للأهمية:وين مكان استلام الرقم السري لبطاقة الصراف للذكور بالرياض

[أبوفهد]

للأهمية:وين مكان استلام الرقم السري لبطاقة الصراف للذكور بالرياض

السلام عليكم ورحمة الله

ولله الحمد تم استلام بطاقة الصراف وبقى استلام الرقم السري

قالوا لي روح استلم الرقم السري من المركز في الغرابي

وش اسمة المركز و ابي اعرف وين مكانهم بالضبط ابي الوصف لاني ما ادل هناك

و ايش الي جنب المركز معلم بارز اقدر اسال عنه لو ضعت

بعدين وش المطلوب اخذ معي بس بطاقة الصراف وكرت العائلة بس

وهل لازم اخذ الولد معاي ولا لا ودوامهم الى الساعة كم

جزاكم الله الف خير ابي اعرف ايش اخذ معي اخاف اروح ويردوني

معلومة : لمن يريد استلام بطاقة الصراف ترى وقت العمل من الساعة 8صباحاً وحتى 12 ظهراً في موقعهم بجوار الادارة العامة للجوازات طريق الملك فهد

جزاكم الله الف خير ورحم الله والدينا ووالديكم

 

[أم عبد العزيز]

رد: للأهمية:وين مكان استلام الرقم السري لبطاقة الصراف للذكور بالرياض

رد: للأهمية:وين مكان استلام الرقم السري لبطاقة الصراف للذكور بالرياض

مبروووك استلام البطاقه
والله اخوي انا بالدمام وقالوا الرقم السري بوزارة الشؤؤن الاجتماعيه
اما بالنسبه للرياض ماعرف بس ان شاء الله الاخوان يفيدونك
والله يشفيك ويشفي كل مريض

 

[ابوعبادي]

رد: للأهمية:وين مكان استلام الرقم السري لبطاقة الصراف للذكور بالرياض

رد: للأهمية:وين مكان استلام الرقم السري لبطاقة الصراف للذكور بالرياض

اخووي خذلك ليموزين وقله الضمان الاجتماعي بالغرابي اذا كان يقصدوون مركز الضمان اي تكسي يدله لان الغرابي مافيه الامبنى الضمان او اذا يقصدون مبنى وزارة الشوون الاجتماعية تراها بعد في الغرابي قبل شركة ميتسوبيشي يعني يقصدون مركز الضمان او الوزارة كلها في الغرابي بس بينهم اكثر من شارع لو تبيني اوصلك حبيبي انت تامر ارسلي رسالة على الخاص واعطيك رقم جوالي وابشر بسعدك وانا اخووك

انا معاق زيك واعرف وش معنى معانات بالمشاوير واروحه والجيه

 

[ابن ز ا ا ا ا يد]

رد: للأهمية:وين مكان استلام الرقم السري لبطاقة الصراف للذكور بالرياض

رد: للأهمية:وين مكان استلام الرقم السري لبطاقة الصراف للذكور بالرياض

ابو فهد
افادوك لخوان ونا من براء الرياض
ونشالله تيسر امورك
ومبروك على استلام البطاقه
ابو عبادي
بيض الله وجهك
والله انك ذيب
والله يكثر من امثالك
احترامي لكم

 

[أبوفهد]

رد: للأهمية:وين مكان استلام الرقم السري لبطاقة الصراف للذكور بالرياض

رد: للأهمية:وين مكان استلام الرقم السري لبطاقة الصراف للذكور بالرياض

اخووي خذلك ليموزين وقله الضمان الاجتماعي بالغرابي اذا كان يقصدوون مركز الضمان اي تكسي يدله لان الغرابي مافيه الامبنى الضمان او اذا يقصدون مبنى وزارة الشوون الاجتماعية تراها بعد في الغرابي قبل شركة ميتسوبيشي يعني يقصدون مركز الضمان او الوزارة كلها في الغرابي بس بينهم اكثر من شارع لو تبيني اوصلك حبيبي انت تامر ارسلي رسالة على الخاص واعطيك رقم جوالي وابشر بسعدك وانا اخووك

انا معاق زيك واعرف وش معنى معانات بالمشاوير واروحه والجيه

الله يبيض وجهك ويجزاك الف خير

ماتقصر وانا اخوك

ابشرك رحت العصر للوزارة الي قبل شركة مستوبيشي وحصلت الحارس جزاه الله خير ودلني على الموقع

وهو في نفس شارع الغرابي مبنى على اربعة شوارع

يمتد على نفس شارع الغرابي للسيارات عند صراف الراجحي بالضبط

ابوعبادي ماقصرت يالغالي وشفاك الله ورفع عنك

 

[أبوفهد]

رد: للأهمية:وين مكان استلام الرقم السري لبطاقة الصراف للذكور بالرياض

رد: للأهمية:وين مكان استلام الرقم السري لبطاقة الصراف للذكور بالرياض

ابو فهد
افادوك لخوان ونا من براء الرياض
ونشالله تيسر امورك
ومبروك على استلام البطاقه
ابو عبادي
بيض الله وجهك
والله انك ذيب
والله يكثر من امثالك
احترامي لكم

جزاك الله خير اخوي ابوزايد

 

[ابوعبادي]

رد: للأهمية:وين مكان استلام الرقم السري لبطاقة الصراف للذكور بالرياض

رد: للأهمية:وين مكان استلام الرقم السري لبطاقة الصراف للذكور بالرياض

الحمد لله وانا اخووك ومافي داعي تشكر واحد من اخوانك كلنا اخوان على راسي انت وابن زايد الله يفتحا بوجيهنا جميعا بالخير ويرزقنا من حيث لانعلم ويارب ابو متعب مايقصر معنا بكره ...

ادعولي وانا اخووك ان اموري تتيسر