خطيبها عطاها هديه وعطتو كف ((لييش))؟؟

[بنت قحطان]

هذه قصة فتاه انخطبت



وبتروي لكم قصتها.




أني أنخطبت و قال لي خطيبي حأعطيكي هدية أنا خلاص .




لاتسألو عني . وجهي سار طماطم .




قلتلو : وش هي .؟؟؟




قال : هدية والهدية ما تنقال .




ويوم راح : وأنا أفكر إش ممكن تكون هذي الهدية ؟؟؟؟




وأسأل بنات خالاتي .




سارة : طبعا ورد أحمر تعبيرا للحب .




ومريم : طقم ذهب.




أختي نهى : والله ما أعرف بس ممكن ذهب زي مقالت مريم .




وأنا اليوم كلو أفكر لا ذقت طعم النوم ولا شفتو بعيوني .




وأقول من الصبح اش هي الهدية ؟؟؟؟




ما خليت أحد في البيت إلا ورجيتو .




أمي تقولي : بس خلاص لا ترجينا والله و برب الكعبة إني ما أدري




إش هذي الهدية . لا ترجينا خلاص.




وأبوي : لاحول ولا قوة إلا بالله يابنت الناس خلاص ما أبغى




أسمع صوتك رجيتنا من أمس و أنت تسألي نفس




السؤال حفظتيني إياه إش ممكن تكون الهدية .. إش ممكن




تكون الهدية خلاص خلي الواحد يهدى .




وأنا أفكر وخيالي طار من عقلي ..




الهدية حتكون أنو يفاجئني بتذاكر سفر على أوروبا .




ولا تكون يورني قصر بانيه علشاني في أوروبا و يسفرني على شان يوريني إياه .




أو ممكن بس قصر في جدة .....




وقاعدة أفكر و أفكر و أفكر و أفكر ...




المهم وصل وجاي يا خذني عالبحر و يعطيني الهدية ؟؟؟




وأنا مرة واقفة على أعصابي ..




وقال لي أحزري إش هي ؟؟




وأنا أقولو : قول إش هي ..




وهو يقول : لا أحزري ؟؟




وأنا واقفة على أعصابي وأقول : ما أعرف أنت قول .




وأقول في عقلي : ( واحد يفقع الكبد مو راضي يقولي ) ..




وأنا أعصابي ماتت ......




فطلعلي علبة حلاوة صغيرة وقال هذي هي .




وأنا لا إراديا من القهر أعطيتو كف .




( ليا يومين واقفة على أعصابي و أخر شيء يطلعلي علبة




حلاوة صغيرة و يقول هدية حلوة وأحزري خلاني




أفقد أعصابي ...)




المهم : قالي ليه هالكف إش سويت ...




قلت وأنا ميتة من الكسفة: أسفة بس ..آه ..آه ..أنا .. أنا كنت أحسب




الهدية حاجة أكثر من كذا ولا إن علبة حلاوة حلوة برضو ...




فقال : إنتي ما فتحتي العلبة علشان تعرفي إيه هيا ..




أنا : إش تقصد هذي إلحين مو حلاوة .




فقال وهو يضحك : إنتي إفتحيها أول وشوفي إيه هي .؟؟




أنا أخذت العلبة منو وأنا راسي في رجولي من الكسفة .




وفتحتهاولقيت داخلها علبة صغيرة حلوة .




وأخذت العلبة الصغيرة و فتحتها ولقيت ...؟؟




لقيت خااااااااااااااااااتم فضة مرصع بالألماس ..




وبجانبو بطاقة على شكل قلب لونها أحمر مكتوب فيها i love you




وأنا خلاص مت من القهر على نفسي على إلي سويتو قبل




شوي و جالسه أبكي و أبكي وأتأسفت منو




وجالس هو يهديني و يقول ما في شيء يبكي أنا لو كنت مكانك لسويت إلي سويتي أول ...




وحتى الأن أنا مكسوفة و كل ما أفتكر هذا الموقف أجلس أبكي من الكسفة​

 

[نور]

رد: خطيبها عطاها هديه وعطتو كف ((لييش))؟؟

خخخخخخخخخخ

الله يعينه على عصبيتها من بدايتها كف اجل بعدين ؟؟

بترميه من البلكونة خخخخخخخخخ

 

[الصابرة]

رد: خطيبها عطاها هديه وعطتو كف ((لييش))؟؟

تصدقين بنت قحطان أستفدت من القصة بعدم التسرع في ردود الافعال.... تشكرين

 

[برتقاله]

رد: خطيبها عطاها هديه وعطتو كف ((لييش))؟؟

بسراحه لوني منوه
اتركها وادور بنوووووووووته اطيب منها من اولها كف اجل بعدين
وش بتسوي
منجد خساره الواحد ياخذها
مشكور ياغلا على طرحك

 

[زهرة الياسمين]

رد: خطيبها عطاها هديه وعطتو كف ((لييش))؟؟

في العجله الندامه وفي التأني السلامه
قصه ذات مغزى وعبره

 

[عاشق الترحال]

رد: خطيبها عطاها هديه وعطتو كف ((لييش))؟؟

بصراحة قصة حلوة توضح شي مهم في المجتمع السعودي اذا كانت القصة حقيقية ان الرجال راحو مع زمان اول وصارت النساء بمكانهم الله يخلف على كذا رجال وفي الشامي ياعيب الشوم على هيك رجال انا لو بمكانه عطيتها بوقس ووديتها لاهلها بدون رجعة ما بقى الا هي بنت تعطيني كف

 

[بنت قحطان]

رد: خطيبها عطاها هديه وعطتو كف ((لييش))؟؟

وفـعـلاً فـي الـعـجـلـة نــــــدااااااامــــــــــــة
الله لا يحرمني من طلتكم جميع
يعطيكم الف الف عاافية

 

[غاردينيا]

رد: خطيبها عطاها هديه وعطتو كف ((لييش))؟؟

المهم : قالي ليه هالكف إش سويت ...
اخس ع الرقاله
شكله هو يالي صاح :icon_crying:
new14
هاذي خسارة فيها حتى الحلوى
​