يايمه

[محمد علي المطرب]

لبيه يمه يابعد كل هالناس *** لبيه يمه جيتك ياكل ناسي
لبيه يا أول من وزنته بالألماس*** يا اغلي غلا وأنتي أغلا قياسي
لبيه من ماطاك لعالي الراس*** لبيه يمه جيت ياتاج راسي
دنياي يمه حزنها صبته كاس*** صبت شقاها يمه وامتلى كاسي
دنياي غابه وكني بصبري الفاس*** اقطع شقاها يمه وانكسر فاسي
دنياي أملها لا وصلته بدا ياس*** روح أملها يمه وابتدأ ياسي
دنياي يمه ضيع طيبها فعل الانجاس*** مجروح منها يمه ووينه اللي يواسي
جيتك قهر وجيتك بقايا إحساس*** جيتك طفل يمه ردي إحساسي
وجيتك أدور قولتك نام لاباس*** ياقو باس الاآآآهـ وياضعف باسي
وجيتك أدور ضمتك فيني نعاس*** خليني اغفا تعبت يمه أقاسي
ضميني يمه واقري سورة الناس*** ودي أتذكر يوم إنا كنت ناسي

 

[الحنان كله]

رد: يايمه

امي يااغلى الناس .يعطيك العافية اخوي محمد مشاركة رائعة

 

[الامل المتجدد]

رد: يايمه

[rams]http://www.6rbtop.com/library/resources/sh-3bdelsalam_bn_swar/Collection/listen/25842_hi.ram[/rams]

 

[بنت قحطان]

رد: يايمه

يعطيك العافية اخووي محمد
والأم تـسـتـأهل ديووان مـو قـصـيدة
يسلم يمينك

 

[دفء الروح]

رد: يايمه

أخي محمد ..
كلام جميل ..رائع ومؤثر
أبدعت
المهم أن تكون أنت اللي كاتبه
ومثل ما قالت أختي بنت قحطان الأم تستاهل ديوان مو قصيدة
سلمت يدك وقلمك
أعجبني البيت الأخير
موفق لكل خير

 

[نور]

رد: يايمه

راااااااااااااااااائعة والله

تسلم على ذوقك وحسن اختيارك

 

[صديقة ذوي الإعاقة]

رد: يايمه

أتى رجل يسأل رسول الله صلى الله عليه وسلم (من أحق الناس بحسن صحابتي؟ قال: أمك، قال: ثم من؟ قال: أمك، قال: ثم من؟ قال: أمك، قال: ثم من؟ قال: أبوك ) وسلام الله على النبي الكريم عيسى ابن مريم حينما أنتصر لأمة فقال (وَبَراً بِوَالِدَتِي وَلَم يَجعَلني جَباراً شَقِياً) بارك الله فيك

 

[سماهر]

رد: يايمه

الله يعطيك العافيه
كلمات رائعه