اشعارات

يوم انت تبراله على واقع الهمس

عيسى محمد

عيسى محمد

شاعر المنتدى
من اقدم شعري
=======================================
مـديـت دربـيـلـي وانا بموقعـن ضبس
في راس عيطآ بالحيود المنيفه

شرقآ من الضمران مشمل على الملس
ادور المحبوب بارضن مخيفه

قـعـتـبـه ساعات مـشـفـي على الرمس
اظـن اطـالـع من ظعنهم خليفه

من عصر هاك اليوم لا غيبت الشمس
ماغير احقق بالنظر ماش شيفه

ونزلت من رجمي واناخاطري عمس
قال الرجم وش فيك حالك كسيفه

قـلـت اسئلـك منهـو رقا فيك قبل امس
قــال الـمـهـا عـدا وحـالـه كليفه

يـوم انـت تبـراله عـلـى واقــع الهمس
وهـو يتخـطى والخطاوي خفيفه

قـلـت إيـه هـذا من حبس خافقي حبس
هـذا ربـيـع الـقـلـب هـذا وليفه

قال امس جاني دمع عينه على خمس
يشكي رحل بالغصب ماهو بكيفه

وقـال سـلـملـي عـلـى راعـي الجمس
قـلـه دهـرنا حـل من عقب ريفه

وكظمت مثل اللي مكظم على ضرس
اشكي افراق اللي عديمآ وصيفه

وصديت عـن ديـران خـلـي بـلا نفس
وقفيت اهوجس وين هاك المنيفه

بديت مـع خـلـي على طلعـت الخمس
العام يـوم السـيـل يـمـطـر خريفه

وانكفت من رجمي وانا منحمس حمس
لاجـن على قـلبي همومآ عنيفه
 
رد: يوم انت تبراله على واقع الهمس

صح لسانك اخوي عيسى ابيات جميله
 
رد: يوم انت تبراله على واقع الهمس

قصيده رائعه صح لسانك ابوسلطان
 
رد: يوم انت تبراله على واقع الهمس

رائعه

بس اكذب عليك اذا قلت فهمتها كلها

عموما سلمت اناملك
 
رد: يوم انت تبراله على واقع الهمس

[align=center]
كلمات رائعه جدا

ولكن انصحك ان تدونها فمن الصعب ان تكتب شي ويجي احد ينسبها لنفسه
[/align]
 
رد: يوم انت تبراله على واقع الهمس

كلمات روعه

صح لسانك
 
رد: يوم انت تبراله على واقع الهمس

قصيدة في غاية الروعة صح لسانك الله يعطيك العافيه
 
رد: يوم انت تبراله على واقع الهمس

الماسه قال:
رائعه

بس اكذب عليك اذا قلت فهمتها كلها

عموما سلمت اناملك
اضغط للتوسيع...

الماسه

الروعه مرورك العطر نعم اختي الماسه فيه كلمات وهي مسميات
لاماكن بنفس المنطقه مما يجعلك تتسائلين ماهذا لحداثة عمرك
نعم اختي الماسه ولو سئلتي احد عندك كبير بالسن كالوالد او الوالده
او احد اخوانك الكبار لاجابك على تسأؤلاتك والقصيده
واضحه ومافيها اسرار نهائيآ بل واضحه للقاري
ولا اقول لك اسئلي شاعرة المنتد بنت قحطان وهي تجيبك
لاعدمناك في منتداك عزيزتي الفاضله

تحييييييييييييييياتي الحاره لكي
 
رد: يوم انت تبراله على واقع الهمس

اميرة الخيال قال:
[align=center]
كلمات رائعه جدا

ولكن انصحك ان تدونها فمن الصعب ان تكتب شي ويجي احد ينسبها لنفسه
[/align]
اضغط للتوسيع...

اميرة الخيال

الروعه هو مرورك العطر ونصيحتك على العين والراس نعم
اختي اميرة الخيال كثير السرق وجميع قصائدي فوق السبعين
قصيده محفوظة الحقوق في مواقع ادبيه واشكرك اختي على
النصيحه القيمه الله يعافيك ومن الاشرار يناجيك
لاعدمناك في منتداك عزيزتي الفاضله

تحيييييييييياتي الحاره لكي
 
رد: يوم انت تبراله على واقع الهمس

حمزة محمد المقعدي قال:
قصيدة في غاية الروعة صح لسانك الله يعطيك العافيه
اضغط للتوسيع...

حمزه محمد المقعدي

صح الله بدنك والروعه مرورك العطر الله يعافيك
لاعدمناك في منتداك عزيزي الفاضل

تحيييييييييياتي الحاره لك
 
يجب تسجيل الدخول أو التسجيل كي تتمكن من الرد هنا.

عودة
أعلى