لحظة وداع وكنها سكرة الموت

[بنت قحطان]

كفي .. ماقدرت ارفع الصوت
لو كان فالخاطر .. كلام كتمته


لحظه وداع / وكنها سكرة الموت
ضاع الطريق .. اللي من اول رسمته


ضاع الطريق وصرت في الدرب مبهوت
مدري وش اللي فاتني ما اغتنمته !


العمر مرّ .. وراح مع فايت الفوت
صحيح ضعت .. وضاع حلم حلمته


الا انت ياللي قربك لروحي القوت
لو غبت / يبقى وسمك اللي وسمته


يبقى كما نقش على الصخر منحوت
حفظته .. بشكله ولونه وسمتّه


مهما الفراق اوجاع والبعد ممقوت
اصبح مصير من غلاك / احترمته


دمع النصر لو طاح من ( عين جالوت )
( عين العقل ) دمع تكنّه / حشمته


ذخرت لك يافرحة العمر .. تابوت
فيه الغرام اللي بديته / ختمته


يبقى الغصن لو مابقى فالغصن توت
تحرك انسام الذعاذيع .. صمته


سكّت .. وانا من موادعك مكبوت
شي تجاهلته .. وشي فهمته !


حبل الرجاء من جور الايام مفلوت
ياليت قلبي عن غرامك عصمته



ياما .. بنيت بيوت وبيوت وبيوت
اليوم .. كم بيت بنيته .. هدمته .



new8منقوووووووووووووووولnew8
اعجبتني ونقلته لكم​

 

[الحنان كله]

رد: لحظة وداع وكنها سكرة الموت

نقلت فابدعت قلبو بنت قحطان يسلمووو قلبوو

 

[بنت قحطان]

رد: لحظة وداع وكنها سكرة الموت

حنوونه يعطيك الف عافية
اشكر مرورك الطيب
الذى اضاء متصفحى المتواضع

 

[العصفوره]

رد: لحظة وداع وكنها سكرة الموت

يعطيك العافيه ع النقل الحلو