الفوضويه والزمان الفوضوي

[سمو النفس]

الهاجس اللي يطوي ضلوعي طوي
وأنا عليه يقودني سلك الحرير ​

يتلّني من مرقدي لين أستوي
وأجيب ماجاب الفرزدق والجرير ​

فن اللغه والترجمان اللوغوي
والفلسفه والفكره وبوح الضمير ​

من مركز البث المباشر ترتوي
عبر الخلايا كلما هبت عصير ​

مليت من حبس الكلام المنزوي
وتعبت من قولة يصير ومايصير ​

والحزن من تحت الغشاء الخالوي
وسط الخليه كنه فجسمي خشير ​

حتى التدفق والنظام الداموي
صار يتوقف كلما جاه النذير ​

من مركز ضروف السنين المحتوي
لأدق تفصيلاتنا ’شر ٍ و خير ​

نمشي على خط المسار الكروي
نبدى من الأول ونرجع للأخير ​

وش عاد تفرق كروي أو بيضوي
دام النتيجه والنهايه مستدير​

الفوضويه والزمان الفوضوي
ماخلت أقدامي على كيفي تسير ​

أشعر بتقصير الشعور المعنوي
وأشعر بتوثيق السلاسل للأسير ​

بين القناعه والنظام التربوي
الراس راكب راسه وقلبي غرير ​

صرت أطحن الحبه قبل لاتستوي
وأضحك وأقول الخبره تخون الخبير ​

ياهيه ياكل الجمال الأنثوي
يالمر يالمعسول يالشح ّ الغزير ​

يالحاكم المحكوم يالضعف القوي
ياواقع الأحلام يالقل ّ الكثير ​

ياثانوي ّ الأصل وأصل الثانوي
ياظالم العدل ومصير اللامصير ​

قبل التطرّق للكلام الأولوي
ماباقي إلا القشه وظهر البعير ​

وإليا هوت فوقه على القاع يهوي
وإن ماهوت فوقه ترى وضعه خطير ​

قبل النهايه والفراق المأسوي
ومن قبل حزم الحارث وطعنة جبير ​

وجه بدوي داخل على وجه بدوي
ليتك تصلي ركعتين وتستخير ​

الجرح ينزف دم والليل سروي
جيتك من طعون الليالي مستجير ​

إما أعتبرها نخوه لوجه الخوي
ولّا بكيفك والليالي تستدير​

 

[الحنان كله]

رد: الفوضويه والزمان الفوضوي

كلمات رائعة

يسلمو مقادير

 

[إنسان آخر]

رد: الفوضويه والزمان الفوضوي

[align=center]
قصيدة جميلة
ولك أرق تحية
ودمتَ بحفظ الله
[/align]

 

[ارآجيز]

رد: الفوضويه والزمان الفوضوي

ما شاء الله
رآآآئع اخوي
عين الله ترعاك.||

 

[سمو النفس]

رد: الفوضويه والزمان الفوضوي

الحنان كله ’ انسان اخر , ارجيــز

لاهنتم على مروكم العطر
تحياتي

 

[رجآوي]

رد: الفوضويه والزمان الفوضوي

[align=center]
قصيده جداً رآئعه
يعطيك العآفيه مقآدير
[/align]