جميع استحقاقنا بالتاهيل وغيره

[ام دانه الحبوبه]

السلام عليكم ورحمه الله وبركاته

انا مقصدي بهالموضوع ان كل واحد يكتب وش يستحق من التاهيل وغيره بسسب مرضه

انا بنتي عمره 10شهور وبه مرض القلب واراجع بمستشفى الرياض وطلعت استحقاق بنتي تذاكر طيران لي وله وللآب وقت موعده وله تعويض كل موعد تقريبا 300ريال بس هذولان قبل لازم تاخذ قرار من الهيئه الطبيه وتقدمه بوزاره الصحه واليوم قالت لي وحده ان بنتي تستحق بطاقات تخفيض انا الحين كل شوي تطلع مفاجاه هههههههههه

مقصدي بالموضوع ان تكتب عمر المريض واستحقاقه ووش اخذ علشان الكل يستفيد :icon_rotate:

 

[قاهر اليأس]

رد: جميع استحقاقنا بالتاهيل وغيره

اتابع معاملة شخص والى الان مافى شي

 

[ام دانه الحبوبه]

رد: جميع استحقاقنا بالتاهيل وغيره

الله يعينك لهدرجه مافي تجارب

 

[أكاديمي قديم]

رد: جميع استحقاقنا بالتاهيل وغيره

أسال الله لها الشفاء العاجل

الاستحقاقات اللي ذكرتيها هذي من اللجنة الطبيه بوزارة الصحه وهي عباره عن تذاكر سفر ونثريات ( مبالغ ماليه في حال العلاج كان خارج المنطقه ) وهي تستمر مع وجود المواعيد

اما اذا كان المرض مصنف من ضمن الاعاقات فهي تستحق بطاقة تخفيض الطيران واعانه شهريه من التأهيل الشامل
التابع لوزارة الشؤون الاجتماعيه وتستطيعي زيارة اقرب مركز تأهيل شامل لديكم للاستعلام عن استحقاق الحاله

موفقين يارب

 

[ابولجين ولطيفه ونوره]

رد: جميع استحقاقنا بالتاهيل وغيره

ممكن افيدك حسب ما واجهت ومر علي


اول شي تعملونه تاخذون لكم تقرير طبي من المستشفي اللي تراجعون فيه وكذلك موعد مراجعه وتقدمونها علي الهيئه الطبيه في المنطقه اللي انتوا ساكنين فيها وهم يصدرون لكم قرار يسمي قرار اللجنه الطبيه ومدته سنتين من تاريخ الاصدار قابل للتجديد في حاله لازال لديكم مراجعه وبموجبه تحصلون علي تذاكر الطيران من قبل وزارة الصحه واذا صار لديكم عدة مراجعات بامكانكم التقديم علي وزارة الصحه بس اهم شي قبل ينتهي تاريخ القرار ويتم الرفع لكم عن كل زياره للمستشفي مبلغ ثلاث مئة ريال للمريض والمرافق وفي حالة تنوم المريض يحسب للمرافق عن كل يوم 300 ريال ولا يحسب للمريض شي وتنزل في حساب المريض بس المشكله انها تتاخر يمكن توصل الي سنه ومن ثم تنزل .
اتمني اني افدتك بشي .
اما بخصوص الاعانه في التاهيل الشامل فلها شروط ولا يستقبلون الا من عمر سنتين فما فوق

صحيح التاهيل يصرفون اعانات وكذلك تاشيرة سائق وخادمه وممرضه ولكن لها كذلك شروط علي حسب الاعاقه


بخصوص التاشيره تتحمل الدوله رسوم الاصدار والتجديد والخروج والعوده فقط ومبلغ الرسوم 2000 ريال اما مبلغ الاستقدام والراتب فيتحمله صاحب الاعاقه


اتمني لكم خير

والسلام عليكم ورحمة الله وبركاته

 

[ام دانه الحبوبه]

رد: جميع استحقاقنا بالتاهيل وغيره

يعطيكم العافيه بس انا بنتي قبلو الحاله بس لسا مااخذت الصرافه وهي عمره ١٠شهور

 

[ابولجين ولطيفه ونوره]

رد: جميع استحقاقنا بالتاهيل وغيره

يعطيكم العافيه بس انا بنتي قبلو الحاله بس لسا مااخذت الصرافه وهي عمره 10شهور

تمام الله يرزقك من واسع رحمته


انا اذكر اني جيتهم وقالوا لازم العمر ما يقل عن سنتين


اتمني لكم التوفيق

 

[صاحب الوفاء]

رد: جميع استحقاقنا بالتاهيل وغيره

المفروض ان الحكومة تتكفل بزواج المعاقين