الاعاقة الحركيه

[نصنص]

السلام عليكم ورحمة الله وبركاته

انا مسجله فالمنتدى بااسم اخوي علشان احنا مره محتارين اخوي صار له حادث وصار مشلول حركي نصفي الحمدالله على كل حال :icon_crying:
وحالته النفسيه مو تمام ابيكم تساعدوني وش الاشياء الي نسجله فيها وش يحتاج والاشيآء الي نوفرها له
هو له يومين من طلع عندنا بالبيت كيف نهتم فيه اكتبوا كل شي بالتفصيل حنا بحاجه لاي معلومه تكتبونها لان ماعندنا خلفيه عن هالشي ابد

المرافقين بحثنا ولا حصلنا خذينا له ممرضه تجي كل يوم تغير له الحفاظات وانتم بكرامه لان انا الي اعتني فيه ولا اقدر اقوم بهالشي صعبه والممرض بالشهر سعره خيالي 7000 وفوق
والنقل كيف تتنقلون بالسياره لان هو لسى يتالم من عملية تغيير الفقرات وشيله مره صعب ونبي نراجع فيه علاج طبيعي ولا ندري هل فيه نقل متوفر بالرياض زي التكاسي وكذا
الله يجزاء كل من يرد علي كل خير ويشفيه يارب وجميع مرضى المسلمين ​

 

[المتفائل]

رد: الاعاقة الحركيه

[align=center]وعليكم السلام ورحمة الله وبركاته

الله يكون بعونه اختي وبعونكم ويشفيه ويكتب اجره
اذا لم يكن موظف قبل الحادث
عليه ان يسجل بالتاهيل الشامل طبعا راح يمشي له مساعدة شهريه قدرها 833 ريال
وايضا يتم صرف مايحتاجه من كرسي متحرك وسرير
وايضا يقدم على الضمان الاجتماعي يمشي له مبلغ شهري وقدرة 862 ريال
ومساعدة مقطوعة من الضمان سنوية يقدم عليها سنويا مقدارها 10400 ريال

يحتاج مرتبه هوائية توضع فوق السرير عشان تمنع ظهور الجروح ((التقرحات)) في الجسم
وخاصة على الوركين واخر الظهر ((العصعص)) ولازم يتقلب كل ساعتين او ساعتين ونص
يعني اذا جاء ع جنبه الايمن لايتجاوز ساعتين ونص بعدها ينقلب ع ظهره وبعدها ع جنبه الاخر وهكذا
والله يا اختي المرافقين فيه صعوبة الواحد يحصلهم ممرض ممكن تستقدموا له من الهند ممكن راتبه 1800 ريال
هو شلل نصفي يقدر يقوم بنفسه ويخدمها لان يدينه سليمة لكن عشان هو توه جديد بالاعاقة مايعرف شي
وكذلك اختي النقل لذوي الاحتياجات الخاصة للاسف الشديد جدا فاشل ولايكاد يوجد

بسالك هو باي مستشفى تنوم
لانه يحتاج للتنويم بمدينة الامير سلطان بن عبد العزيز للخدمات الانسانية
موقعها على طريق القصيم
ضروري جدا يدخلها للعلاج الطبيعي ويعلموه كيف يتعامل مع اعاقته والوضع اللي هو فيه
عشان يقدر يخدم نفسه ويعتمد عليها



[/align]

 

[نصنص]

رد: الاعاقة الحركيه

مشكوور الله يجزاك خير ويشفيك ويعافيك
كان متنوم بالسعودي الالماني وسوا العمليه فيها
وبيروح لمدينة سلطان بس قالوا لازم يجلس شهر فالبيت علشان يضمنون انه خالي من الكورونا مدة حضانتها شهر طبعا قرار فاشل فيه ناس تحتاج علاج سريع وشهر كثير حجزنا له بالمركز التشيكي على مايخلص الشهر صعبه يجلس بدون علاج طبيعي مدة شهر بس مثل ماقلت المشكلة الحين في وسيلة النقل سمعت ان فيه سيارات تتاجر مجهزه بس ماادري وين

 

[المتفائل]

رد: الاعاقة الحركيه

[align=center]الله يكون بعونكم
اختي ممكن تتصلوا على شركة ذيب لتاجير السيارات
الرقم الموحد 920000572
لان عندهم خدمة راحة لذوي الاحتياجات الخاصة[/align]

 

[إحسـاسي]

رد: الاعاقة الحركيه

وعليكم السـلام ورحمة الله وبركاته

حمد الله ع سلامة اخوكِ اختي
وربي يكتب له الشفـاء العاجل إن شـاء الله
ومرضى المسلمين ..
اخونا المتفائل
الله يعطيه العافيه ماقصر..!
لكن ماحبيت أمر ع الموضوع بدون ما ادعي له"​

 

[نصنص]

رد: الاعاقة الحركيه

مشكورين رحنا نستاجر سيارة من ذيب للسياره للاسف كلها ماجره
ودقيت على جمعية حركية مافيه احد يرد
فيه شركات غير ذيب ؟

 

[دنيالحزن]

رد: الاعاقة الحركيه

الله يشفينا ويشفيه ويشفي جميع مرضى المسلمين
اخونا المتفائل عطاك جميع المعلومات المهمه
باقي السياره روحي بنفسك لجمعية حركه وخذي معك التقارير وإن شاء الله يفيدونك لأن عندهم خدمة توصيل ذوي الإحتاجات الخاصه

وأهم شي راجعي معلومات الأخ المتفائل وإحرصي عليه انه مايجيه جروح
لأن مركز الأمير سلطان لو شاف فيه جروح غالباً يرفضون يستقبلون الحاله

 

[عبدالملك العمرو]

رد: الاعاقة الحركيه

شركة بلو كونكت ينقلون ذوي الإعاقة بس غالي شوي

9200 04948


---

 

[حياتي حلوه مع معاق]

رد: الاعاقة الحركيه

الله يشفيه ويعافيه لكم ويسر اموركم يارب...

 

[بنت غامد]

رد: الاعاقة الحركيه

الله يشفيه ويكتب اجرك

 

[العطاوي]

رد: الاعاقة الحركيه

الله يشفيه ويعافيه لكم ويسر اموركم يارب...

 

[موت و ميلاد]

رد: الاعاقة الحركيه

الله يشفيه ويكتب اجرك

 

[نصنص]

رد: الاعاقة الحركيه

شكرا لكل من دعاء لاخوي وهو حاليا بخير والحمدلله
ومتواجد في مدينة الامير سلطان حابه اعرف مواقيت الزياره
وقالوا ممنوع يطلع فالعيد كيف يكون الوضع هناك اول العيد عادي نروح نزوره من الصباح علشان مايضيق خلقه ولا ممنوع
اخوي لسى منوم جديد علشان كذا ماعندنا معلومات كافيه واتمنى تساعدونا بخبرتكم

 

[ابوفيصل الشهري]

رد: الاعاقة الحركيه

الله يشفية ويعافية

 

[فتااة الشررق]

رد: الاعاقة الحركيه

الله يشفي كل من هو مريض

 

[أحمد الدريس]

رد: الاعاقة الحركيه

الحمد لله على كل حال يا أخت نوره ومالك إلى الصبر :icon_crying:

 

[اسير القرني]

رد: الاعاقة الحركيه

الله يشفيه ويكتب اجرك

 

[اسير القرني]

رد: الاعاقة الحركيه

الله يشفيه ويعافيه لكم ويسر اموركم يارب

 

[ام سلومي]

رد: الاعاقة الحركيه

رربي يشفيه ويعافيه ويشفي جميع مرضى المسلمين

وربي يجعلها في موازين حسناتك يارب

ماعندي معلومات تفيدك اتمنى الاخوان يفيدوكي

تقبلي مروري وجزيتي كل الخيرر