الأم

[الصابرة]

قصيدتي زاد بعيوني جمالها
وأخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها

كتبتها في غربتي يوم رحلتي
لما طرالي بالسفر ماطرا لها
أمي وانأ بوصف لها زود حبها
وان ماحكيت لها قصيدي حكالها
أمي لها بالقلب والجوف منزله
مكانة ما كل محبوب نالها
اقرب من ظلالي وانأ وسط غربتي
وانا تراي اقرب لها من ظلالها
ماشافت أعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
وأكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والأشواق بحرها
والعطف وإحساس الغلا رأس مالها
أهيم فيها وابتسم يوم قلبها
يسأل وانأ قلبي يجاوب سؤالها
وان أطلبتني شي فزيت مندفع
أموت أنا واحمل تعبها بدالها
واصبر على الدنيا والإحزان والتعب
واحمل على متني فطاحل جبالها
واسهر أعذب راحة القلب بالشفا
وأعيش أعاني بس يرتاح بالها
تربية أبوي اللي على الطيب بذكره
اللي وهبني الحياة ومجالها
نور لي ادروبي وانأ طفل مبتدى
حتى تركني واحد من رجالها
الوالدين أولى بالإحسان لجلهم
وأولى بتكريم النفوس وعدلها
أقولها وانأ على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولأبي عيوني كان ماهي قبالها
أرض ٍ تدوس أمي بالإقدام رملها
أموت فيها واندفن في رمالها​

اللهم أحفظ أمهاتنا وانعم عليهم بالصحة والعافية​

بصراحة قصيده اعجتني كلماتها عن الأم لشاعرنا الكبير حامد زيد

وحبيت انقلها لكم

​

​

​

 

[زهرة الياسمين]

رد: الأم

مشاعرنا تجاه امهاتنا اعظم من ان تترجمها ابلغ الكلمات
شكرا لك ايتها الصابره

 

[الصابرة]

رد: الأم

مهما قلنا عزيزتي فلن نعبرعما بداخلنا ,,,, تسلمين على المرور ياأحلى الزهور

 

[برتقاله]

رد: الأم

أه أه ياقلبي
وازيد على كلماتك ياغلا

لوتدرين يايمه بعد فرقاك وش جرالي
اتألم يايمه وانوم جفاني
احتظن يايمه اخواني
وانا يايمه بحاجت من يحتظني
ويمسح احزاني
ياليت يايمه الموت اخذني يوم اخترك وخلاني



هالكلمات تو طلعت وما جهزتلها
كل الشكر اختي

 

[الصابرة]

رد: الأم

اسفة برتقالة اذا هالقصيدة زعلتك وذكرتك بالغالية ..

 

[برتقاله]

رد: الأم

عادي ياقلبي ولا تشيلين هم
يمكن طرح حرك مشاعري
اشكرك ياغلا

 

[الحنان كله]

رد: الأم

كلمات ولااروع عن اغلى البشرمن شاعر كبير ومميز مشكوووووره قلبوالصابرة على هالنقل الجميل

 

[الصابرة]

رد: الأم

تسلمين يالحنان على مرورك :confused1:

 

[غلاها من حلاها]

رد: الأم

تسلمين اختي الصبارة على الكلمااااااااات الرئعـــــه يعطيك العافيه
تقبلي تحياتي.

 

[نور]

رد: الأم

القلب يحزن والمدامع غزيرة
في جوفي نار من لهبها تباكيت

والدار ظلمة كانت امي تنيره
يايمة وينك من دونك خلا البيت

قلبي يتفطر على الفرقا المريرة
امنت بالله وباقداره ترضيت

الموت حق وكل له مصيره
وبموت النبي قبلك يا يمة ترضيت

هذا جلالك وريحك في عبيره
كل يوم اشمه واذا شفته تهنيت



اللهم ارحم امي وامهات المسلمين

واحفظ امهات المسلمين

ياااارب