أخاف عليها من الثرى غطاها

[نور]

خايف عليها من الثرى غطاهـا:::::
و الا الحصى حافيه اخاف اذاهـا
اكرم عليها بالكفـن يـا مطـوع
بالبيت ظل فراشهـا وغطاهـا
اكرم عليها بالكفـن هـذي امـي
و اشهد عليها في ما عطت يمناها
هذي الضحى واليـل يتحرونهـا
هذي السماء و نجومـه تنعاهـا
هذي السوالـف مثلنـا تبكيهـا
والارض تنشد عن اثر لخطاهـا
هذي الكبيره كبر هـذي الدنيـا
هذي العظيمه جل مـن سواهـا
ابكي عليها مـو نهـار و ليلـه
و لا سنه تمشي وعـد قضاهـا
ابكي عليها كثـر مـا شالتنـي
و كثر الحنين الي اختلط بغناهـا
و كثر الاسامي و كثر من سموها
و كثرالنجوم و كثر من يرعاهـا
ابكي عليها من القهر يـا دنيـا
مـن لـي انـا من لي عقـب فرقاهـا
من فتحت عينـي و لا خلتنـي
و شوفوا ولدها بالقبـر خلاهـا
هل التراب بوجهـا مـا قصـر
شفتوا ولدها كيف هـو جازاهـا
لو انهـا مكانـي مـا سوتهـا
لاكـن اعـز عيالهـا سـواهـا
يا دود يا دود شفها ذابله جنبها
انا ولدهـا و حاضـر وأفداهـا
قطعني هاك الي تبي من جسمـي
بس الكريمـه لا تجـي بحذاهـا
و وصيك امانه قل لها تعذرنـي
و تكفى تروح تحب لي ماطاهـا
ابيها تغفر لي مثـل مـا كانـت
كل خمله مني بطيبهـا ترفاهـا
يالله عساهـا بالنعيـم الخـالـد
و عساها في جنة عدن سكناهـا
يا فضو هذا الكون يا هو خالـي
يا ضيق هذي الدنيا يا مقساهـا
يا مر طعـم فراقهـا يـا مـره
ماني مصـدق ارجـع ومالقاهـا
وشلون اجي غرفتها ما هي فيها
وش عذري لسبحتها ومصلاهـا
وش اقـول انـا لدولابهـاوشنطتها
واذا سالني مشطها وحناها وعباتهـا
وماي زمزم ومصحفها والمبخـره
ورشـوشـهــا ودواهــــا
الكـل فـي غرفتهـا متفقدهـا
حتى الجدار متفطـر ويرجاهـا
الكـل يبكيهـا مهـو ناسيـهـا
يالله صبرني و شلـون انساهـا
ياليتهـا مـاراحـت وخلتـنـي
او وسعت لـي بالقبـر وياهـا
​

 

[محمد عابد]

رد: أخاف عليها من الثرى غطاها

كلمات جد جد جميلة الله يعطيكك العافية
و كلما قرات اسمك تذكرت امك
اسال الله لها الرحمة و المغفرة و
معها اتذكر انا كذلك امي حفظها الله و رعاها

 

[سفير قحطان]

رد: أخاف عليها من الثرى غطاها

كلمات رائعه اسال الله ان يرحم والدتك ويرحم اموات المسلمين اجمعين

 

[الحنان كله]

رد: أخاف عليها من الثرى غطاها

كلمات رائعة

الله يرحم والدتك ومواتنا وموت المسلمين اجمعين قلبو نور

 

[نور]

رد: أخاف عليها من الثرى غطاها

اخي .. محمد عابد

اشكرك لمرورك ودعائك وحفظ الله والدتك ورزقك برها

اخي .. سفير قحطان

شكرا لك على الدعاء والمشاركة الطيبة

عزيزتي .. الحنان كله

تسلمين قلبي على دعواتك ومشاركتك موفقة ان شاء الله