حسبي الله ونعم الوكيل هام لمرضى السرطان

[رضى الله]

السلام عليكم ورحمة الله وركاته
أنا قبل ٥ سنوات قدمت على التأهيل وكنت وقتها تحت العلاج الكيماوي وقبلوني
حالياً حالتي شبه مستقره ووقفت الكيماوي بس الدكتور قال لي نوع مرضك يستقر لسنوات بعدين يتطور بسرعه كبيرة يعني لازم تراجعينا بشكل دوري نسوي فحصوات ووخزات وأنا مستمره على المراجعة كل ست شهور أروح الرياض وتعرفون تكاليف السفر والمشاوير والتعب،، الحين مع التحديث الجديد طالبين لازم مرضى السرطان يكونون تحت العلاج الكيماوي والأشعاعي او منتشر مرحلة نهائية يعني لازم الواحد يجيهم شبه ميت عشان يصرفون له
انا والله معتمده عليها في أشياء كثير وزوجي راتبه لايتجاوز ٣ الاف والله أني في هم
اعطوني حلول ولحمدالله على كل حال

 

[حنين الود]

رد: حسبي الله ونعم الوكيل هام لمرضى السرطان

اللهم اشفها وعافها وتجاوز عنها ..
اختي مالك الا تاخذين تقريرك القديم وتروحين للدكتور وقولي طالبين علي تجديد هالورقه بتاريخ جديد
وشوفي يمكن يجددها ويفك الله عوقك


iPad السعودية لذوي الاعاقة

 

[رضى الله]

رد: حسبي الله ونعم الوكيل هام لمرضى السرطان

حنين الود الله يجبر بخاطرك على هالدعوة المستشفى عطوني التقرير بتاريخ جديد تمت طباعته بتاريخ جديد لكن مكتوب في كشف المرض في ظ¢ظ*ظ،ظ¢

 

[حنين الود]

رد: حسبي الله ونعم الوكيل هام لمرضى السرطان

حسبي الله عليهم
بالله اذا شارف المريض على النهايه من مرضه فاضي يحتاج اعانه او مساعده ؟!
المرض شين فماهو محتاج الا لرحمة ربي


iPad السعودية لذوي الاعاقة

 

[هدى المطيري]

رد: حسبي الله ونعم الوكيل هام لمرضى السرطان

السلام عليكم ورحمة الله وبركاته

اختي

من رأيي تاخذين تقريرك القديم و تودينه لنفس الدكتور اللي يسويلك

الفحوصات كل ستة اشهر و اشرحيله و ظروفك المادية و ان حتى مشاويرك

للمستشفى تكلف عليك و اطلبي منه يجدد التقرير نفس القديم

و ان شاء الله ربي يحنن قلب الدكتور على حالتك و يتعاطف معك

و يضع في قلبه الرحمه و يساعدك