الحلم كذبه عقل تحتاج تصديق

[ابو فواز]

ناموا وصاح الحلم في داخلي فيق

مايلمس اهدابي مغمض عيونه

من يومها وانا ونوم المخاليق

اما يخون الجفن ولا يخونه

الحلم كذبه عقل تحتاج تصديق

حتى تكون اللي تمنى تكونه

واللي يقول ان الخيالات تلفيق

مشكلْته انْها ماتعدت متونه

اقسم وانا اللي ناجي من فم الضيق

انها منابع كاف عمرك ونونه

للعزم تركيبه وللعين تشويق

للساق ساق وللحنايا مؤونه

تاخذك حتى من على القمه تويق

وتقول هبتي ياسفوح المهونه

وش قيمة الاشجار من دون توريق

وش قيمة الانسان لولا جنونه

الطرق يفتح لك جميع المغاليق

والمجد ما يخضع لطيب وليونه

تصنع من اللا شي كل شي وتليق

في معدن الانسان شكله ولونه

جاهد وكافح وانزل المعركه طيق

اللي عجز غيرك تطيقه متونه

خط اسمك بجيد المهمات تعليق

واللي اضحكوا بكره يبي يحفظونه

من لا نشف من لفحة ايامه الريق

مايرتوي لاهل غيره مزونه

ولا الأماني مالها صوت تحقيق

اليا تنامت باليدين الحنونه

اللي قضى الايام للناس تصفيق

يايقتله الابهام ولا سنونه

الكون نام وراسي الساهر ابريق

يسكب من ايامه وتظما جفونه

والليل شباك الامل للمعاليق

لو حالت العتمات دونك ودونه

لو ما نتاج الليل خلد ونماريق

ماكان ابو القاسم بكى في سكونه

 

[إحسـاسي]

رد: الحلم كذبه عقل تحتاج تصديق

وش قيمة الاشجار من دون توريق

وش قيمة الانسان لولا جنونه

صح لسـان قايلها وسلمت يمين نقلتهـا

قصيده اكثر من راائعه

أشكرك ع إنتقائك الراقي والمتميز اخي ابو فواز

تقييمي وتقديري لك ؛​

​

 

[عيسى محمد]

رد: الحلم كذبه عقل تحتاج تصديق

ابوفواز

احييك على النقل المميز كتميز حضورك القيم
فـ صح السان قايلها وسلمت يمين ناقلها
احسنت يا ابا فواز النقل لاعدمناك

تحييييييياتي

 

[ابو فواز]

رد: الحلم كذبه عقل تحتاج تصديق

وسلمت يمينك اختنا احساسي
على هذا الكلام الطيب ،الرقي والتميز بمروركم
الارقى والاميز دائما كل الشكر لك على المرور والتقييم
تقديري لك

 

[ابو فواز]

رد: الحلم كذبه عقل تحتاج تصديق

وحياك الله وبياك اخي عيسى
شرفني مرورك واسعدني وسلمت
يمينك ولا عدمنا هذا المرور الارقى
والاميز بارك الله فيك ،احترامي وتقديري لك

 

[نوره عبدالله]

رد: الحلم كذبه عقل تحتاج تصديق

الله الله ..
صح لسان قايلها وناقلها ..
أبيات جزله وراااائعه ..
الله يعطيك العافيه ويسعدك ..
تحياتي و تقديري لك

 

[ابو فواز]

رد: الحلم كذبه عقل تحتاج تصديق

ويعطيك العافيه وسعدك
ربي اختنا نورة عبد الله
الرائع مرورك بارك الله فيك
احترامي وتقديري لك

 

[دارين]

رد: الحلم كذبه عقل تحتاج تصديق

للعزم تركيبه وللعين تشويق

للساق ساق وللحنايا مؤونه

تاخذك حتى من على القمه تويق

وتقول هبتي ياسفوح المهونه

اختيار قمه

 

[ابو فواز]

رد: الحلم كذبه عقل تحتاج تصديق

حياك الله اختنا دارين
شرفني مرورك واسعدني
احترامي وتقديري لك