كيد النساء على خفيف

[بحر]

سبحآن الله وبحمدهـ ,سبحآن الله العظيم
عن الاخت صاحبة القصه
أشك صراحة أن عيال هالوقت مايعرفون شئ !!
في احد ايام رمضان المبارك كنت ماخذة اجازة من الصيام,و خلصت صلاة الفجر ..
وذهبوا افراد العائلة كلٌ إلى مرقده كما أعتقدت
هم راحوا لغرفهم من هنا ..وانا انطلقت للمطبخ من هناك
أخذت لي فيمتو و شبس:5: و طلعت لغرفة التلفزيون مبتهجة
وبينما أنا في خضم البلع والقحن والكركرة new14على مسلسل كوميدي كنت اتابعه وداخلة جووو
الا وينفتح الباب واشوف وجه كذا:scared: ويطلع أخوي " يونس "
-طالب في المرحلة المتوسطة يميل الى الامتلاء يملك عيون عسلية و حواجب كحلية -
كان يونس في أشد الدهشة والانبهار والتعجب حتى ظننت انه قد يموت بسكته قلبية
يونس : ماصمتييييييييييييي !!!!!!!
أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟
يونس : وجع ..من جدك تسألين هالسؤال ؟
أنا بكل ثقة وبجاحة: والله انت بعد سألني نفس السؤال
يونس: والله انتي اللي جالسة تبلعين وتشربين موب انا
أنا ممممممم شفت الولد ماعنده نية يفهم ,استوعبت انه ياأما أنه كان غايب في درس الفقه منهج سادس ابتدائي ..
ياأما ان مدرسهم طمر الدرس , ولا وش ذا الدلاخة
ومافيه مجال أصير ناسيه وأنا مجهزة العدة , كاس ثلج وفمتو ومنقيه الشبس اللي أبيه
المهم قلت في نفسي والله لو يموت مااعلمه أنا عن ذا العلوم..مو لهالدرجة أنا وسيعة صدر
فما كان مني ألا أني فاجأته قلت له
: اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت..
ان مت علم اهلي ,عاد خلاص مايقدرون يسوون لي شي

يونس واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني
< خرجت هذه الكلمات من أخي يونس بحماس مشبع بالسعابيل المتناثرة التي لامست وجهي :drool:

: أجل شف بصراحة أنا مسيحيــــــــة
يونس: لا والله !! قولي قسم بالله

: انا مسيحية ولا أقدر أحلف لان ديني غيركم < عشت الدور على طول
بس بقولك القصة يمكن تخف روعتك شوي
وتقدر تتفهمني و تحتويني وتحتضني (حسيتني بخرب الولد)

القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
و طفرانين ببعض وانا حسسوني دخيلة بينهم
ماادري ليه جابوني بسرعة اذا هم مايبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء
طيب ليش أجل تلبسين عبااااااية :icon_ninja:!! وانتي منتيب زينا < قاطعني أخي يونس بكل دلاخة
رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يوني فورم لسعوديات
ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!
: لا كنت أنام في الحصص وفي الاختبارات أغش
واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب
أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك
اما هذا لنا "مشيرا بأصبعه المشعر إليك " وخذوك معاهم ورحتوا تتمشون

المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور
الى ان أخذتني رياح الأقدار الى امراءة تدعى الأم تيريزا
وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت
(المهم ان المسكين يونس داخل جو مصدق)
بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي
واعتنقتها وأهلي مايدرون وللحين مايدرون

يونس أمبلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال
: طيب ماتفكرين تسلمين ؟ :confused1:

لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..
أنا ماأعرف في هالحياة الا أمي تيريزا
داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الكلام بروح أنام

جاء يوم غد ..وفجأة أسمع شي يخربش تحت باب غرفتي ..حامت كبدي حسبته صرصور ..قمت ابشوف مادريت الا كتيب ديني أندعس تحت الباب
واشوف ..الا عنوانه Islam ???!!

هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ
طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,
ماادري ذا الولد مخه وين

المهم انا عقب هالضحكة نسيت الكذبة ,ولهيت بمشاغل الحياة
وماعدى كم من يوم ,ألا وصدفه ان يونس مر جنب غرفتي وانا لابسة شرشف وأصلي,وأنا أسجد
مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي
أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير
الحمداللللللللله أسلمتي ,الحمداللللللللله أسلمتي
ودموعه تتقاطر على كتفي:icon_crying: ( ياكثر مايوصخني ذا الولد يابتفال يابدموع ..الله يصبرني )
بس والله رحمته حسيت بدموع صدق ,ماأدري هو أن عشت الدور ولا صياحه صيحني
ويمر أبوي قدام هالمشهد التراجيدي وينهبل
وجععععععع خير انهبلتوا ..وش صايرanger2
ويونس من هول سعادته كب العفش والعشا والقش كله
يحسبنه جاب العلم مايدري انه جاب العيد
بنتك أسللللللللللمت أسلللللللمت
لكن يوم عرف ابويه القصه
وياللأسف انجلدت بعدها جلد ماياكله حمار في طلعه :cursing:قلت في نفسي بس عادي مايجي شي عند هالخرطة اللي كبرالجبل .
ومشت على يونس الفتى صاحب القلب الكبير
هو و كتيبه الدعوي ببروزه عندي و اهدده فيه اذا اسرجل علي في المستقبل

 

[الحنان كله]

رد: كيد النساء على خفيف

ههههههههههههههه قصة مرره حلووووووووه وموقف مررره محرج

 

[زهرة الياسمين]

رد: كيد النساء على خفيف

موقف غاية في الاحراج

 

[المغامر]

رد: كيد النساء على خفيف

اضحك الله سنك اخونا بحر

من جد تصريفه على كيفك

لك مني التحيه والتقدير

 

[نهى]

رد: كيد النساء على خفيف

[align=center]
ههههههههه
ضحكوني
[/align]

 

[المتفائل]

رد: كيد النساء على خفيف

[align=center]
ههههههههههه
زاحفه هالبنت قصه حلوووه
يعطيك العافيه اخوي بحر
[/align]

 

[فخوره باعاقتي]

رد: كيد النساء على خفيف

ههههههههههههه والله مـــــــــــــره تضحك البنت ذكيه مرررررررره وفيها شويت غباءهههههههههههههه
رررررررررررررروعه:thumbup:

 

[مرح]

رد: كيد النساء على خفيف

والله تجلط من الضحك عاد ما لقيتي الا نصرانيه؟
طيب بعدين اذا طاح عليك مره ثانيه وش بتقولين؟؟

 

[قاهر اليأس]

رد: كيد النساء على خفيف

انا دموعى قامت تصب على يونس يوم يدز الكتاب من تحت الباب والكتاب انجليزي هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يقولها مافكرتى تسلمين هههههههههههههههههههههههههههههههههههههههههههههههههههههههههههههه

 

[المحاربة]

رد: كيد النساء على خفيف

[align=center]
ههههه
آخر الزحفان
يعطيك ألف عافيه أخوي
لاهنت}’
دمت في حفظ الله
[/align]