الإعاقة في الأمثال الشعبية

[رجآوي]

إليكم أقدم هذه المجموعة من الأمثال الشعبية التي ورد فيها ذكر الإعاقة - طبعاً بالألفاظ المستخدمة في المجتمع مثل ( الأعمى / الأطرش / الأعرج / الأكتع / المجنون / الأهبل / الأخرس / الأعمش / الأعور ... إلخ )
وهي أمثال نقلتها كما هي باللغة العامية ولا أريد أن أعلق عليها وأترك لكم الحكم والتعليق إذا ما كان فيها نظرة سلبية أم لا :




" الأعمى أعمى القلب "



" الأعمى بعملها على السطح ، وبيخمن ما حدا شافه "



" الأعمى اللي بتشوفه كب عشاه ، أنت مش أدرى من اللي عماه "



" إن شفت أعمى دبه ، وخوذ غداه من عبه ، ما انتش أخير عليه من ربه "



" قالوا للأعمى : شو بدك ؟ قال : جوز عيون "



" أعمى وبتعامى "



" أعمى وبعينه قشه "



" أجا للعميان ولد ، عوروه باللحمسة "



" إلي إله عين مش أعمى "



" الحظ لما يواتي ، بيخلي الأعمى ساعاتي "



" الحما ، عمى ، ولو لبست عوينات "



" الرمد ولا العمى "



" بريد يشوف العمى ، ولا يشوفني "



" شو بده الأعمى ؟ قال : قفة عينين "



" دب أعمى طاح الجمل "



" شو ما حطت العمشا ، جوزها بتعشى "



" صراف أعمى وكيسه مخزوق "



" ضربة أعمى "



" طبق فيه طبقة أعمى بزاوية "



" عصاة أعمى "



" يا اللي واقف بين الأعمى وعصاته "



" نص العمى ولا كله "



" عقلة أعمى بزاوية "



" العمش ولا العمى "



" عميا بمكحلتين ، وقرعا بمشطين "



" ما عمى إلا عمى القلب "




" ضربوا الأعور على عينه قال : خسرانة خسرانة "



" ما بتتكحل العورا إلا والقاضي بيكون راح "



" بس جابت حوارها بين عورها "



" إعور ، إعور بعينه "



" الأعور بين العميان ملك "



" إعور لا تجاقر ، واقرع لا تناقر "



"إدلعي يا عورا مانتيش عَ البال "



" أضرب الأعور على عينه "



" إنتم جقم ، وإحنا عور ، خلوا هالطابق مستور "



" أوصيك ببنت العم ، خذها يا فتى ، ولو أنها عورا بعين "



" راح الأعور يتبعر "



" شاة الدار دورة ، وبنت العم عورا "



" تمنيت لي بنت ولو عورا "



" شلي ملي هوي قميص ، إكتع إعور هوي عريس "



" حولا وبتغامز القمر "



" قرع يا أقرع قام الشر يا عورا "



" صار لها جوز ، صارت تقول أعور "



" صح لها جوز بالحيلة ، قالت : إعور وهمته ثقيلة "



" صباح الخير يا أعور ، قالت : هذا باب المناقرة "



" العورا لابن العم "






" إجريها عوج وبدها بابوج "



" رجلين عوج وبدها بابوج "



" الأعرج بين المكرسحين غزال "



" إعرج وبسابق الخيل "



" كل ذي عاهة جبار "



" على العرج ما في حرج "




" الإبرة وقعت في البير : الأطرش سمع رنتها ، والأعمى شاف وين وقعتها ، والأخرس سب عيلتها "



" طبل عند أطرش "



" الطرش للأكابر ، والعمى للخرافيش "



" الأخرس بيعرف لغة الخرسان "



" أم الأخرس بتعرف لغوه "



" زي الأطرش في الزفة "



" تسمع صوته ، وتقول : نيالك يا أطرش "





" عطاه ذانه الطرشا "





" اسم المجنون بكل مطرح بيكون "



" جابوا للمجنون ألف عقل ما رضي بغير عقله "



" خوذ المجنونة بنت العاقلة ، ولا توخذ العاقلة بنت المجنونة "



" جسم بغل وعقل سخل "



" رزق الهبل عَ المجانين "



" رزق الهبل ميسور "



" خذها بيضا ولو مجنونة "



" خذوا الحكمة من أفواه المجانين "



" بس دقت الطبلة بينت الهبلة "



" بصرت المبصرين صدقوا الهبل والمجانين "



" طاحونة المجانين بيدورها رب العالمين "



" عصا المجنونة خشبة "



" العرس لاثنين ، والمجانين ألفين "



" نيال المجنون بعقله ، لا بتغير ولا بيخس أكله "



" عرس المجانين في كوانين "



" مش مجنون اللي زرع السطح ، مجنون اللي أعطاه البذار "



" يا زينة الدار مثلك المجانين كثار "



" المجانين أولاد عالم "



" مجنونة البنات عاقلة النسا "



" مجنون رمى حجر ببير ، ألف عاقل تيطلعوه "



" المجنون سياج نفسه "



" مجنون يحكي وعاقل يسمع "




" يا الله موته بلا عاهة "

​

 

[التفاؤل والأمل]

رد: الإعاقة في الأمثال الشعبية

[align=center]يعطيك العافية..[/align]

 

[رجآوي]

رد: الإعاقة في الأمثال الشعبية

[align=center]يعطيك العافية..[/align]

الله يعافيك
شرفني مرورك..​

 

[الحنان كله]

رد: الإعاقة في الأمثال الشعبية

يسلمو قلبو راجية