خبر جديد بخصوص السيارات

[للفقر لذات]

السلام عليكم ورحمة الله وبركاته

انا اليوم الثلاثاء الموافق 29|10|2008م راجعت الديوان بخصوص السيارات
وقد وجدت ان المعامله قد احيلت الى وزارة الشئون الاجتماعية في 26/8/1429هـ
وعند مراجعة وزارة الشئون الاجتماعية وجدت المعامله وهي تخص اكثر من 1500 معاق
وقد قالوا لي ان المعامله سوف نقوم بمراجعتها وتدقيقها من جديد وسوف نرجعها للديوان مرة اخرى

وعليك ان تراجعنا بعد اسبوعين لنعطيك رقمها ( ياليل مطولك )

جرى نشره لتعم الفائدة ( مما يعني ان الذين بنفس التاريخ قد رجعت معاملتهم مثلي الى وزارة الشئون الاجتماليه)​

 

[فالح عبدالله الهاجري]

رد: خبر جديد بخصوص السيارات

اغسلو ايديكم من السيارات وغيرها
اعتمدو على الله ثم انفسكم ادرسو واشتغلو
والله كريم
وبعدين ليه تطاردها كنها بتطلع بعد سبوع ياخي انساها ومتى ماسمعت احد استلم ذاك الوقت تحرك
انا بعد روحتي للديوان اتضح لي اشياء ولا ودي اكسر عزومكم لكن الله كريم
اتضح لي ان لازم نطالب لين نتعب وتتعبون مافي شئ يجي بالراحه
الله يفرج همومنا وهموم المسلمين اللهم آمين
الدعاء مخ العباده عليكم بالدعاء نطلب ملك الملوك وما يضيع شئ عنده وهلا فيكم

 

[السميري]

رد: خبر جديد بخصوص السيارات

أأأأأأأأأأأأأأأأأأأأأأأأه ياوطني
حسبناالله ونعم الوكيل على البطانه

 

[stnmgr]

رد: خبر جديد بخصوص السيارات

رد على لجنة المعاق للابداع ياخي ولو كان عندك معاق لاعرفت ماعانة المعاقين

 

[الامل المتجدد]

رد: خبر جديد بخصوص السيارات

stnmgr.........
ما يجوز تدعي على اخوك المسلم
واخي لجنة معاق بين وجهة نظره في الموضوع
وانت تقول

ولو كان عندك معاق لاعرفت ماعانة المعاقين

واخي ابو محمد معاق وحاس بمعاناة المعاقين
فياليت يكون هناك اسلوب راقي في الرد..........

 

[الامل المتجدد]

رد: خبر جديد بخصوص السيارات

انت اصلاً من البطانه الفاسده

الله يهديك

استغفر لا ترجع لا عليك
وينك يا مشرف مايصير كذا

 

[فالح عبدالله الهاجري]

رد: خبر جديد بخصوص السيارات

لجمه معاق للابداع الله يصلحك بس
الناس تعاني وتون الليل وانت تفتي


ياخي انا موظف وسالت شيخ قلت اخوي عنده زكاه اموال عشره الاف باخذها اصلح عمليه قال حلال عليك

الدين يسر ياباشه
واخونا متضايق من السيارات وانت ردودك الاخيرة من كتب قمت تدعي للملك وتمجده ياخي الله يطول عمره والله يرجع حقوقنا هالمنتدى حساس يالجنه لابد من مراعاه مشاعر المعاقين لانهم مضغوطين ولا يحتاج نضغط زيادة
وانت اخ ونواياك طيبه ربي يوفقك لكن العالم صايرة بقدر كاتم تبي تتنفس

وانت ياstnmgr
احسن الظن وحكومتنا الله يصلحهم مقصرين كثير وبنفس الوقت ماعندهم اهتمام بالمعاقين
وما صار الا الخير

الامل المتجدد عندك صلاحيات تعدلي وتشيلي الكلام من الردود سوي تعديل وشيلي
مايحتاج يااختي اعلمك وربي يوفقك

 

[الامل المتجدد]

رد: خبر جديد بخصوص السيارات

العالم صايرة بقدر كاتم تبي تتنفس

تتنفس ما فيه مشكله بس محد يدعي على احد في نفسه وعياله
وبعدين الي يسمعه يقول ان ابو محمد مسئول ومقصر لا نهاجم بعضنا البعض بهذا الاسلوب ..........

الامل المتجدد عندك صلاحيات تعدلي وتشيلي الكلام من الردود سوي تعديل وشيلي
مايحتاج يااختي اعلمك وربي يوفقك

والله ما يطلع لي في مشاركات الاخواان الا الاقتباس ...والرد السريع .........
مدري وش تقصد باصلاحيات حدي الترفيه والتسليه
وانت فيك الخير والبركه بس هدو الموضوع بينكم
بس مع المسئولين ورونا همتكم منذا واكثر

 

[فالح عبدالله الهاجري]

رد: خبر جديد بخصوص السيارات

دعاءه مسحته ورد اخونا لجنه يرفع الضغط بصراحه حتى النصح موصين هل الدين لاتنصح لااحد ضايق نفسيا
وماعليش افكر عندك صلاحيات الاقسام كلها ولا يهمك المعذره
والله مانرضى بالغلط
ونفوس المعاقين اعرفلها والله وماصار الا الخير شباب في رحله وكل الحكومه خياله وتصبحون على طقاقات

 

[الامل المتجدد]

رد: خبر جديد بخصوص السيارات

ولا يهمك المعذره
والله مانرضى بالغلط

مايجي منكم قصور
كلكم خير وبركه

وماصار الا الخير شباب في رحله وكل الحكومه خياله وتصبحون على طقاقات

هههههههههه
يالله هذا من التنفيس ماعليك

 

[ابومطلق]

رد: خبر جديد بخصوص السيارات

هدووووووووووووووووووووووووووووووووووووووووووووووووووووووووو

 

[برتقاله]

رد: خبر جديد بخصوص السيارات

عندي امل مدري ليش
عن قريب نسمع اخبار مفرحه ان شاءالله
اذا عن سيارات اوغيره
والله المعاقين السنتين الاخيره صار ينظر لهم
مو زي اول
بس لابد ان المعاقين يطالبو باحقوقهم سوان سيارات
او غيرها لابد حتى يكنون دايم بالصوره قدام المسأولين

 

[الجبل حائل]

رد: خبر جديد بخصوص السيارات

عندي امل مدري ليش
عن قريب نسمع اخبار مفرحه ان شاءالله
اذا عن سيارات اوغيره
والله المعاقين السنتين الاخيره صار ينظر لهم
مو زي اول
بس لابد ان المعاقين يطالبو باحقوقهم سوان سيارات
او غيرها لابد حتى يكنون دايم بالصوره قدام المسأولين

الامل بالله كبير ان شاءالله يتحقق الامل

 

[أبو أنس]

رد: خبر جديد بخصوص السيارات

إذا أنك من المنطقة الشرقية أقدر أخدمك قدر المستطاع .

تساهيل إن شاء الله وإن الله مع الصابرين .

 

[الجبل حائل]

رد: خبر جديد بخصوص السيارات

الله يجزاك خير يا عبدالرحن انا من شمال المملكة

 

[ابومطلق]

رد: خبر جديد بخصوص السيارات

واللي في الوسطى

 

[عاصم الزعيم]

رد: خبر جديد بخصوص السيارات

لا يضيع حق وراه مطالب
طالبوا بجميع الحقوق الخاصة بذوي الاحتياجات الخاصة حتى نسمع الجميع اننا هنا ولنا ما لغيرنا اكيد كثير منكم سافر للخارج وشاف الحقوق اللي يتمتعون بها ذوي الاحتياجات الخاصة وحتى يستفيد منها الاجيال القادمة اذا ما استفدنا منها نحن لذلك طالبوا بجميع الحقوق والتسهيلات .

 

[أبو أنس]

رد: خبر جديد بخصوص السيارات

[align=right]
بخصوص طلبات السيارات الي عن طريق الديوان الملكي ..
مثلاً الي في الشمال أو نقول حائل مثلاً تحيل قائمة بأسماء المقدمين من حائل للوزارة الي هي وزارة الشؤون الإجتماعية .. ثم تشير الوزارة بتعميم لمكتب الشؤون الإجتماعية بحائل لمتابعة باقي الإجراء الي على قائمة المستفيدين والمتقدمين للديوان وثم تحيل من مكتب الشؤون إلى مركز التأهيل الشامل بحائل .. يعني تقدر تروح لمركز التأهيل الشامل بحائل والإستفسار .
وطبعاً هذا الكلام بأستثناء باقي المناطق .


هذا والله أعلم .. وبالتوفيق للجميع .
[/align]

 

[ناصر]

رد: خبر جديد بخصوص السيارات

استفسار للي عنده علم الله يرضالي عليكم اللي اعاقته في الطرف العلوي يحق له التقديم على السيارات


موفيقين يارب :001_smile:

 

[فالح عبدالله الهاجري]

رد: خبر جديد بخصوص السيارات

هلا ناصر
انت معاق لك شئ من التاهيل قدم على السياره
كلنا كذا