الضمان الأجتماعي ماله داعي

[لافت نظر]

السلام عليكم ورحمة الله وبركاته


قدمنا يا أخوان على مساعدة مقطوعة الله يقطعها في
شهر 8 عام 1432هـ
وبعد ماخلصت الأجراءات وجبت الاوراق المطلوبة من المدارس وكل ماطلبو مني وسألتهم متى تنزل أشر لي بأصابعه الثنتين قلت له بعد اسبوعين ؟ قال شوي , قلت بعد شهرين ؟ قال حولها . قلت خير أن شاء الله أن غداً لناظرة لقريب.

والله وشاهد علي ربي أني محتاج المساعدة بشكل مااحد يتصورة ولو الحاجة ماكان رحت لهم مع أني ادري أنه من حقوقي وحقوق أي مواطن لكن يابخت من نام مظلوم ولا نام ظالم .
وبعد شهرين راجعتهم قالو باقي ما وقع الوزير , قلت خير أن شاء الله.
وبعد خمس شهور برضو راجعتهم ( قاعد لهم ) قالولي باقي ما وقع الوزير . قلت الله يطول بعمر الوزير ..
وآخر مرة الاسبوع الماضي , قالو ابشرك الوزير وقع قلت الحمدلله عسى ماتكلف .
بس يالحبيب مانزل شي في الحساب .
قال والله ماعندي خبر متى ؟
قريت خفاياه من نظراته وعرفت الأجابة من هزة راسة وقلت صبراً جميل والله المستعان .
وحتى يومنا هذا لم ينزل شي وأنا كل يوم واقف عند الصراف الآلي وأنا عندي أصابة الوقوف والمشي يتعبني الله يبعد عنك الشر .
وانا أناشد من هذا المنطلق كل من له طريقة أو علاقة أو حتى واسطة بأن يوصل صوتي وصوت جميع من يعاني .

والله المساعدة المقطوعة راح اسدد فيها اجار المنزل المتخلف يعني راح ترجع لهم بس تاخذلها لفة .
والله المستعان
والسلام عليكم ورحمه الله وبركاته​

 

[واثق الخطوة]

رد: الضمان الأجتماعي ماله داعي

وعليكم السلام ورحمة الله وبركاته
اخي الكريم ان شاء الله تستلمها بأقرب وقت،
ولكن بإمكانك الاطلاع علي هذا الموضوع
http://www.m3aq.net/vb/showthread.php?t=47003
ومن ثم مراسلة ادارة المنتدى عن طريق خيار
" الاتصال بنا " اسفل الصفحه من اليسار
وتكتب رقم سجلك المدني الي الآخ "رشة عطر"
وسوف يرد عليك بنفس الموضوع
ويعطيك الخبر الآكيد عن معاملتك
اسأل الله ان يسهل امورك ويرزقك من واسع فضله
تقبل احترامي​

 

[لافت نظر]

رد: الضمان الأجتماعي ماله داعي

اخوي معاند الزمن

اشكر لك مرورك وأهتمامك
لقد قرأت موضوع الأخ رشة عطر
والصراحة ماحبيت فكرة ارسال رقم السجل المدني
جميع الخدمات التي يقدمها الاخ رشة عطر موجودة في الموقع الرسمي للضمان الأجتماعي

وبالنسبة لتاريخ صرف المساعدات المقطوعة لاأحد يعلم فيها غير الله حتى موظفين الضمان نفسهم مايعرفون

كل من جا صار يفتي ويقول انا اعرف .

تحياتي لمرورك الراقي
​

 

[بيادر]

رد: الضمان الأجتماعي ماله داعي

والله انا مثلك من شهر 12 وانا مقدمه وقالولي شهرين وتنزل والي اليوم مانزل شي

وحسبنا الله ونعم الوكيل

 

[لافت نظر]

رد: الضمان الأجتماعي ماله داعي

[align=center]
اختي بيادر

اشكر لكي مرورك الراقي

وان شاء الله تفرج عن قريب .

آخر خبر يقولون في 1/4/1433هـ

وماباقي شي كلها ثلاث ايام اذا كانو صادقين في كلامهم

الله يسر أمورك ويفرج همك
[/align]

 

[سامي العتيبي]

رد: الضمان الأجتماعي ماله داعي

انا رحت لهم بخصوص المساعدة المقطوعة وقالوا ماتشملك لان العجز مؤقت لكن الرزق على الله

 

[لافت نظر]

رد: الضمان الأجتماعي ماله داعي

سامي العتيبي

اشكر لك مرورك اللطيف

والله يفرج همك ومثل ماقلت الرزق على الله

خير كلمة تغنيك عن كنوز الدنيا ( حسبي الله وانعم الوكيل )

 

[تتباشير]

رد: الضمان الأجتماعي ماله داعي

انا قدمت ع المساعده المقطوعه برمضان اللي فات واستغرقت بس اسبوعين ونزلت
ليش انت معقدينك؟؟غريبه
الله يعجل بنزولها وتصرفها بالعافيه

 

[لافت نظر]

رد: الضمان الأجتماعي ماله داعي

[align=center]
رشيديه اشكر مرورك المثير
الملك عبدالله الله يطول بعمرة أول مااستلم الحكم قال سوف اعامل الشعب بدون تفرقة
وكلامك هذا أكبر دليل أن في تفرقة بين المواطنين في كل شي ولا معقولة في سعوديين عندهم بيوت وأراضي وسعوديين ماعندهم شي ليش ؟؟؟؟ .
حتى حافز ماسلم من كذبهم ناس صرفو لهم وناس ماصروفو لهم .
الفساد مليان في البلاد الله يصلح امور العباد .
[/align]

 

[خذاني الشوق]

رد: الضمان الأجتماعي ماله داعي

السلام عليكم

وانا مقدم على المساعده المقطوعه من 19-4-1432 وللحين مانزل لي ولا ريال والله يعلم بالحال

 

[لافت نظر]

رد: الضمان الأجتماعي ماله داعي

خذاني الشوق

الله يفرج همك

وان شاء الله يعوض صبرك بالخير

 

[خذاني الشوق]

رد: الضمان الأجتماعي ماله داعي

امين وياك
والله يفرج على جميع المؤمنين والمؤمنات