كرهنا الزواج وطاريه

[فهد المالكي]

كم حلمت بزوجه تسعدني واسعدها تحمل همي واحمل همها واجتهدت كثيرا لهذا الامر وحلمت بطفل او طفله تملا علي حياتي المكتءبه ولكن الله لم يقدر فله الحمد في الاولى والاخره ولكن لكل. شي سبب والسبب هو اني لا املك. وضيف لان الناس صار اهتمامهم مادي بحت ويتفاخرون بالوضايف وكم الراتب ولا يفكرون ايا كان الرجل واقول لمثلي فكروا في زواج الاخره واسالوا ربكم الجنه فالناس في طريق بعيد عن طريقكم وتفكيركم ولا ندم كلها دنيا لاتسوى جناح البعوضه ولاتهنوا انفسكم عند احد حتى لو عمر الواحد ماتزوج اهم شي عزة النفس . زمن اهله اجهل من الجهل

 

[هيلين]

رد: كرهنا الزواج وطاريه

يوم الوداع تخيلي مالي حبيب اوادعه
محروم انا وتخيلي محروم حتى من العذاب

يابنت لي قصه تطول بكلمتين موجعه
هي باختصار اني انا اركض ويطردني السراب​

شعور مؤلم اخ فهد ومن يسمعك .... عســــــــى ربـــــــي يعوضنــــــــا

كل سنة وانت بخير وفي طاعة الله دائماً وان شاء الله رمضان السنة تتغير احولنا يارب​

ب التؤؤفيييق ربي يسهلها عليك ان شاء الله..

نبحث عن ملجأ و شخص يضع يده علَى رأسي
[mark=#ffcc33]قآئلاً [/mark]إهدي ’’ إهدأ ..
كل شي سـ يكون على مَ يرآم =)​

 

[فهد المالكي]

رد: كرهنا الزواج وطاريه

ويسهلها عليك يارب
ويسعدك وين ماكنتي
اهم شي نعيش بعزه نفس

 

[محمد العمري]

رد: كرهنا الزواج وطاريه

كل عام وانتم بخير جميعا
شباب وبنات أسأل الله العلي القدير لكل شاب أعزب الزوجة الصالحة التي تملأ حياته طمأنينة وبركة واستقرار ولكل عانس ان يرزقها الزوج الصالح الذي يسترها ويعينها على نفسها وشؤون حياتها وأن يرزقكم من حيث لا تعلمون ،، اميييين

 

[فهد المالكي]

رد: كرهنا الزواج وطاريه

اميييين

 

[معاند الضيم]

رد: كرهنا الزواج وطاريه

عزتي لك يا فهد
ارفق بنفسك شوي

ودنياك بتاخذ الي ربي كتبه لك وافي دون نقصان
عين خير وانا اخوك والخير بقبال بس انت قول يارب

شوف ابو البنت ما يلام اذا يبي يتطمن على بنته
واذا مالك دخل ثابت من وين تبي تصرف على زوجتك وعيالك بالمستقبل
اعانة التأهيل لحالها ما تكفي

طيب بعلمك الحل
الشركات الان تدور على السعوديين عشان السعودة ما السعودة واقل راتب للسعودي ثلاثة الاف
وما يشترطون مؤهل ولا شئ

طيب وانت من ذوي الاحتياجات الخاصة
يدورنك لسببين الاول انك سعودي والثاني انك من ذوي الاحتياجات ويحسب توظيفك عن اربعه

وفيه كثير شركات تدور على موظفين من ذوي الاحتياجات والراتب ياصل الى خمسه و سته الاف ريال حسب الوظيفة والشركة

انت بس شد حيلك وابدء بالبحث عن الوظيفة الي مدخولها يعينك على فتح بيت
وبعدها تبي تلقى بنت الحلال الي تبي الستر و الزواج

و جمعيات تيسير الزواج وغيرها
فيها بنات كثير ما يشترطون وبنات قبايل و حمايل ما عليهم قصور
يبون الزوج الصالح وانت ان شاء الله انك كفو و تستاهل بنت الرجال الكفو

والله ييسر امرك

 

[فهد المالكي]

رد: كرهنا الزواج وطاريه

مشكور اخوي
بس اصارحك بدت نفسي تعاف الزواج
والله يستر على بنات المسلمين
وانا دام ربي كتبها علي كذا فوالله انه خير لي
نخليها تمشي زي ماهي والمقدر راح يجي
ومشكور على نصيحتك وحسن ظنك بي
ومعاك حق الناس من حقهم يسالون ويتطمنون على بنتهم
الله يجعل الدنيا اخر همي وخاصة الزواج

 

[هيلين]

رد: كرهنا الزواج وطاريه

ربــي أرزقني { الجنه } ومن الجنه سأتمنى مَا أريد

 

[محمد العمري]

رد: كرهنا الزواج وطاريه

أخوي فهد ماهوعيب لو انرفظت من كم بيت عادي جدا البيوت مليانة ونصيبك بتلقاه
بقولك شي أحد أقاربي عنده اعاقه بسيطة برجله اليسرى وراح وخطب في 13 بيت
ومتزوج الرجال الحين وعايش احلى مايكون ولا قال طردوني كرهت الزواج لاتجيك
وساوس من الشيطان وتكبت في نفسك والدنيا بخير وبدال البيت مليون بيت استوعبت
كلامي أخوي فهد وقبل أي شي ركعتين استخارة وادع الله يكتب لك مافيه الخير ..

 

[دارين]

رد: كرهنا الزواج وطاريه

الدعاء الدعاء الدعاء وحسن الظن بالله
وسترزق ماتريد واكثر....



ربناء كريم بس الشيطان يدخل لأبن ادم عن طريق الحزن ولالم فقط فلنتعوذ منه في كل وقت ونثق بالله....

 

[فهد المالكي]

رد: كرهنا الزواج وطاريه

مشكور لكل من رد
بس انا اقتنعت ان الزواج ماهو مهم سواء جاء او ماجاء
لاتحسبون اني مهموم او حزين عشان الزواج لا والله

 

[عبدالله المطيري]

رد: كرهنا الزواج وطاريه

عندنا وعندك خير وانا اخوك

الرفض تشوفه في وجيههم قبل تفتح الموضوع , والسبب معاق الوظيفة الحمد لله ممتازه , السيارة موجوده و اسوق بنفسي محد يساعدني ولله الحمد قادر على فتح بيت الحمد لله , لكن يبقون حرين وافقوا ما وافقوا ما يهمني بعيش حياتي وافلها وهم بكيفهم مع بناتهم , ولو طعت شوري انحش من السعودية كلها دور لك من الدول العربية هم اللي يبون الستر ما يبون راتب و وظيفه وفشخره زايدة

 

[فهد المالكي]

رد: كرهنا الزواج وطاريه

مشكوره على ردك
ماعليكم بديت اشيل الزواج من راسي
وانا اعرف الدنيا اذا تركها الواحد تجيه واذا طرد وراها مانال غير تعب

 

[سارره]

رد: كرهنا الزواج وطاريه

عذرا لتدخلي
بس احس صاحب الموضوع موتشائم
الحياه كذا تعطي وتاخذ
وكل شي له مقابل
وعشان تحصل على شي لزم تسعى له كذا الدنيا
يعني لزم وظيفه مو عشان البنت عشانك نفسك
يعني لو تزوجت بدون وظيفه وفرض قدرت تفتح بيت بالمستقبل بتقدر مع الاطفال وكذا
ومو معنا انك انرفضت من بيت خلاص الاشخاص السليمين ومعهم رواتب ينرفضون
نصيحه لاتفكره بالحين فكره لقدام يعني موترفض الزواج لسباب اشوفها تافهه
واسفه على الاطاله

 

[فهد المالكي]

رد: كرهنا الزواج وطاريه

مشكور كل من رد
خلاص ياخواني وخواتي قفلوا الموضوع
ومابي احد يرد لو سمحتم
وكل امور بسيطه وربنا بيكتب الخير لي
يمكن كتبت الموضوع وانا حزين
بس الحين الحمد لله مافكر بالزواج واحس ارتحت
وسلامتكم

 

[إحسـاسي]

رد: كرهنا الزواج وطاريه

اللي كاره واللي رافض واللي يبغى يتزوج ؛

وبالأول والأخـر الزواج قسمه ونصيب...!

وكل مين بيـاخد نصيبه ..

ربي يوفقك اخوي فهد ويكتب لك الخيـــر فين مـاكان

أغلقت الموضوع على حسب طلبك

وربي يوفق الجميع إن شـــاء الله ؛​