عاجل لاهنتو وللاهميه لاتسفهون الموضوع للي عندهم علم

[ام الحلوووين]

السلام عليكم ورحمة الله وبركاته
اولا انا بطاقتي التاهيل منتهيه لها شهرين ولما استعلم بالموقع يطلع فعاله ولما اروح الصراف يطلع انها منتهيه ؟؟
ثانيا انا قبل لما جددت البطاقه جددتها من مركز الاشراف النسائي لان كان التاهيل الي بالقدس مغلق للترميم واللحين بجدد البطاقه مدري وين اروح هل اروح للي بالقدس ولا للاشراف النسائي بالرياض وللعلم انا من شرق الرياض
ثالثا انا استلمت بطاقتي من القدس بس لما جددتها اول مره من الاشراف وكلهن مادل مكانهن وابي اروح مع سايق وابي الوصف بالضبط للموقعين
رابعا الي عنده علم وين اروح والقى البطاقه يبلغني لاني مابي افرفر والسايق ياخذ مني اجار انا بحاجته اكثر والله يجزاكم خير
رجاآآ رجاآآآ لاتسفهوني وردو عليه بسرعه لاني شهرين ماسحبت الراتب واللحين مضغوطه ومفلسه على الاخر وبروح بكره لاتاخرون عليه لاهنتو
والله ربي يفتح لكم ابواب رزقه ويوفقكم لكل مايحب ويرضى

 

[ام الحلوووين]

رد: عاجل لاهنتو وللاهميه لاتسفهون الموضوع للي عندهم علم

معقوله للحين مافيه رد
تكفون ردو وساعدوني تراكم تفرجون لي كربه من كرب الدنيا

 

[تخصص]

رد: عاجل لاهنتو وللاهميه لاتسفهون الموضوع للي عندهم علم

اللي اعرف تصرف ويعاد صرفها من التأهيل


اذا كان موقف ولا يعمل روحي مكتب الاشراف




ولو تبحثي بالنت عن رقم تلفونهم وتتصلي قبل افضل..

 

[ناصر ال]

رد: عاجل لاهنتو وللاهميه لاتسفهون الموضوع للي عندهم علم

إلي اعرفة تستلمي بطاقتك من الفرع الي استلمتي فيه اول شيء لان قبل تنتهي البطاقة يصرفونها للمركز ومن تنتهي تجي تحصلها جاهزه توقع وتاخذها هاذا الي انا اسويه واعرفه ثاني شيء وصف مركز الاناث با القدس كتالي < طريق الملك عبدالله وانت متجه غرب لانك من شرق الرياض يكون اتاجهك غرب مع الطريق < بعد تقاطع خالد بن وليد مع الملك عبدالله < تمسكي الخدمة يمين وبتلي قدام الين يجيك اول لفة دوران ترجعك شرق تبلتي مئة متر متر يجي سامابا على يمينك بعد سامبا على طول خشي يمين بتلي قدام الين يجيك حرف تي تاخذي يمين يجي المركز على يسارك بظبط بيكون على السايد الثاني

 

[ام الحلوووين]

رد: عاجل لاهنتو وللاهميه لاتسفهون الموضوع للي عندهم علم

الله يجزاكم خير
اصلن انا لما استعلم بالموقع يطلع جهة الصرف مكتب الاشراف النسائي بالريااض
وياخوي ناصر تحسب اني ماحاولت كلشي حاولته بالاتصال بالبحث بالنت ماخليت وليش هم يردون على الاتصالات يفتح التلفون ويسخب رصيد من غير فايده
طيب مكتب الاشراف النسائي بالرياض ابي اعرف موقعهم هم الي بجنب مصانع الجميح للمرطبات الي بجنبه مركز تاهيل للاناث

 

[ناصر ال]

رد: عاجل لاهنتو وللاهميه لاتسفهون الموضوع للي عندهم علم

فيه مكتب اشراف نسائي بس ما اذكر حولة الاشياء الي ذكرتيها بس هاذا وصفة < مع طريق خريص اتجاه غرب < بعد مخرج ظ،ظ£ < كبري الخليج الي يصير يمينك مطعم الشرفة < بعد المطعم اول مخرج خدمة اطلعي معه يصير الكبري فوقك وانتي تحت بتلي قدام مرا وخليك خدمة لا تطلعي مع المخارج الي تطلعك لخريص < قدامك تقاط يتفرع اكثر من خط < علي عزت يمين ويسار تديوري لخريص خليك سيدا لا يمين ولا يسار وضاهر انها اشارتين بتجيك على ما اعتقد < بعد التقاطع الي يتفرع اول مديور يرجعك شرق ديوري معاه وخليك خدمة < بعد كم متر تجيك لفة يمين خذي يمين الشارع اسمه القاضي اياس < وبتلي قدام او تقاطع لطريق اسمه بقيق اخذي يمين ويجي المركز على يمينك
وتأكدي من الوصف يمكن اقصد مكان ثاني او شيء وفاهم غلط

 

[ناصر ال]

رد: عاجل لاهنتو وللاهميه لاتسفهون الموضوع للي عندهم علم

مخرج ثلاثة عشر *