه او احد يسمع له ويتوسط له

في النظام الأب هو المسؤول عنه الا اذا جبتي مايثبت عكس ذلك

التفاهم زين والله يعينك

 

[رائد العسيري]

رد: حساب ابني البنكي

اسأل الله ان يعينك يا اختي ومثل ما قالك اخوي ضو القمر خلي احد يكلمه او يصلح بينكم ومثل ما قال رسول رب العالمين ( والصلح خير ) لانه ياخذ الاعانه بغير وجه حق والولد عندك مش عنده واذا ما لقيتي حل روحي عند محامي واساليه عن موضوعك وانا متاكد انه بيفيدك وترفعين قضيه بالمحكمة ومعك صك الحضانه وتطالبينه بكل المبالغ اللي اخذها بغير وجه حق وبخصوص القضية انصحك لا احد يدري انك بترفعين قضية وخصوصا طليقك واهل طليقك ( واستعينوا على قضاء حوائجكم بالكتمان )

 

[ام سا]

رد: حساب ابني البنكي

والله انا حاولت في اهله يكلمونه وهو رافض مرره وللاسف البنوك كلها ماهي راضيه تتعاون معي نفتح حساب جديد بااسم الطفل

 

[ضوء القمر]

رد: حساب ابني البنكي

والله انا حاولت في اهله يكلمونه وهو رافض مرره وللاسف البنوك كلها ماهي راضيه تتعاون معي نفتح حساب جديد بااسم الطفل

نظاما مايفتحون له حساب دام هو ولي أمره

اذا كان ولابد آخر العلاج الكي...

دام أنه رافض كلش الله يعينك تشتكين عليه وعندك مايثبت انك وصية عليه وساكن معاك وأنتي المسؤولة عنه توكلي على الله وفالك التوفيق

ناس زايغه ماتخاف من الله يعني شتستفيد اذا سببت مشاكل بينكم خلها تروح في طريقها وليه تحرق قلب أم على شي مايستاهل ولو فيك خير كان تعطيهم بلا كلام ومنة

 

[ام سا]

رد: حساب ابني البنكي

انا معي صك حضانه يثبت انه عندي وانا مسؤوله عنه والله باالقوه طلعته مااقدر اروح محاكم اشتكي عليه انا رحت التاهيل وقالو بنحاول ننزلها على حسابك ولسى والله ماصار شيء الله يسهل مشكورين على الرد الله يعطيكم العافيه

 

[رائد العسيري]

رد: حساب ابني البنكي

روحي المحكمة مثل ما قلت لك سابقا باذن لله تطلعين بنتيجة

 

[ضوء القمر]

رد: حساب ابني البنكي

مالك الا الإمارة وحدة بوحدة توكلي على الله وأشتكي عليه عند الإمارة

 

[ام سا]

رد: حساب ابني البنكي

الاماره وش بيسوون معقوله بيحلون موضوعي بعدين هو مو في نفس المنطقه الي انا فيها

 

[ضوء القمر]

رد: حساب ابني البنكي

الاماره وش بيسوون معقوله بيحلون موضوعي بعدين هو مو في نفس المنطقه الي انا فيها

حتى لو مو نفس المنطقة عادي

شوفي اذا مثلا رحتي المحكمة بتطول القضية وفيها مماطلة بس عن طريق الإمارة وحولت معاملتك مثلا للمحكمة او لاي جهة حكومية يختلف الوضع لأن الإمارة لها سلطة على كل دايرة حكومية واسمها تكفي لكل جهة

أي قضية جاية من الإمارة يهتمون فيها اكثر من أي جهة ثانية لأنها تتابع الموضوع أول بأول

وبالتوفيق

 

[الصافي]

رد: حساب ابني البنكي

اذا لم تحل المسألة وديا عن طريق الوسطاء فالافضل ان تتجهي للمحامين هم أعلم بالنظام

 

[بروكن]

رد: حساب ابني البنكي

اختي انتي السبب ليش اعطيتيه البطاقه


أرسلت بواسطة iPhone بإستخدام السعودية لذوي الاعاقة

 

[بروكن]

رد: حساب ابني البنكي

كيف تنزل الاعانة علي ابوة مستحيل هالكلام


أرسلت بواسطة iPhone بإستخدام السعودية لذوي الاعاقة

 

[بروكن]

رد: حساب ابني البنكي

اذا تقصدين انه يسحب الاعانة ببطاقة الولد في هالحاله راجعي مكتب التاهيل يوقفو صرف الاعانة و راح يوجهونك


أرسلت بواسطة iPhone بإستخدام السعودية لذوي الاعاقة