البطاقه وطلعت لكن مشكلة التفعيل ؟

[دموع لاتجف]

السلام عليكم ورحمة الله وبركاته


الحمد لله اخيرا سلمونا الضمان الأجتماعي بطاقة بنتي بعد ماجاء ابوها واستلمها


لأنهم عقدوها لازم ولي الأمر او صك اعاله


استلمتها امس الصباح


لكن اليوم الظهر رحت الصراف ابسحب الرصيد ورافض


غير مفعله كيف ؟​

 

[نجمة مسافر]

رد: البطاقه وطلعت لكن مشكلة التفعيل ؟

وعليكم السلام ورحمة الله وبركاته
ما تقدرين تصرفين مباشره بعد ما تستلمين البطاقه لازم ينشطها البنك حتى تقدرين تسحبين لازم تاخذ فتره كم يوم
استعلمي عن طريق هالرابط واذا لقيتي البطاقه ( فعاله ) خلاص روحي اسحبي وتصرفونها بالعافيه
http://mosa.gov.sa/portal/modules/query/e3nh.php

 

[دموع لاتجف]

رد: البطاقه وطلعت لكن مشكلة التفعيل ؟

غير سنه كامله ع شان تطلع البطاقه

غير 5 شهور طالعه ورافضين يعطوني الرقم الرقم السري الا بوجود ولي الأمر


ع كذا كم يوم تتفعل سنتين والا كم يوم

 

[نجمة مسافر]

رد: البطاقه وطلعت لكن مشكلة التفعيل ؟

نسيت ابارك لكم والحمد لله انكم قدرتوا تاخذونها
الي صبرك هالمده الطويله يصبرك كم يوم لا تروحين للصراف حتى تشيكين وتستعلمين بدال طقة مشاوير من دون فايده
ان تجاوزت المده 10 ايام لازم تراجعينهم يفعلونها لك الله ييسر لكم اموركم

 

[دموع لاتجف]

رد: البطاقه وطلعت لكن مشكلة التفعيل ؟

الله يبارك بايامكم

نصبر ونشوف الشكوى لله

 

[دموع لاتجف]

رد: البطاقه وطلعت لكن مشكلة التفعيل ؟

القصه طويله رحت البنك قالو مالنا دخل راجعو الضمان


رحت الضمان برضو نفس الكلام مالنا دخل روحي التاهيل


رحت التاهيل قالو خلاص يومين وتتفعل وعطوني رقم وتحويله


ومن يومها ادق ولااحد يرد نهائي علي

ماقول الا حسبي الله ونعم الوكيل

 

[نجمة مسافر]

رد: البطاقه وطلعت لكن مشكلة التفعيل ؟

وش دخّل الضمان والبنك في بطاقة التأهيل !؟ الله يعينكم وش هالحوسه الي حاطينكم فيها
أنا يوم اقول راجعيهم اقصد التأهيل لأن عندهم في المركز مندوبه او مندوب لبنك الراجحي
معذوره لأنك جديده
انا عطيتك الرابط عشان تشيكين برقم المستفيد على وضع البطاقه وتشوفين فعلوها ولا لا وان طولت السالفه تراجعين التأهيل
ما كان له داعي ذا المشوار الا اذا مرت 10 ايام
الله يعينك ويفرج لك

 

[دموع لاتجف]

رد: البطاقه وطلعت لكن مشكلة التفعيل ؟

رحت التاهيل وقالو يومين وكلمي وكلمتهم وقالي روحي وشيكي بالصراف

لو ماشتغلت راجعينا الأحد ونرسل فاكس للرياض


انا بعرف ليش هالحوسه حسبي الله ونعم الوكيل المفروض خلاص البطاقه والرقم السري والتفعيل مع بعض


مصارت 6 شهور مماطله

حسبي الله ونعم الوكيل