حسبي الله ونعم الوكيل

[أم مشآري]

السلام علييكم ورحمة الله وبركاته
والله يأخواني اني اكتب وانا مقهوره مادري وش اسوي .. كل يوم حسد يحسودن المريض على اعانه يستلمها هاذي مصيبه ..!
انا عندي ولد مقدمه له في التأهيل الشامل وانصرفت له البطاقه قبل سنتين وكل يوم يطلعون لي بشي جديد اما تحديث اما يتلككون لهالولد .. انا ولدي يستلم 10 الاف ريال كل سنه يعني 833 ريال كل شهر عمره سبع سنوات وقدمت على طلب زياده للأعانه .. هو يشكي من لانفديما بالرجل اليمين وعنده صعوبه بالمشي من ثقلها وفشل بالكليه اليمين وتوحد وتخلف عقلي واضطربات قولون وضغط بالدم حتى كلام مايتكلم زين ولا ينفهم كلامه ابد..اسأل الله ان يشفيه ويشفي مرضى المسلمين.. يوم قدمت على طلب الزياده كان قبل 5 شهور قالو لي ان الطلب انقبل وراح تجيك الزياده بشهر واحد من السنه الجديده.. قلت مافي مشكله .. جات اعانة شهر واحد بدون زياده .. ولا سحبتها كنت ناويه اسحبها على شوي شوي .. وانصدمت امس يوم اني رحت اسحبها انهم لغو البطاقه نهائيااا .. طيب ليش؟ يوم كلمتهم قالو مايستااهل الزياده الا يستاهل نزوولها .. يآربي كنهم يدفعون شي من جيبهم انا مادري ... يآعالم انا طفح فيني الكيل من هالوزاره كل يوم يطلعون لي بشي جديد مادري مستغلين ضعفي مادري في احد جالس لي من الموظفين الله العالم الحين قالو يشووفه دكتور نفسيه بمستشفى النفسيه .. قلت مافي مشكله بكره وانا عندكم سألته عن الامراض اللي بجسمه قالو ماتنحسب لازم يكون معاه شي نفسي ..!! هل هالكلام يعقققل .. انا ماقول الا حسبي الله ونعم الوكيل على من طمع بحق مريض او جلس لمريض بكل شي .. الله يغنينا بحلاله عن حرامه الله لا يحوجنا لهم والله ينتقم منهم يآرب ياكريم قطعو رزق الولد
ابي احد يفيدني وش اسوي بجلس كل شوي على هالحال ,,!؟​

 

[قاهر اليأس]

رد: حسبي الله ونعم الوكيل

اختى ام مشارى ثانى مره لا اتخلين مبلغ بالبطاقه الا وانتى ساحبته ترى اول ماتنتهى البطاقه الرصيد يتجمد ولا تقدرين تسحبين فلوسك الا اذا راجعتيهم
ثانى شى والله يا اختى ما اقدر افيدك بشي الا سالفة المراجعات والبهدله انا واحد من الناس اجى للتاهيل الشامل مشوار 300 كيلو رايح جاى رايح جاى غيري احسن من عندى ومع هذه متصبر واقول الله كريم وش تبغينه نسوى
الوكاد ان شاء الله يجى واحد من اخوانى بالمنتدى ويفيدك بلى قلتيه.. الله يوفقك ويستر عليك ويشافى ولدك وكل مؤمن

 

[عسليه]

رد: حسبي الله ونعم الوكيل

كيف الغوا غريبه

طيب كلمي النشون شوفي ليش الغوا اللي تابع الي رجال

 

[أم مشآري]

رد: حسبي الله ونعم الوكيل

لغووها ليش وعشاان ايش مادري يقولون مايستاهل الـ10 الاف انا حتى عربيه قدمت له علييها وله الحين 4 سنوات ماجاه شي .. بس يوم استفسرت بالموقع اللي حطته اختي ثقتي بالله مكتوب ان الاعانه زادت وانا ماشوف زياده ولا اشوف البطاقه تشتغل يعني وشو سررقه ؟
ومن ناحية الاعانه اخوي قاهر اليأس من لقاافتي خليتها لاني كل شهر اصرف منها على شوي شوي على الولد مادريت انهم بيلغونها
عموما يعطيكم الف عافيه على مروركم وان شاء الله يجي احد يفيدنا
الله يصبرنا

 

[أم مشآري]

رد: حسبي الله ونعم الوكيل

رفععع ليت الاخ جبل يدخل ويفيدني بموضوعي

 

[بنت مكة]

رد: حسبي الله ونعم الوكيل

ياأختي الله يعينك ياليت أقدر أساعدك لكن أنا بدعي لك أن الله ​

يفرج كربتك ولايحوجنا الا لوجه الكريم خليك على روسهم ​

وراجعيهم وربنا يعينك ويرزقك من حيث لاتحتسبين ​

ويشفي ولدك ويجعله سبب لدخولك أعالي الجنان ​

أنا برسل رساله للأخ جبل على الخاص لمساعدتك ​

لأنك جديده بالشبكه ماتقدري ترسلي موفقه​

 

[عيسى محمد]

رد: حسبي الله ونعم الوكيل

اتمنى دخول الاستاذ جبل او الاخصائي ناصر وهم يفيدونك ان شاءالله

 

[واثق الخطوة]

رد: حسبي الله ونعم الوكيل

مثل ماقال اخوي عيسى ان شاء الله يدخلون الاخوان ناصر او جبل ويفيدونك
عليك بالدعاء اختى الكريمه
اسأل الله ان يشفي ابنك ويرزقك من واسع فضله
تقبلي احترامي ​

 

[ثقتي بالله]

رد: حسبي الله ونعم الوكيل

أسأل الله العظيم رب العرش العظيم ان يرفع ماأصابك من كرب وهم
وان يشفي ولدك ولا يحوجك الا لوجه الكريم
يارب خابت الظنون إلا منك وخاب الرجاء الابك
سيجعل الله بعد عسريسرا"

 

[المغامر]

رد: حسبي الله ونعم الوكيل

حياك ام مشاري

مبدئياً وعلى حسب وصفك للحاله ابنك يستحق زياده اتصبح الاعانه 14000 ريال
وبما انك تقدمتي بالطلب في شهر 5 من المفترض نزول الزياده الشهر الذي يليه او الي بعده بالكثير

عموما تقدري ترسلي للأخ جبل رساله ع الخاص
وارسال رقم المستفيد وغداً ان شاء الله يأتيك الخبر اليقين

 

[جبل]

رد: حسبي الله ونعم الوكيل

السلام علييكم ورحمة الله وبركاته
والله يأخواني اني اكتب وانا مقهوره مادري وش اسوي .. كل يوم حسد يحسودن المريض على اعانه يستلمها هاذي مصيبه ..!
انا عندي ولد مقدمه له في التأهيل الشامل وانصرفت له البطاقه قبل سنتين وكل يوم يطلعون لي بشي جديد اما تحديث اما يتلككون لهالولد .. انا ولدي يستلم 10 الاف ريال كل سنه يعني 833 ريال كل شهر عمره سبع سنوات وقدمت على طلب زياده للأعانه .. هو يشكي من لانفديما بالرجل اليمين وعنده صعوبه بالمشي من ثقلها وفشل بالكليه اليمين وتوحد وتخلف عقلي واضطربات قولون وضغط بالدم حتى كلام مايتكلم زين ولا ينفهم كلامه ابد..اسأل الله ان يشفيه ويشفي مرضى المسلمين.. يوم قدمت على طلب الزياده كان قبل 5 شهور قالو لي ان الطلب انقبل وراح تجيك الزياده بشهر واحد من السنه الجديده.. قلت مافي مشكله .. جات اعانة شهر واحد بدون زياده .. ولا سحبتها كنت ناويه اسحبها على شوي شوي .. وانصدمت امس يوم اني رحت اسحبها انهم لغو البطاقه نهائيااا .. طيب ليش؟ يوم كلمتهم قالو مايستااهل الزياده الا يستاهل نزوولها .. يآربي كنهم يدفعون شي من جيبهم انا مادري ... يآعالم انا طفح فيني الكيل من هالوزاره كل يوم يطلعون لي بشي جديد مادري مستغلين ضعفي مادري في احد جالس لي من الموظفين الله العالم الحين قالو يشووفه دكتور نفسيه بمستشفى النفسيه .. قلت مافي مشكله بكره وانا عندكم سألته عن الامراض اللي بجسمه قالو ماتنحسب لازم يكون معاه شي نفسي ..!! هل هالكلام يعقققل .. انا ماقول الا حسبي الله ونعم الوكيل على من طمع بحق مريض او جلس لمريض بكل شي .. الله يغنينا بحلاله عن حرامه الله لا يحوجنا لهم والله ينتقم منهم يآرب ياكريم قطعو رزق الولد
ابي احد يفيدني وش اسوي بجلس كل شوي على هالحال ,,!؟​

اهلاً اختي ام مشاري
حتى استطيع ان افيدك ارجو ارسال رقم المستفيد للابن او سجله المدني على الخاص او على الايميل في توقيعي وارد عليك ان شاء الله
بما هو عليه الوضع الحالي للاعانة وما هي الطريقة للتعديل

تحياتي...... جبل​

 

[أم مشآري]

رد: حسبي الله ونعم الوكيل

الف شكر على مروركم وجززاكم الله خييير ... اخوي جبل انا راح ارسل لك رقم المستفيد على الايميل
يعطيكم الف عافييه

 

[الاخصائي ناصر]

رد: حسبي الله ونعم الوكيل

هلا اختي ام مشاري :

دخولي كان متأخر وان شاء الله الاخ جبل مارح يقصر اتمني منك فقط ترسلي رقم المستفيد على ايميلي alleel-@hotmail.cim
وابشرى بالخير اختي

 

[أبو التوائم]

رد: حسبي الله ونعم الوكيل

اسمعي اختي ام مشاري هذي نصيحه تأدبين فيها هالناس خونة الامانه ايا كان السبب لوقف البطاقه اذا مارجعت خلال الشهر هذا لك مع الزياده والا توجهي لديوان المظالم على طول وارفعي قضيه عليهم وعلى تاخير الكرسي وعلى خيانه الامانه وارسلي برقيه شكوووى على الامير سلطان بن عبدالعزيز واشرحي فيها تفاصيل ماحدث ولاااااااا تسكتين ابد لان هذولا اذا شافوا احد ساكت تمادوا عليه وعلى غيره

الله يرفع الباس عن ولدك ويشفيه وحسبي الله على من قطع رزقه

 

[أم مشآري]

رد: حسبي الله ونعم الوكيل

اليوم رحت لمركز التأهيل ووعطوني خطاب موجه لمستشفى النفسيه وربي طيحني ببنت حلال هناك اخصائية نفسيه وشافت الولد وكشفت عليه وسوت له اختبار ذاكآء وطلعت النتيجه ان الولد معاه تخلف عقلي متوسط .. يعني زي كلام الاخصائي بمركز التأهيل بس تدرون وش المشكله انه يوم جت بتسوي التقرير عشان يحولونه عل المركز رفضت دكتوره مصريه وقالت حنا مانكشف على الاطفال عندنا وان الدكتور المخصص للنفسيه تلقاه بمستشفى الاطفال وخاص للأطفال وزي ماربي كتب علي مع مرمطة الموزينات والفلوس اللي تطايرعطوني موعد عشاان اروح للدكتور بمستشفى الاطفال ,, بس تدرون في سؤؤال يدور براسي دام انهم بيمشون على هاذي الطريقه كلما جاهم احد حولوه مستشفى النفسيه ليه يحطون عندهم من البدايه اخصائي او اخصائية نفسيه ؟ يعني ليش مايفكرون بوضع المريض واهله وخاصه اللي ظروفها صعبه ولا عندها احد يوديها ويجيبها .. يآرب ارحمنا برحمتك بس

 

[أم مشآري]

رد: حسبي الله ونعم الوكيل

هلا اختي ام مشاري :

دخولي كان متأخر وان شاء الله الاخ جبل مارح يقصر اتمني منك فقط ترسلي رقم المستفيد على ايميلي alleel-@hotmail.cim
وابشرى بالخير اختي

اخوي نآصر انا راح ارسل لك رقم المستفيد الحين عل الأيميل لأني ارسلته لاخوي جبل ولا جاني رد لين الحين

 

[أم مشآري]

رد: حسبي الله ونعم الوكيل

اسمعي اختي ام مشاري هذي نصيحه تأدبين فيها هالناس خونة الامانه ايا كان السبب لوقف البطاقه اذا مارجعت خلال الشهر هذا لك مع الزياده والا توجهي لديوان المظالم على طول وارفعي قضيه عليهم وعلى تاخير الكرسي وعلى خيانه الامانه وارسلي برقيه شكوووى على الامير سلطان بن عبدالعزيز واشرحي فيها تفاصيل ماحدث ولاااااااا تسكتين ابد لان هذولا اذا شافوا احد ساكت تمادوا عليه وعلى غيره

الله يرفع الباس عن ولدك ويشفيه وحسبي الله على من قطع رزقه

اخوي ابو سجى ومها الله يحفظهم ويخليهم لك يآرب .. انا وانت والكل عارف هم وش يبون بالضبط هم يبون واسطات والا احد يعطيهم على رووسهم ومن ناحية الكرسي خلهم الحين يقتنعون برجووله لأنهم يقولون رجووله مايحتاج لها اعاانه ولا الامراض كلها اللي بجسمه يعني الحين لو بيرجعون يصرفون له بيصرفون بس حق النفسيه اما الجسديه مو محسووبه لاكن على قوولتك مايبيلها الا برقيه لطوويل العمر الامير سلطان ترد لي حقي منهم .. بس انا انتظر هاليومين تقرير هالمصريه واشووف وش براسها بالضبط يعطيك العآفيه على مرورك والله يشفي مرضانا ومرضى المسلمين يآرب

 

[الضحاك]

رد: حسبي الله ونعم الوكيل

[align=center]
اتوقع ان البطاقات اللتي يتوقف رصيدها ان كثيرا منها تصرف لحسابات معينة ( اختلاس ) .... يعني يستمر الصرف لكن ليس للمستفيد ولكن لحرامي كبير ... لاسيما ان كان توقف نزول الحساب لسبب غير معروف او بسبب مشبوه لايرتقي ان يستقل بقطع الاعانة من اجله ..


هم يستغلون جهلنا بالانظمة ... وايضا الانظمة تكاد تكون سرية ومعلومات خطرة ... فلو مثلا كان يعرف المستفيد الاسباب اللتي بسببها تتوقف الاعانة لعرف المستفيد لماذا توقفت الاعانة ان ارتكب ايا من الاسباب .. وفي حالة عدم ارتكابه لاي سبب فانه مباشرة يتوجه لهم ويسأل عن السبب فان لم يعطوه سببا منصوص عليه بالنظام والا فالشكوى والتشهير جاهزان ... هناك من يستغل جهلنا ويأكل اموالنا .. هناك لص .. او لصوص .. ورقابة تتستر عليهم ... وفيك الخصام وانت الخصم والحكم .. ياوزارة الشؤون ..
[/align]

 

[جزر المحيط]

رد: حسبي الله ونعم الوكيل

[align=center]
اتوقع ان البطاقات اللتي يتوقف رصيدها ان كثيرا منها تصرف لحسابات معينة ( اختلاس ) .... يعني يستمر الصرف لكن ليس للمستفيد ولكن لحرامي كبير ... لاسيما ان كان توقف نزول الحساب لسبب غير معروف او بسبب مشبوه لايرتقي ان يستقل بقطع الاعانة من اجله ..


هم يستغلون جهلنا بالانظمة ... وايضا الانظمة تكاد تكون سرية ومعلومات خطرة ... فلو مثلا كان يعرف المستفيد الاسباب اللتي بسببها تتوقف الاعانة لعرف المستفيد لماذا توقفت الاعانة ان ارتكب ايا من الاسباب .. وفي حالة عدم ارتكابه لاي سبب فانه مباشرة يتوجه لهم ويسأل عن السبب فان لم يعطوه سببا منصوص عليه بالنظام والا فالشكوى والتشهير جاهزان ... هناك من يستغل جهلنا ويأكل اموالنا .. هناك لص .. او لصوص .. ورقابة تتستر عليهم ... وفيك الخصام وانت الخصم والحكم .. ياوزارة الشؤون ..
[/align]

الشكوى والتشهير لمن ياشيخ البشر ما تركت برقية ولى جريده .... ماقول الا الشكوى لله

 

[ربي يشفني]

رد: حسبي الله ونعم الوكيل

اول شي ربي يشفى الولد بس انت راجعي اعطهم التقرير الجديد وقدمي من اول وشوفي وش راح يقولون