كيف أكمل دراستي على حساب الدوله

[هيام]

السلام عليكم ورحمه الله وبركاته
أتمنى الللي يعرف يجاوبني أنا ناويه أكمل دراستي ومافيه تكمله الا على حسابي
والتكاليف غاااليه كيف أقدر أكملها على حساب الدوله أو على حساب جمعيه بما أني من ذوي الأحتياجات الخاااصه
اللي يعرف يقولي أو يدلني على الطريقه
دقيت على التاهيل الشامل بالبكيريه مايردون ودي أكمل دراااستي لكن كيف؟

 

[عيسى محمد]

رد: كيف أكمل دراستي على حساب الدوله

هيام

الله يعينك ويوفقك ويكتب لك الخيره
والله مدري بس الاكيد اللي عنده واسطه واعلام رايح تعرض له كل الخدمات
واللي ماعنده اعلام وواسطه الله يعينه يصبر والله يفرج همه ولا ولات الامر
ماقصروا الله يحفظهم ولكن المسؤلين هم السبب بــ اهمال الاوامر واهمال المعاقين

 

[ياسر العسيري]

رد: كيف أكمل دراستي على حساب الدوله

وعليكم السلام ورحمة الله
طبعا ما أعرف قصدك هل الدراسة داخل أم خارج المملكة
لا يوجد دراسة على حساب الدولة إلا عن طريقين:-
1- الإبتعاث عبر برنامج الملك عبدالله للإبتعاث
2- مركز الأمير سلمان لأبحاث الإعاقة
كل ما سبق قد يكون من ضمن البرنامج دراسة داخل المملكة


والله أعلم

 

[هيام]

رد: كيف أكمل دراستي على حساب الدوله

لا بكمل دااخل المملكه لكن أبيه على حسابهم
وكيف أرسله أو أيش هو رقم مركز الأمير سلمان

 

[صويلح]

رد: كيف أكمل دراستي على حساب الدوله

الله يوفقك لما يحب ويرضى

 

[مطنوووخ]

رد: كيف أكمل دراستي على حساب الدوله

اختي هيام طبعاً فيه عدة طرق بحسب معرفتي وتجربتي الشخصية:
1- انك تدرسي انتساب في احد الجامعات مثلي انا في جامعة الامام بمبلغ وقدرة 2500 ويعفونك من الرسوم بقدر 70%
2- او انك تقدمي لجمعية حركية وهم يبعثون لك خطاب للجامعة .
3- او الاتصال بمؤسسة الأميرة العنود الخيرية لمساعدتك في تحمل مصروفات الدراسة ع حساب مؤسسة الاميرة العنود الخيرية.

اختي هذا اللي اعرف بحسب معرفتي الشخصية واي استفسار انا حااضر وتقبلي تحياتي

 

[المتفائل]

رد: كيف أكمل دراستي على حساب الدوله

[align=center]وعليكم السلام ورحمة الله وبركاته
كما ذكر لك اخونا ياسر واخونا مطنوخ
واذا كنتي مستفيده من الضمان اطلبي من الجامعه
نموذج اعفاء من الرسوم تصدقينه من مكتب الضمان
ويتم اعفائك ان شاء الله اختي هيام
[/align]

 

[المتفائل]

رد: كيف أكمل دراستي على حساب الدوله

2- او انك تقدمي لجمعية حركية وهم يبعثون لك خطاب للجامعة

اخوي مطنووخ جمعية حركية
تقتصر فقط على اهل الرياض ​

 

[هيام]

رد: كيف أكمل دراستي على حساب الدوله

ماقصرتم الله يوفقكم
لكن يعني أروح للجامعه وأقول لهم عطوني خطاب ولا ايش أنا مستفيده من التأهيل الشامل بس
أخووي المطنوخ جامعه الاماام هذي بالرياض صح طيب كيف أقدم عليها أنا ودي تكون الجامعه بالقصيم قريبه لأهلي

 

[مطنوووخ]

رد: كيف أكمل دراستي على حساب الدوله

ماقصرتم الله يوفقكم
لكن يعني أروح للجامعه وأقول لهم عطوني خطاب ولا ايش أنا مستفيده من التأهيل الشامل بس
أخووي المطنوخ جامعه الاماام هذي بالرياض صح طيب كيف أقدم عليها أنا ودي تكون الجامعه بالقصيم قريبه لأهلي

اختي الدارسة عن طريق الانتساب في الجامعة يعني بس تروحين وقت الاختبارات والمحاضرات تنزل على موقع الجامعة وطبعا يكون اختبارك في نفس المدينة اللي انتي فيها يعني لو بالرياض اختبارك بالرياض او مثلا بالقصيم لهم مكان معتمد للاختبارت

واي استفسار انا حااضر

 

[المتفائل]

رد: كيف أكمل دراستي على حساب الدوله

ماقصرتم الله يوفقكم
لكن يعني أروح للجامعه وأقول لهم عطوني خطاب ولا ايش أنا مستفيده من التأهيل الشامل

اذا مستفيدة من التاهيل ماراح يعطوك
هذي خاصة بالشخص المستفيد من الضمان​

 

[صويلح]

رد: كيف أكمل دراستي على حساب الدوله

يعني مايقبلون من التاهيل الشامل بس من الضمان

طيب اذا انا معطيني الضمان مساعده اخذ من عندهم خطاب عادي

 

[هيام]

رد: كيف أكمل دراستي على حساب الدوله

طيب أبوي مسجل بالضمان
وأنا كيف أقدم بالضمان ولا مايصلح لي