كل عام وانت بخير وايامك بخيـر

[نهى]

كل عام وانت بخير وايامك بخيـر
.............. لايا بعـدهـم كلـهـم ياغنـاتـي
انت بحياتي شي ثاني عـن الغيـر
............. تقدر تقول : اجمل حدث في حياتي
انت الفرح انت الوفـا والتباشيـر
............... انت امنيـه لا والله كـل امنياتـي
دايم افكر لو خسرتك وش يصيـر
.............. وقول دايـم جعـل قبلـه وفاتـي
من قبل اعرفك ماحسبت المخاسير
............. واليوم شفني ماخسرتـك واحاتـي
اذا افترقنا بطلبك مطلـب صغيـر
............... لاتزورني بيـن النعـاس ومباتـي
اخاف لاجوني طيوفـك مساييـر
............... قلطهـم قلبـي تعشـوا ممـاتـي
ماقلت لك طبع الوجيـه المسافيـر
................. ماتغيب وان غابت ليالـي وتاتـي
يعني اذا بتغيب من غيـر تفكييـر
............... ترجع قبل لا ينكسـر لـك ثباتـي
ولا اخذني معك من وين ماتسيـر
................ مدامك الدرب الطويـل بجهاتـي
لو نفترض اني وصلت السما طير
.............. احوم حومة حر والريـح عاتـي
المشكلـه انـي بليـاك ماطـيـر
................. لانك جناحـي للمطيـر ونجاتـي
الطيحه منك تترك اسنيـن تأثيـر
............... من قال لك ماراح تشمت عداتـي
لا والله الا طيحة الدلو في البيـر
................ ياكبرهـا منـك الملـم شتـاتـي
وصْ انت قلبك يذكر الحب بالخير
.............. ولا انـا والله لقضـب وصـاتـي
امانتك .. في داخلك شوفني غيـر
.............. وامانتي .. لقربـك قـرب ذاتـي
من كثر ماخانت غـلاك التعابيـر
............. معاك احس اصدق كلامي سكاتـي
لكن تعال وخـل عنـك المعاذيـر
............... شفني شسوي وسو عقبي سواتـي
ارفع يديك لمـن يـرد المقاديـر
............... وردد ورايـه ماتقولـه شفـاتـي
كل عام وانت بخير وايامك بخيـر
.............. وانا معاك اعيـش باقـي حياتـي​

​

​

​

 

[مناوي]

رد: كل عام وانت بخير وايامك بخيـر

يعطيك العافية نهى
بارك الله فيك
سلمت يداك وسدد خطاك
يسلمووووووووووو
وانت بصحه وسلامه ياقلبي

 

[نزيف الامل]

رد: كل عام وانت بخير وايامك بخيـر

اروع ما كتبتي يا مشرفتنا
الغاليه لك ودي وتقدري​

 

[نهى]

رد: كل عام وانت بخير وايامك بخيـر

مناوي
نزوفه
لبـى قلوبكم.
لاعدمت تواجدكم