كيف تقضي وقتك؟؟؟

[مايباخ]

السلام عليكم..
أسعد الله صباحكم ومسائكم بكل خير..

بما أننا نعاني من إعاقه مشتركه وهي الإعاقه الحركيه حبيت أطرح هذي الفكره لتعم الفائده بإذن الله الفكره بإختصار نريد نعرف كيف تقضي وقتك اليومي أيها المعاق؟؟؟
لعنا نستفيد من بعض والعكس..

أرجو التفاعل من كل الموجودين بدون إستثناء.

 

[الامل المتجدد]

رد: كيف تقضي وقتك؟؟؟

ميباخ
طرح قد نستفيد منه جميعا
بالنسبه لي عمر ما كانت اعاقتي تتحكم في قضاءوقتي او تحدد معالم ذالك الوقت
(يمكن بيقول البعض مثاليه بازياده وعايشه زمن افلاطون)
في الصباح 6:45اكون في الدوام
الظهر 12:15ينتهي دوامي
بعداداء الصلاة اشيك على المننتدى
العصر جلسة الشاهي وهي احب الاوقات عندي
بعد المغرب جلسة القهوه
بعد العشاء اقرا &اسوي اي شيئ في بالي
الساعه 11:00لازم اكون في السرير رفع شعار لالالالالالالالالا لسهر

يوم الاثنين غالبا دورية فطور بعد المغرب -------اقارب
يوم الثلاثاء بعد العصر دوريه عائليه

وخميس اجتماع منزلنا اكون مشغوله فيه اغلب الوقت

والجمعه الله يبارك فيه قهوة بعد الصلاة والعصراحب اكون في البيت وينتي بسرعه
لان الي مسافره شغالتهم لازم تشيك على البيت بعد اجتماع الخميس هههههه والله دوشه بس متعه
والسوق ماله وقت محدد

بس والله النت ماخذ وقتي وخاصه هذا المنتدى كل ما قلت ابسكر تروح الساعه ما حسيت فيها

 

[مايباخ]

رد: كيف تقضي وقتك؟؟؟

شكراً أختي الأمل المتجدد ونظام مرتب ماشاءالله..

ع فكره أنا نسيت نفسي..

أقوم من النوم الساعه8 أدري كسول شوي..
طبعاً أفطر واشبك ع النت واشوف المنتدى والبريد
إلى الساعه 11 بعدها أجلس مع الوالده الله يحفظها إلى الغدا بعدها اريح ع السرير إلى بعد العصر وانزل ع الكرسي الغالي..
واستقبل بعض الجيران والزملاء ونشرب قهوه للمغرب مو زي بعض المسؤولين مادروا عنا ههههه..
بعد المغرب قراءة قرآن وبعض الكتب..
بعد العشا نتعشى طبعا وكلها ساعه ساعتين وانزل للسرير واشبك إلى 12 وتصبحون ع خير..

غالباً طلعتي خارج المنزل ع حسب الترتيب.

 

[ابن جلال]

رد: كيف تقضي وقتك؟؟؟

العصر جلسة الشاهي وهي احب الاوقات عندي

والله فله جلسة الشاهي أجل راعية مزاج يالأمل المتجدد

أقوم من النوم الساعه8 أدري كسول شوي..

ماشاء الله عليك أجل لو تدري عني وش بتقول عن نفسك

*******************************************************************************
أما أنا
أقوم من النوم حدود الظهر قبله بشوي بعده بشوي >>وياويل اللي يصحيني قبل أقوم من نفسي
وبعدها أقرب الدله المهيله وهاك القدوع اللي ماني معلمكم وشوو >>الوالده مدلعتني بس لا تعلمون أحد
وبعدها أدخل أتصفح الجرايد والبريد حقي >>ماشاء الله علي عيني علي بارده كأني مسؤول
وبعد العصر أطلع أدور لي علي خريمة أقطعها >> الولد متعود على قطع الخرايم
وما أرجع إلا بعد صلاة العشاء وأجلس مع العود شوي نتبادل العلووووووم هههههههه

وبعدها اذا العيال مسوين جلسة بلوت أروح اكسر روسهم شوي وآخذ معهم صكتين وأرجع أكمل السهره مع حبيب القلب كمبيوتري >>ياحبني له حيل

وما أنام إلا بعد الفجر لأني أحب الأشعه الفوق البنفسجيه اللي ما تطلع إلا بعد الفجر >>أخس يالصحي

 

[القحطانية]

رد: كيف تقضي وقتك؟؟؟

[align=center]
مرحبا :

بالنسبة لي :

الحمد لله موظفة بالرغم أني مليت منها بس الله يعوضني بأفضل منها أصحى الساعة 5.00 الفجر
أصلي و أتجهز للدوام أطلع من البيت حوالي الساعة 6.45 صباحاً ينتهي الدوام الساعة 12.35 ظهراً
و لكني أغلب الأحيان أكون مشغولة و لا أطلع إلا ( وحدة إلا عشر ) أوصل البيت صارت الساعة تقريباً
الساعة 1.20 أتغدى أشيك على المنتديات المشاركة فيها يكون العصر أذن أصلي و بعدها نوم حتى
صلاة المغرب بعد ما أسحى أبتل بشغلي طبعاً تبع المجمع و أسوي إتصالات و بعدها أرجع للمنتدى
الرئيسي و أجلس أطقطق فيه حتى الساعة 11.00 ...

شخصياً لا أعيش بالروتين و لا أتقبله أبداً ...

أحب الكتابة كثيراً و تصميم و تنسيق المجلات و المنشورات فبين فترة وفترة أعمل شيء من ذلك
أقرأ لكن للأمانة لستوا من هواة القرأة بشكل كبير ولا أقرأ أي شيء فقط في كتب علم النفس و الإجتماع
و التربية وتطوير الذات ...


القحطانية ..[/align]