كـآن قلبي لكـ مدينهـ ولاحظ اني قلت ( كــــآن ) ..~

[الماسه]

[align=center]

ما تغيَّر شي .. لكن . . صار فاضي هالمكان

يعني إنتَ شفت قلبي طحت مِنْ عيني وعينه

كان لك قلبي مدينه ولاحظ إني قلت : ((كان ))

يعني إنتَ الحين واحد ((خارج حدود المدينه ))

ليه مستغرب كلامي وليه أعطيك الأمان

وليه تَكْذِب في كلامك العذر وينك ووينه

ما ألومك كان قلبك ثارت أمواجه وخان

الخطا منَّي لأني صرت في بحرك سفينه

والسؤال اللَّي كتمته وما نِطَق فيه اللسان

كيف إيدك إطعنتني وآنا أحْسِبْهَا أمينه ..؟

جرحي ما يرضيه قلبك لو يجي كلِّه حنان

لو تبوس الجرح فيني ولو تقبلها إيدينه

يُوم أحبك قلت كلمه : ( يكرَم المرء أو يُهان )

وإنتَ قلبي ما كرمته وما قدرت إنِّك تهينه

(عزِّتي ).. ما هي جديده آنا شامخ من زمان

إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقى رهان

وحتَّى لوقلبي يحبك ربِّي بفراقك يعينه

تدري لما قلت أحبك قلت وما عندي ضمان

وإختياري كان خاطىء تجربه بالحيل شينه

كنت تخطي وكنت أسامح مرَّه مرتين وثمان

أدمح الزله عشانك وأكتم أنفاس الغبينه

كنت أحبك وكنت أعزك والغلا فيني جبان

اخاف تزعل لو ألومك ضعت ما بينك وبينه

فيعيون الناس عادي بس في عيني جنان

وكان قلبي من يشوفك تفضحه نظرةحنينه

ماني أوَّل من يحب ومنتَ آخر شخص خان

المحبه في زمانك بحرها من غير مينه

الفشل .. كان النتيجه وأعتقد آن الأوان

بني مستقبل حياتي وأنسى قصتنا الحزينه

وخطوتي الأولى غيابك وراح أطبقها عشان

يبكي قلبك لا فقدني والندم . . يملي سنينه

جاي تسأل عن مكانك !! هو بقى فيني مكان؟؟

الله يرحمها المشاعر اللي كانت لك رهينه

قلت لك قلبي ( مدينه )فيها لك حشمه وشان



لكن إنتَ الحين أغرب شخص في هذي المدينه
أعجبتني


قصيدهـ تتجسدهـآ الأهآت و الحسرات ,,


مؤلم ان تلاقي الجحود مِن مَن له في قلبك حشمه وشأن ,,


والـ آكثر ألمــاً ان يتلآعب ب مشآعركـ شخص تكن له الاحترام والتقدير والوفآ ,,
[/align]​

 

[الحنان كله]

رد: كـآن قلبي لكـ مدينهـ ولاحظ اني قلت ( كــــآن ) ..~

رووووووووعة كلمات مميزة قلبوووووووو الماسه يسلمووووو

 

[العصفوره]

رد: كـآن قلبي لكـ مدينهـ ولاحظ اني قلت ( كــــآن ) ..~

يعطيك العافيه ع النقل الرائع حبوبه

 

[الماسه]

رد: كـآن قلبي لكـ مدينهـ ولاحظ اني قلت ( كــــآن ) ..~

الحنان كله

عصفوره

نورتو بوجودكم الصفحه..