كذب من قال موج البحر خاين والبحر غدار

[بنت قحطان]

كذب من قال موج البحر خاين والبحر غدار

وأنا في عيني أمواجه قبر .. وأدفن بها أسراري

لك الله يابحر من وين جبت الصبر ياصبار ..

وأنا صبري عجز لايكتم اللي شفت بأقداري

أنا يابحر همي ساحلك .. والمركب الدوار

يسوق الموج للمينا وتصدم في صخر ظاري ..

أنا مدك وجزرك والهوى والليل والأنوار

طلبتك يابحر .. نزل شراعك واسمع أخباري

أنا شلت الغرام اللي سنين العمر به تحتار ..

وتهت وضعت بين المستحيل .. ورغبة أصراري

سريت الليل أنا يابحر كن النجم لي سمار

ووصلت لشطك الظالم ولاأدري وين مشواري ..

وعجزت أغلق شبابيك الحزن وأرخي عليها ستار

وأخاف الشمس تفضحني نهار يشوفني جاري

سبحتك لين سموني بعدك ((ب فلان )) البحار ..

تعال وعوم فيني .. شوف لولوي ومحاري

تعال .. وشف أثر عصفور سطح الماء فزعه وطار

ودور لي هنا ضلع توارى .. وين متواري ؟!

توارت قبله دموعي عن الجلاس والأنظار

وتوارت قبله أحلامي .. وعاشت خارج أسواري

سريت الليل وأثر الليل ناوي يفضح الأسرار ..

وأثاري كل ليل مرني من فرحتي عاري

أنا ماأذكر من الرحله سوى دمع هما مدرار

ومجداف رميته في ظلامك جيت به ساري ..

أنا غصن ظلمه الوقت ماعدت عليه أمطار

رداة الحظ خلتني .. أعيش آطار آثاري!

أنا أدري مابيدينك فرح تعطيني عليه اقرار ..

وأنا أدري ان السكوت أرحم من الشكوى لجزاري

أنا جيتك أبي أخمد على شاطيك بعض النار

وأثر حالك مثل حالي تعاني الجرح وتداري ..

بحر .. بالله توعدني وعد .. لاتفضح الاسرار

يهون الموت بأمواجك ولاتتشتت أسراري


مما رأق لــــــــــــــــــــــــــــــــــــــي:blush:​

 

[الحنان كله]

رد: كذب من قال موج البحر خاين والبحر غدار

وراقني ايضا كلمات اكثر من رائعة

يسلموووو قلبو بنت قحطان

 

[عيسى محمد]

رد: كذب من قال موج البحر خاين والبحر غدار

بنت قحطان
صح السااانك والتميز عنوانك

قصيده جدآ رائعه من شاعره تلفظ معاني جزله وحضور راقي جدآ

تقبلي مروري وتحييييياتي لكي

 

[همس المشاعر]

رد: كذب من قال موج البحر خاين والبحر غدار

كلام جدا راااااااااااائع