كــــان في وسط المدينه...

[ابوحمد]

كــــان في وسط المدينه ..
طفلٍ أكبر من سنــــينه ..

والده مات بحنــــانه ..
ولاقعد يندب زمانه ..


صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ..


يمسح أطراف القوايل عن جبينه ..
يبعد الشمس ويطاردها بيدينه ..


طفل أحزانه معالم ..
طيب وسمح ومسالم ..


يمشي ويطوح بصوته ..
يبغى قـــوت أمه وقوته ..


المحارم .... المحارم....المحارم ..
المحارم .... المحارم....المحارم ..


ولا أقبل الليل .. و رحل وجه النهار ..
راح لامه مثل الأطفال الصغار ..


وأرتمى في ~ حظنها ..
أرتمى في ~ جفنها ..
أرتمى في ~ حزنها ..


وقامت امه تبكي لضيعة سنينه ..
وصـــــاح / يمه
ليه يــا عمري حزينه ..؟
دمعتك يالغاليه والله ثمينه ..!


تحسبين أني حزين ..؟
لا وراسك ما ألين ..!
من لقى هذا الحنين ..
ينسى حزنه ..
ينسى همه ..
ينسى حتى العمر كله ..
دامــــك أنتي تحترينه ..


وفي صباح من صباحات الضياع ..
الحزن قدر يقول له الوداع ..


نـــــــــادت أمه [ ماسمع ] ..!
صـــــاحت أمه [ مانفع ] ..!
طـــــاحت أمه [ مارجع ] ..!


الصغير اللي ملى الدنيا صراع ..
مـــــــات ..! من كثر الوجع ..

لفهد المساعد

 

[إحسـاسي]

رد: كــــان في وسط المدينه...

تحسبين إني حزين..؟
لا وراسك ما الين..
من لقى هذا الحنين..
ينسى حزنه..
ينسى همه..
ينسى حتى العمر كله..
دامك انتي تحترينه..!

كلمات رااائعه
لآمست وجداني وأثـارت مشاعري وأشجاني..
سلمت يداك ع نقلها اخي ابوحمد
دومـآ رائعآ ومتميز بنقلك ..
تقييمي وتقديري لك ؛؛​

 

[وحيدالدنيا]

رد: كــــان في وسط المدينه...

مااجمل هذا الحزن الذي تجترة قوة هذة الكلمات من الاعماق
شكرا على هذا الطرح المميز