الجامعات و التعليم عن بعد

[اخو هيفاء]

السلام عليكم

الموضوع باين من عنوانه, وهو الدراسة الجامعية عن بعد, هي شبية بالإنتساب بس مطور شوي. يعني تقدر تشوف المحاضرات و تنزل المناهج من موقع الجامعة
بتكلم عن جامعة الامام خاصة لاني ادرس فيها الحين
من الميزات ان فيها مراكز اختبارات كثيرة, في كل مناطق المملكة وهذا بيساعد كثير خاصة اللي يعاني من مشاكل التنقلات
56 مركز على مستوى المملكة! يعني مالك عذر جوك الين عندك

اغلب الجامعات فتحت لها اقسام كثيرة عن بعد, مثل جامعة الإمام وهذا موقعهم

فيه تخصصات حلوة, شريعة, لغة عربية, لغة انقليزية, وادارة واعمال

اللي اعرفة بعد ان فيه كذا جامعة غير الامام تسوي نفس الطريقة, جامعة الملك فيصل, وجامعة الملك عبدالعزيز "مانيب متأكد"

قبل كم يوم اشوف احصاء للمعاقين وان فوق 50% منهم اميين! ان شاء الله مع هالتطورات نقدر نقلل هالنسبة

عارف ان الموضوع ملخبط لاني كتبته بسرعة, بس اللي عنده استفسار او يبي مساعدة انا جاهز
واللي عنده اضافة للموضوع لا يبخل والسلام

 

[اخو هيفاء]

رد: الجامعات و التعليم عن بعد

ودي احط لكم روابط للجامعات بس لازم يكون عندي 30 مشاركة
يمكن ارجع بعدين واضيفهن

 

[المتفائل]

رد: الجامعات و التعليم عن بعد

[align=center]بالفعل صارات الدراسة الجامعية ميسرة
وانت /انتي في بيتك تقدر تواصل الدراسة
وايضا هناك خصم 50% لذوي الاحتياجات الخاصة
واعفاء كامل من الرسوم اذا كنت مستفيد من الضمان
ايضا اخوي جامعة الملك عبد العزيز بجدة
وجامعة الملك فيصل بالاحساء
عندهم طريقة التعلم عن بعد
نفس جامعة الامام بالرياض
يعطيك العافية اخوي اخو هيفاء
اتمنى لك التوفيق[/align]

 

[اخو هيفاء]

رد: الجامعات و التعليم عن بعد

شكرا للاشراف اللي نقلوه هنا, مادريت ان فيه قسم خاص بالتعليم

واذا فيه موضوع مشابه علمونا عشان نكمل فيه ونترك هذا او تحذفونه

نسيت اقول ان الرسوم الدراسية هي 2500 للترم, وتقدر تسوي اعفاء بكل سهولة

 

[اخو هيفاء]

رد: الجامعات و التعليم عن بعد

شكرا للمتفائل على الإضافة
ومثل ماقلت فيه اكثر من خيار بالنسبة للجامعات

ابحاول اليوم اسوي بحث عن الجامعات اللي عندها خدمة التعليم عن بعد

 

[اخو هيفاء]

رد: الجامعات و التعليم عن بعد

انا بركز على جامعة الامام بالبداية بعدين بابحث عن جامعات غيرها

هذا رقمهم
920001580
متساعدين جدا

وهنا بيان بأسماء وأرقام هواتف مواقع المراكز
لكن شكلها ماهيب محدثة! لأني ادور المركز اللي انا اختبر فيه مالقيته!
عموما شوفوا الرابط

http://www.imamu.edu.sa/support_deanery/e_learn/academic_affairs/Pages/centers_students.aspx


وهنا التخصصات والخطط الدراسية

http://www.imamu.edu.sa/support_deanery/e_learn/archive/Pages/default.aspx
​

 

[صديقة ذوي الإعاقة]

رد: الجامعات و التعليم عن بعد

موضوع قيم ومفيد نرجو تثبيته

 

[نور]

رد: الجامعات و التعليم عن بعد

طيب ياخو هيفاء

ودي اكمل دراسات عليا :shiny01: لاني مكملة جامعة والحمد لله

هل ممكن عن بعد ؟؟

موفق يارب

 

[اخو هيفاء]

رد: الجامعات و التعليم عن بعد

هذا رابط جامعة الملك عبدالعزيز تعليم عن بعد
http://elearning.kau.edu.sa/Default.aspx?Site_ID=214&Lng=AR

وهذا رابط جامعة الملك فيصل تعليم عن بعد
http://www.kfu.edu.sa/ar/Deans/ELEARNING/Pages/Home.aspx
​

 

[اخو هيفاء]

رد: الجامعات و التعليم عن بعد

سمي يانور هالرابطين

جامعة الامام
http://www.imamu.edu.sa/SUPPORT_DEANERY/E_LEARN/NEWS/Pages/news_1-5-1432_1.aspx

جامعة الملك عبدالعزيز
http://elearning.kau.edu.sa/Pages-ماجستير-تربوي.aspx


واتوقع سنة او سنتين بالكثير وتفتح كل الجامعات اقسام تعليم عن بعد دراسات عليا
لان كل التعليم عن بعد جديد وكل ماله يتطور اكثر
​

 

[الإنسانية]

رد: الجامعات و التعليم عن بعد

أنا فتحت عليها وكاتبين لازم يكون لائق طبيا
كيف نسجل فيها أرجواالإفاده

 

[صديقة ذوي الإعاقة]

رد: الجامعات و التعليم عن بعد

السؤال الذي يطرح نفسة * هل هي معتمدة لانه نقرا انة يتم استبعادهم من الوظائف التعليمية

 

[اخو هيفاء]

رد: الجامعات و التعليم عن بعد

اختي الانسانية
غريبة وين قريتي شرط انك تكون لائق صحيا؟ انا ادرس تعليم عن بعد ولا اشترطوا علي كذا!
وبالنسبة للتسجيل, انتي اختاري الجامعة اللي تبين تسجلين فيها وانا اساعدك

اختي بصمة
شهادة التعليم عن بعد معترف فيها من الوزارة, وهي مطابقة للشهادة العادية ماعدى في الوظائف الاكاديمية, ويكون فيها الاولوية للشهادة العادية وهذا شي طبيعي

 

[مطنوووخ]

رد: الجامعات و التعليم عن بعد

مشكورة اختي صاحبة الموضوع القيم

انا منتسب بجامعة الامام المستوى الرابع

الانتساب حلو بسس بالنسبة لجامعة الامام والله مافي ذاك الاهتمام لدرجة حتى اللفت مافيه الا لفت مستودعات
والمشكلة في الاعلام مسوين زحمة ان جامعة الامام موفرة جميع الخدماات للذوي الاحتياجات الخاصة

شكرا لكم

 

[صديقة ذوي الإعاقة]

رد: الجامعات و التعليم عن بعد

خ

تي بصمة
شهادة التعليم عن بعد معترف فيها من الوزارة, وهي مطابقة للشهادة العادية ماعدى في الوظائف الاكاديمية, ويكون فيها الاولوية للشهادة العادية وهذا شي طبيعي

اجل وش فايدة الدراسة والتعب اذا لم يتم قبولهم في المجال اللاكاديمي

وهم يدرسون نفس مواد المنتظمين

 

[اجراس الحنين]

رد: الجامعات و التعليم عن بعد

السلام عليكم ورحمة الله وبركاته

الله ينور دربك اخوهيفاء ويجزيك كل خير يارب

ما تدري اني لي فترة احاول الوصول لهالموضوع

عزيزي انا خريجة دبلوم رياض اطفال ( سنتين فقط ) ومر على تخرجي حوالي 16 سنه ، ومن مكه

واللحين اتمنى اكمل دراستي ولا لقيت من يساعدني ويدلني صح وانا عندي شلل نصفي بس احب التعليم


فاتمنى من الله ثم منك ومن كل من عنده خلفيه يساعدني


جزاكم الله كل خير​

 

[اخو هيفاء]

رد: الجامعات و التعليم عن بعد

[align=center]بصمة امل
تفائلي وانا اخوك وخلي نظرتك ايجابية, مجالات الوظايف للنساء الحين كثيرة, وفيه فرص واجد افضل بكثير من انك تكونين مدرسة! بنوك وشركات ومستشفيات
وسامحيني بس انا اقول احسن من القعدة البطالة, يعني لو مايجي منها الا فايدة العلم


اجراس الرنين
الله على الهمة والعزيمة والاصرار, وش حب العلم هذا؟ وش هالعظمة ذي؟ احترامي لكي سيدتي
ابشري باللي تبين وانا اخوك
عطيني بس هاليومين عشان ابحث لك عن الجامعات اللي بمكة
بس علميني شوي معلومات اذا تفضلين اي جامعة؟ واي تخصص تبين؟ وهل تبين تبدأين من جديد؟ او نشوف اذا ممكن يعادلون لك ساعاتك؟[/align]

 

[اخو هيفاء]

رد: الجامعات و التعليم عن بعد

مشكورة اختي صاحبة :6: الموضوع القيم

انا منتسب بجامعة الامام المستوى الرابع

الانتساب حلو بسس بالنسبة لجامعة الامام والله مافي ذاك الاهتمام لدرجة حتى اللفت مافيه الا لفت مستودعات
والمشكلة في الاعلام مسوين زحمة ان جامعة الامام موفرة جميع الخدماات للذوي الاحتياجات الخاصة

شكرا لكم

كلامك سليم, في بعض الصعوبات
انا كل سنة اعطيهم المشاكل اللي القاها واذا جيت المستوى اللي بعده يحلونها, ولكل مجتهد نصيب
هي كم سنة يظغط على نفسه و يتحملها شوي الى ان تفرج ان شاء الله

 

[اجراس الحنين]

رد: الجامعات و التعليم عن بعد

[align=center]ب


اجراس الرنين
الله على الهمة والعزيمة والاصرار, وش حب العلم هذا؟ وش هالعظمة ذي؟ احترامي لكي سيدتي
ابشري باللي تبين وانا اخوك
عطيني بس هاليومين عشان ابحث لك عن الجامعات اللي بمكة
بس علميني شوي معلومات اذا تفضلين اي جامعة؟ واي تخصص تبين؟ وهل تبين تبدأين من جديد؟ او نشوف اذا ممكن يعادلون لك ساعاتك؟[/align]

تسلم اخوي والله يبشرك بجنات الفردوس
اكيد اخوي ابيهم يعادلونها لي اذا ممكن هالشي
ومن ناحية التخصصااات ،، اتعرف على التخصصات المطلوبه ومنها اختار اللي يناسبني
وعالعموم راح اكون متواصله معك إذا سمحت لي​

 

[ميلاَ]

رد: الجامعات و التعليم عن بعد

[align=center]-

أنا فتحت عليها وكاتبين لازم يكون لائق طبيا
كيف نسجل فيها أرجواالإفاده

حححتى آنآ آدرس تعليم عن بعد ب جآمعه فيصل م قريت كذ1 ؟
حرام عليهم مالهم حق اصلا يمنعون احد عن التعليم


خيي آخو هييفآء الله يوفقكك ي ربَ
آلحمدلله آني حصلت آحد يعرف كيذ1
عندي سؤآل صغير مآدري آذآ تقدر تفيدني آو لآ

آنآ آدرس ب جآمعه فيصل تعليم عن بعد ققسم تربيه خاصه
و الحين الحمدلله خلصت السمستر ال 4 و رايحه لَ 5 و هينآ يكون تحديد مسآر
و آنآ آميل للآعآقه العقليه و اكثر مسار حبيته من اللي فاتحين لنا
بسالكك بعدين يقولون في تطبيق ب دراستنا عن بعد صح ؟
طيب ممكن انهم يمنعوني من اني اطبق في مدارس ل ذوي الاحتياجات بعدين ؟
بحكم اني معاقه حركيا و يقولون اني م اقدر افيدهم ؟
انا م كانت عندي اي مشكله بس تعرف اللي يحبطون عزيمه الواحد في عينات كككككثير بالمجتمع
و قالولي اني ماراح اشتغل فيها ولا راح اطبق ولا راح يسمحون اصلا بحكم اني م آفيدهم !

مآدري لو كآن عندك خلفيه عن هَ الموضوع يَ ليت تفيدني
عشان اعرف و اختار مسار ثآني !

الله يعطيك الف الف عافيه و يَ ربي فالك الدكتورآهه ..






[/align]