حسبي الله ونعم الوكيل رفضوا تقريري والحل يعني

[رضى الله]

السلام عليكم افيدوني جزاكم الله خير

انا اتعالج في التخصصي في الرياض ومستشفى خاص في الدمام ومعتمد من المستشفيات المعتمده في موقع الوزارة كل ذول المستشفيات يعرفون بحالتي وعندي فيهم ملف

المهم كلمت التخصصي بالرياض قلت لهم ابي صوره من التقرير قالوا ارسلي لي لنا خطاب التأهيل على الفاكس وبعدها نرسل لك التقرير لكن راح يطول وغير كذا الدكتور المشرف على حالتي مسافر وبعد ٣ شهور بيرجع ماراح يقدر يوقع عليه غيره ،ع المهم كلمت التأهيل قلت عادي مستشفى خاص ؟ قالوا اي عادي أهم شي يكون اسمه مدرج في قائمة المستشفيات المعتمدة بعدها طبعت الخطاب ورحت المستشفى الخاص الي اراجع فيه وماشاء الله في يوم طلعوا لي تقريري والتشخيص سرطان بالجلد وتحت العلاج مثل ماطلبوا في الخطاب اليوم ارسلوا لي إعادة رفع تقرير جديد مطابق للشروط

دخلت الموقع كاتبين لي
١ـ يجب تحديد مكان وشدة ودرجة الإعاقة
٢ـ التقرير غير معتمد وغير مصدق

مكان المرض سرطان بالجلد يعني وين بيكون ياجماعة ؟؟
التقرير موقع من الدكتور المعالج ومختوم بختم الدكتور ومختوم بختم المستشفى والمستشفى مدرج من المستشفيات المعتمدة

والله تعبت فوق تعبي حسبي الله عليهم اشقونا وخلونا نعيش بقلق

 

[ضوء القمر]

رد: حسبي الله ونعم الوكيل رفضوا تقريري والحل يعني

الله يعينك ويسهل دربك

الله يعينك تاخذ التقرير اللي معك وتوديه مستشفى اللي في منطقتك تبع الحكومة وخلي دكتور الجلدية اللي في مستشفى الحكومة وفهميه بالمشكلة وان شاء الله تتيسر أمورك طبعاً اذا قدرت تروح العيادات وتكلم الدكتور بدون موعد وراح يتفهم الوضع ان شاء الله وطمنا شصار عليك

بالتوفيق

 

[معاند الضيم]

رد: حسبي الله ونعم الوكيل رفضوا تقريري والحل يعني

وعليكم السلام ورحمة الله وبركاته

الامر هين ان شاء الله
ارجع للمستشفى واطلب من الدكتور انه يفصل بالحاله حسب طلبهم
مثلاً هل السرطان منتشر في كافة الجلد ام متركز في منطقة معينة

وهل هو في حالة شديدة ام متوسطة ومامدى درجة قوته

علمه بطلباتهم وهو يعرف شغله

ربي ييسر امرك

 

[فارس العتيبي]

رد: حسبي الله ونعم الوكيل رفضوا تقريري والحل يعني

الله أكبر عليهم باقي يطلبون كم باقي من حياتك وتموت
خلاص
سرطان تحت الجلد وش باقي مطلوب؟؟

 

[حموده]

رد: حسبي الله ونعم الوكيل رفضوا تقريري والحل يعني

طيب التصديق بسيط روح لشؤون الصحية القريب منك واطلب تصديق علي ختم المستشفي الخاص وانتهاء لا تشيل هم


iPhone السعودية لذوي الاعاقة

 

[وحيده بالدنيا]

رد: حسبي الله ونعم الوكيل رفضوا تقريري والحل يعني

الله يوفقك اختي وييسر امرك ....ت

 

[رضى الله]

رد: حسبي الله ونعم الوكيل رفضوا تقريري والحل يعني

بخصوص التصديق الدكتور خاتم مرتين على التقرير بختمه وتوقعت واحد منهم حق المستشفى طلع ناقص ختم المستشفى
وسويت موعد الاسبوع الجاي عشان باقي الشروط
لكن عندي كيف ارفق التقرير لنو طالع عندي طلب تحت الإجراء
والمشكلة الثانية اعانتي هالشهر مانزلت وهي مستمره ولا عندي دخل غير الإعانة كلمتهم قالوا تعالي وحدة الاعانات بمنطقته ابي أفهم ذول مايرحمون ؟؟ المواصلات مكلفة وتعب على صحتي حسبي الله بس

وأشكركم كل الشكر الي ردوا والله ساعدتوني كنت خلاص ماراح اكمل الاجراءات وأشكيهم لله

 

[ويبقى الامل]

رد: حسبي الله ونعم الوكيل رفضوا تقريري والحل يعني

طولي بالك وان شاء الله امورك طيبة لزم تضعي المطلوب منك بالضبط وترفعيها على الموقع والافضل تراجعي التاهيل ان شاء الله يساعدونك في ايضاح المطلوب في تقريرك اكثر وبالتوفيق