لاني معاق يعني

[ابو عكاز]

[align=center]
بسم الله الرحمن الرحيم
لا اعلم من اين ابداء ولاكنن سابداء

الكل يعلم عن الغلاء الدي يمر به كل موظف من ايجار ومن مواد غدائيه
ومن ومن آلخ...

قررت ان ابحث عن عمل اضافي يساعدني على متطلبات الحياه .. واتبعت جميع الاعلانات ولكنها كدب
ومحاباه لمن يملكون السلطه من اصحاب الشركات والمؤسسات التجاريه

جلست طويلا افكر وافكر ...
فقررت ان ابتاع ليموزين < تاكسي >
والحمد تم مبتغاي .. واتت هنا الطامه الكبرى .. كيف انقل ملكيته لان من شروطه ان احصل على رخصه عمومي

دهبت الى المرور وقال لى مدير دله << مادري ليه مسمينها دله ؟؟؟

قال بهده الفضه ... ااهه تبي رخصه عمومي انت ؟؟؟ عرفت حينها انها سدها بوجهي . قلت لا امي ايه انا .. قال سلامات << بالله عليكم هدا اسلوب مدير؟؟؟

قال مانعطيك النظام لا يسمح ..قلت اختبر قدراتي صحيح انا معاق حركي لكنني والحمد لله متمكن من القياده فانا اقود سيارات كبيره بنفسي والحمد لله

قال لالالالا ممنوع << مادري هو يحب التعقيد ولا ايش

قلت الله الغني عنكم ..

طلعت والحمد حصلت شخص دو شهامه ومروه نقل السياره باسمه وانتهت المعاناه الاولى...

طلعت بالتكسي وانا افكر كم بجيب وكم بوفر حتى اني فكرت اشري ناطحت سحاب من التكسي ههههههه

انصدمت من اول راكب << اصور لكم الموقف

ماشي ااااااننننننن << صوت السياره
اها هداك راكب >> لف عليه بغى يدهسه
ديييييد >>> صوت البوري
الرجال يشر << تاكس < مصلح كاااش ابن الاجواد
انا ياحليلي فرحان << هلا عم وين بغيت مصلح اني خبره بالمشاوير
ابي اااااااااءءءء سكت << كانه غص بحجر ولا جاته دبه صدريه
انا مندهش هلا << يعني تكلم يرحم امك قبل تموت كاني بارث منه
وش اللي جنبك << مدرعه ولا قاصفت صواريخ
لا عكاز << كاني موريه صور ممنوعه
لا انا انتضر واحد يبي يمر << صرفني
الله ياخره الى الفجر ويجيك وهو تعبان ويعجز يوقف عندك ويتعداك >> دعوه من قلب ههههههه
رجعهت للبيت وشهر ماحركت السياره جتني صدمه عاطفيه <<<وش عنده رشدي اباظا

القصه هده باساله ؟؟

وش يمنع اعطاء رخصه عمومي رغم السياره خصوصي ؟؟
واحد يقود السياره بتمكن ليه الخوف من قيادته < بعد حفظ الله >؟؟؟
[/align]

 

[سعوديه كوول]

رد: لاني معاق يعني

التخلف فقط
ولا من زين اشكال سواقين الموزينات يا شيبان تخاف يموت بلمشوار ولا يشوف وبس يمشي ويسب ويضرب بوري ولا اشكالهم شبهه وريحت الدخان تفوح
بس انت ماعليك منهم استمر وثابر ورزقك على الله

 

[احمد زايد]

رد: لاني معاق يعني

يؤسفني اقول لك نعم لانك معاق

بالنسبه للرخصه انا عندي رخصة قياده من سبع سنوات خصوصي الطامه يوم جيت اجددها رفض مدير الرخص في جده يقول لا لازم تركب جهاز للسياره قلت الجهاز لغيري انا اسوق بدون الجهاز رد وقال لي لا هذي فيها مساءله ما اقدر اجدد لك رخصتك الله يخلي الواسطه واحد من الشباب يعرف له معقب ارسلت له رخصتي وجددها لي من الرياض

الدنيا ماشيه بالواسطه عندك ظهر تستند عليه والله لو انك تحبي حبي بتاخذ الرخصه بتاخذها
دور لك على معقب تراهم مصايب يسوون اللي ما ينتسوى ههههههههههههههههه

كلمة اخيره : لايثنونك عن طموحك بتعاملهم ترى مافيه عسكري ولقيته صاحي حتى الضباط فيهم جهل وتعنت عجييييييييب

 

[عبدالعزيز الحمر]

رد: لاني معاق يعني

[align=center]
للاسف ذوي الاعاقة لا يستطيعون الالتحاق بالقطاع العسكري ولا سلك التعليم ولا الكادر الفني الصحي ولا سائقي سيارات اجرة
ولا بالاعمال التي تحتاج لمجهود بدني شاق ومعظم الاعمال تحتاج الى ان يكون الموظف لائقا طبيا
وحتى اذا وجدت وظيفه حكومية تناسب المعاق تجدها بدون منزلق واحد الزملاء يعمل بجهه دورات المياة " اعزكم الله" في الدور العلوي
ومن هنا انصح اي شخص تغلق الابواب امامه في دائرة سواء كما ذكر الاخ الكريم ابو عكاز"المرور" او غيرها ان يخرج منها ويتجة الى قسم أخر لانجاز مهمته
للاسف الشديد الانظمة ارتجاليه وحسب الاهواء الشخصية
كان الله في العون
[/align]

 

[ابو عكاز]

رد: لاني معاق يعني

الله لا يهينكم
مروركم اسعدني

ولكم على مشوار مجانا ههههه

دمتم باحسن حال

 

[شايل البيرق]

رد: لاني معاق يعني

آهاااااااااااااااااا .. تبي تشتغل يابو عكاز ليموزناتي هاااااااه
طيب لو قابلت ضعيف الله واحد على الكرسي مقعد وش تسوي أنت وياه
( بتبحلون ) في تطليع الكرسي الشنطة
لكن ..؛ تبغى الصدق ونا اخوك
أنصحك نصيحة لوجه الله، لا تكون نظامي ومسوي فيها ياباني
يا حبيبي أشتغل على اللموزين أو التكتك أو حتى سيارتك الخاصة وأطلب الله الرزق
لا تحاول زيارة أي مؤسسة حكومية لكي تأخذ منها تصريح
لإنك بعدها راح تنصدم وتجلس على بوابة الجهة الحكومية وتغني (( ظلموه ))

الله يرزقك من واسع فضله ولا يصدفني في واحد على اللموزين عنده إعاقة لإني ( بتورط ) أنا وياه في كرسي الجن حقي

حبي لك ودعائي لك حبيبنا أبو عكاز ذهب

 

[عبدالعزيز الحمر]

رد: لاني معاق يعني

[align=center]
اضحك الله سنك يا شايل البيرق
ههههههههه
وين يشتغل على التكتك ؟
حنا في الهند ولا في اقاليم مصر لانهم منعوه عن القاهرة
[/align]

 

[همس الحياه]

رد: لاني معاق يعني

[align=center]
هذان المثلان مشهوران عند الشيبان اللي في قريتنا!!
الرازق في السماء والحاسد في الارض
كُلاٍ رضى بعقله حتى المجنوان راضي!!
بس محد رضي برزقه!!
فعلا تنطبق المثلان ع حالنا اليوم يعني وش فيها دام انه متمكن لو ساق سياره!!
ياهوووووووو والله احنا عايشين في تخلف!!
[/align]

 

[الاء الحلوه]

رد: لاني معاق يعني

في الدنيا هذي اذا معك واسطه صير كل شي تبيه

 

[ابو عكاز]

رد: لاني معاق يعني

[align=center]
ههههه تكتك لو فيه سمحو للهندي والباكستاني اللى يجي من بلاده يسوق بقره وانتم بكرامه

وحنا اول مايششوفوناااا
طووووط على جنب ياراعي التكتك

بصراحه ماعلي لي الان سنتين ونص السنه والحمد لله
ماشي زي الوز
وحاط اعلان بالجمعيات الخيريه اي شايب او عجوز لاتسمح حالتهم الصحيه والماديه وعندهم مراجعات بالمستشفيات
توصولهم مجاناً على التاكسي حقي
لا يمنع ان نكون سائقين او فنيين لان مايشغل اليد ليس بعكاز بل هو مساند لايمنعني من العطاء اتجاه الاخرين
ممن هم بحاجتي
عملت باحد المستشفيات الحكوميه ولا زلت
فمرت على ايام مرابطه ايام العيد تصدقون بالله
اننيي عملت

اسبوع كاملاً مع دكتور سوداني اكثر وقته نايم
اشتغلت موظف يسجل الحالات المرضيه
وشتغلت ممرض يقيس الحراره
وشتغلت دكتور يعطي النصائح والارشدات للمريض
وصيدلي يصرف العلاج
ولكن هيهااااات يازمن
دمتم

ربما خرجنا عن صلب الموضوع احد يعرف عايض هههههههه
الدنيا تسالي وضحك اضحك ولا تشيل الهم
[/align]